ជាចូលរួមក្នុងសកម្មភាពបង្រ្កាបបទល្មើសនេសាទខុសច្បាប់ដើមី្បការពារ អភិរក្សពូជមច្ឆាជាតិ នៅថ្ងៃទី២៣ ខែមករា ឆ្នាំ២០២០ លោក ថាន់ ហឹក អភិបាលរងស្រុកតំណាងឲ្យគណៈបញ្ជាការឯកភាពរដ្ឋបាលស្រុកពួក បានសហការជាមួយ មន្ត្រីជំនាញ់ និងកម្លាំងចម្រុះចូលរួមសរុបចំនួន ១៩នាក់ បានចុះធ្វើប្រតិបត្តិការបង្ក្រាប បទល្មើសជលផលមួយកន្លែង នៅចំណុចអូរប្រតប់ រហូតដល់ស្ទឹងកំបុត ភូមិពាមតាអួរ ឃុំកែវព័ណ៌ ស្រុកពួក ។
ក្នុងប្រតិបត្តិការនេះ កម្លាំងចម្រុះបានរឹបអូសបានវត្ថុតាងបានមួយចំនួនរួមមាន៖ ឧបករណ៍ ប ចំនួន១៨គ្រឿង
របាំងសាច់មងប្រវែង ១៨០០ម៉ែត្រ , បង្គោលចម្រឹងចំនួន ១ពាន់ដើម និងបានកម្ទេចនៅនឹងកន្លែង ព្រមទាំងបានព្រលែងត្រីចំរុះចូលបីងធម្មជាតិវិញសរុបជាង៣០គីឡូក្រាមផងដែរ ។
ជាមួយគ្នានោះដែរអជ្ញាធរស្រុក ក៏សូមអំពាវ និងទទូចសុំដល់បងប្អូនប្រជានេសាទទាំងអស់ សូមចូលរួមរក្សាការពារធនធានជលផល និងប្រើប្រាស់ឧបករណ៍នេសាទស្របច្បាប់គ្រប់ៗគ្នា ជៀសវាងខាតប្រយោជន៍របស់បងប្អូន ៕
ព័ត៌មានជាតិ ថ្មីៗ
អត្ថបទ និង រូបភាព ៖ថាច់ ពិសុទ្ធ
កែសម្រួល៖ អ៊ុន ណារាជ្យ
