អាជ្ញាធរខេត្តសៀមរាបបន្តយកចិត្តទុកដាក់លើវិស័យទេសចរណ៍ក្នុងខេត្ត ដើម្បីបង្ការជំងឺឆ្លងប្រភេទថ្មី

នៅល្ងាចថ្ងៃទី២៩ ខែមករា ឆ្នាំ ២០២០ អាជ្ញាធរខេត្តសៀមរាប បានចុះត្រួតពិនិត្យស្ថានភាពភ្ញៀវទេសចរនិងអាជីវករនៅក្នុងតំបន់ផាប់ស្ទ្រីត (Pub Street) ក្នុងក្រុងសៀមរាប ខណ:ពិភពលោកកំពុងព្រួយបារម្ភពីការឆ្លងជំងឺរលាកសួតប្រភេទថ្មី។

ក្នុងឱកាសចុះត្រួតពិនិត្យនោះ លោក នាក់ ណេរ៉ុន អភិបាលរងខេត្តសៀមរាប រួមនិងលោកប្រធានមន្ទីរព័ត៌មានខេត្ត និងលោកប្រធានមន្ទីរពាណិជ្ជកម្ម ជួបសំណេះសំណាល ជាមួយអាជីវករផ្ទាល់នៅក្នុងផ្សាររាត្រី និងឱសថស្ថានមួយចំនួន។

ដើម្បីការពារ និងទប់ស្កាត់ការចម្លងមេរោគរលាកសួតប្រភេទថ្មីជាយថាហេតុ ក្រសួងសុខាភិបាលបានណែនាំដល់ប្រជាពលរដ្ឋកម្ពុជាធ្វើអនាម័យដៃដោយសាប៊ូនិងទឹកស្អាតឲ្យបានញឹកញាប់ នៅឲ្យឆ្ងាយពីមនុស្សដែលសង្ស័យថាមានឆ្លងជំងឺរលាកសួតប្រភេទថ្មី និងអ្នកដែលមានអាការៈក្អក ឬកណ្ដាស់ សូមពាក់ម៉ាស់ការពារតំណក់ទឹកមាត់ ប៉ះអ្នកនៅជុំវិញខ្លួន។

ព័ត៌មានជាតិ ថ្មីៗ

ការចាក់វ៉ាក់សាំងការពារជំងឺកូវីដ-១៩ ដូសទី2 ជូនពលរដ្ឋរស់នៅក្នុងសង្កាត់សំបួរ ក្រុងសៀមរាប បានដំណើរការហើយ

01/08/2021

សមាគមចលនាយុវជនកម្ពុជា ក្រុម១៥៧ សាខាខេត្តសៀមរាប នាំយកទៀនវស្សា ទេយ្យវត្ថុ និងបច្ច័យប្រគេនដល់ព្រះសង្ឃគង់ចាំព្រះវស្សាក្នុងវត្តចំនួនពីរ ក្នុងស្រុកវ៉ារិន

30/07/2021

ទន្ទឹមនោះ រដ្ឋបាលខេត្តសៀមរាប បានអំពាវនាវដល់ឱសថការីទាំងអស់ក្នុងខេត្តសៀមរាប សូមកុំតម្លើងថ្លៃម៉ាសគ្រប់ប្រភេទ ដែលនាំឲ្យប៉ះពាល់ដល់វិជ្ជាជីវៈ និងកិត្តិយសឱសថការី។

សូមជម្រាបថា ម៉ាស ដែលដាក់លក់នៅតាមឱសថស្ថាន ជាច្រើនកន្លែង ក្នុងក្រុងសៀមរាប និងស្រង់តម្លៃដោយមន្ទីរពាណិជ្ជកម្មខេត្តសៀមរាប រួមមាន តម្លៃម៉ាសក្នុង១ប្រអប់ (៥០ម៉ាស) ម៉ាក Kenko តម្លៃ ១០,០០០រៀល ម៉ាក Mew តម្លៃ ពី ១០,០០០រៀលដល់ ២០,០០០រៀល ម៉ាកDengrong តម្លៃចាប់ពី ៨,០០០រៀល ដល់ ១២,០០០រៀល ម៉ាក Shunyi តម្លៃចាប់ពី ៦,៥០០រៀល ដល់១២,០០០រៀល ម៉ាក Comfort តម្លៃ ២០,០០០រៀល ម៉ាកChangia តម្លៃ ៨,០០០រៀល ម៉ាកSurgical តម្លៃ ២៤,០០០រៀល ម៉ាក Sy Riy តម្លៃ ២០,០០០រៀល ម៉ាសជប៉ុន តម្លៃ ២៦,០០០រៀល ដោយឡែក ម៉ាស់ប្រភេទ 3M N95 USA ក្នុងម៉ាសមួយ តម្លៃចាប់ពី ២០,០០០រៀល ដល់ ៣២,០០០រៀល។

សូមបញ្ជាក់ថា ចំពោះតម្លៃខាងលើ មន្ត្រីនៃមន្ទីរពាណិជ្ជកម្មខេត្ត មិនបានបញ្ជាក់ថា តម្លៃទាំងនេះសមរម្យ ឬយ៉ាងណានោះទេ គ្រាន់តែជាការបញ្ជាក់ថាឱសថការី បានលក់ក្នុងតម្លៃនេះពិតប្រាកដមែន។

អត្ថបទ និង រូបភាព ៖ លោក ស៊ាន សុផាត
កែសម្រួលអត្ថបទ ៖ លោក សេង ផល្លី