កាលពីព្រឹកថ្ងៃទី០៦ ខែកុម្ភៈ ឆ្នាំ២០២០ម្សិលមិញនេះ លោក អៀង ពិសិដ្ឋ ប្រធានគណៈកម្មាធិការអនុសាខាកាកបាទក្រហមកម្ពុជាស្រុកស្វាយលើ និងសហការី បាននាំយកអំណោយមនុស្សធម៌ជូនដល់គ្រួសារដែលលំនៅដ្ឋានរងគ្រោះដោយអគ្គិភ័យ នៅភូមិតាព័រ ឃុំតាសៀម កាលពីរសៀលថ្ងៃទី០៤ ខែកុម្ភៈ ឆ្នាំ២០២០កន្លងមកនេះ ។
អំណោយមនុស្សធម៌ដែលបានផ្ដល់ជូនរួមមាន៖ សង្ក័សីចំនួន១០ សន្លឹក , អង្ករទំងន់ ៨០គីឡូក្រាម , ទឹកត្រី ២យួរ , ទឹកស៊ីអ៊ីវ១យួរ , ត្រីខ១យួរ , មី ២កេស , ឃីត១កញ្ចប់ , ធុងទឹក១គូ , ឆ្នាំង១ , ចាន៥ , ស្លាបព្រា១ឡូ , កន្ទេល១ និងថវិកាមួយចំនួន ៕
អត្ថបទ និង រូបថត : លោក គឿន វេត
កែសម្រួលអត្ថបទ : លោក លីវ សាន្ត
