សមត្ថកិច្ចនគរបាលស្រុកជីក្រែងបានឲ្យដឹងថា កាលពីវេលាម៉ោង១០ និង៥០នាទី ថ្ងៃទី០៦ ខែកុម្ភះ ឆ្នាំ២០២០ មានករណីគ្រោះថ្នាក់ចរាចរណ៍មួយបានកើតឡើង រថយន្តកែច្នៃបុកជាមួយម៉ូតូ បណ្ដាលឲ្យក្មេងប្រុសម្នាក់បានស្លាប់នៅនឹងកន្លែង និងមនុស្ស៣នាក់ទៀតបានរងរបួលធ្ងន់ស្រាល នៅត្រង់ចំណុចចន្លោះគីឡូម៉ែត្រលេខ ២៥១ និង២៥២ ភូមិពោធិសិរី ឃុំកំពង់ក្តី ស្រុកជីក្រែង ខេត្តសៀមរាប ។
សមត្ថកិច្ច បានឲ្យដឹងទៀតថា មុនពេលកើតហេតុមានម៉ូតូមួយគ្រឿងម៉ាកហុងដាឌ្រីមសេ១២៥ ផ្លាកលេខសៀមរាប១N-៥៩៣២ ពណ៌ខ្មៅ អ្នកបើកម៉ូតូឈ្មោះសំ ដូង ភេទប្រុស អាយុ៥៤ឆ្នាំ ទីលំនៅភូមិល្វែងឬស្សី ឃុំល្វែងឬស្សី ស្រុកជីក្រែង ខេត្តសៀមរាប និងមានអ្នករួមដំណើរចំនួន៣នាក់១, ឈ្មោះ ឃុត រ៉ន ភេទស្រី អាយុ៥២ឆ្នាំ
២, ឈ្មោះ ដូង ឌីងឈិ ភេទប្រុស អាយុ៧ឆ្នាំ ៣, ឈ្មោះ ឈួន មីអន ភេទស្រី អាយុ២ឆ្នាំ ។ អ្នកទាំង៤នាក់ នៅភូមិល្វែងឬស្សី ឃុំល្វែងឬស្សី ស្រុកជីក្រែង ខេត្តសៀមរាប បើកបរក្នុងទិសដៅពីកើតទៅលិច បានបុកគោយន្តកែឆ្នៃ ពណ៌ខៀវ ប្រភេទដឹកទំនិញ ធុនតូចអ្នកបើកបរ ឈ្មោះ ភូ កុត ភេទប្រុស អាយុ២៥ឆ្នាំ ទីលំនៅភូមិរកា ឃុំកំពង់ក្តី ស្រុកជីក្រែង ខេត្តសៀមរាប ។គោយន្តកែឆ្នៃ បើកបរក្នុងទិសដៅពីជើងបត់ឆ្វែង ទៅកើតបណ្តាលឲ្យ ឈ្មោះដូង ឌីងឈិ និងអ្នករួមដំណើរបានស្លាប់ម្នាក់ រងរបួសមនុស្សធ្ងន់ ៣នាក់ បណ្តាលឲ្យខូចខាតម៉ូតូទាំងស្រុង ។
សមត្ថកិច្ចបញ្ជាក់ថា៖ មូលហេតុដែលបណ្ដាលឲ្យមានគ្រោះថ្នាក់ចរាចរណ៍នេះ ដោយសារថយន្តកែឆ្នៃបើកបរបត់ឆ្វេងមិនប្រយ័ត្នក្រោយពេលកើតហតុអ្នកបើកបរបានគេចខ្លួនបាត់ ។ ក្រោយកើតហេតុកម្លាំងសមត្ថកិច្ចនគរបាលជំនាញ បានចុះដល់កន្លែងកើតហេតុនិងបានបញ្ជូនអ្នករងគ្រោះទៅមន្ទីរពេទ្យតាមរថយន្តសាមុយ និងធ្វើការវាស់វែងកន្លែងកើតហេតុយកវត្ថុតាងពាក់ព័ន្ធមករក្សាទុកនៅអធិការដ្ឋាន ដើម្បីរៀបចំកសាងសំណុំរឿងតាមនិតិវិធីបន្ត ។
ព័ត៌មានជាតិ ថ្មីៗ
អត្ថបទ និង រូបភាព៖ ថាច់ ពិសុទ្ធ
កែសម្រួល៖ ហាំ ម៉េងហួត
