នៅរសៀលថ្ងៃទី១១ ខែកុម្ភៈ ឆ្នាំ២០២០នេះ នៅសាលប្រជុំសាលាស្រុកស្វាយលើ បានប្រារព្ធពិធីប្រកាសដាក់ឲ្យដំណើរការជាផ្លូវការ រចនាសម្ព័ន្ធថ្មី នៃរដ្ឋបាលស្រុកស្វាយលើ ក្រោមអធិបតីភាពលោក ពៅ ពិសិដ្ឋ អភិបាលរងខេត្ត និងជា តំណាងដ៏ខ្ពង់ខ្ពស់ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប ដោយមានការអញ្ជើញចូលរួមពីសំណាក់ឯកឧត្តមជាសមាជិកក្រុមប្រឹក្សាខេត្ត លោក លោកស្រី ជាថ្នាក់ដឹកនាំមន្ទីរ អង្គភាពនានា ជុំវិញខេត្ត ប្រធាននិងសមាជិកក្រុមប្រឹក្សាស្រុក អភិបាលនិងអភិបាលរងស្រុក មន្ត្រីរាជការសាលាស្រុក និង មេឃុំ ស្មៀនឃុំទាំងអស់ក្នុងស្រុកស្វាយលើ ។
លោក អៀង ពិសិដ្ឋ អភិបាលស្រុកស្វាយលើ មានប្រសាសន៍ថា យោងតាមអនុក្រឹត្យលេខ១៨៤ អនក្រ.បក ចុះថ្ងៃទី០២ ខែធ្នូ ឆ្នាំ២០១៩ ស្ដីពីមុខងារ និង រចនាសម្ព័ន្ធរដ្ឋបាលស្រុក ដែលប្រកាសដាក់ឲ្យដំណើរការនាពេលនេះ គឺបានមកពីការច្របាច់បញ្ចូលពីការិយាល័យជំនាញនានានៅថ្នាក់ស្រុកសរុបចំនួន ១១ ការិយាល័យ មានបុគ្គលិកជាក់ស្ដែងចំនួន ៤១រូប ក្នុងនោះស្រីចំនួន១៥រូប ។
មានប្រសាសន៍ក្នុងឱកាសនោះ លោក ពៅ ពិសិដ្ឋ អភិបាល រងខេត្ត បានបញ្ជាក់ថា ការដាក់ឲ្យដំណើរការរចនាសម្ព័ន្ធថ្មីនៃរដ្ឋបាល ស្រុកស្វាយលើ នាឱកាសនេះ គឺជាព្រឹត្តិការណ៍ជាប្រវត្តិសាស្ត្រនៃការ កែទម្រង់ប្រព័ន្ធគ្រប់គ្រងរដ្ឋបាលសាធារណៈ នៅ ថ្នាក់ ក្រោមជាតិ តាមគោលនយោបាយវិមជ្ឈការ និងវិសហ មជ្ឈការ សំដៅធានាដល់ការផ្ទេរសិទ្ធិ ផ្ទេរអំណាច ផ្ទេរមុខងារ និងធនធាន ឱ្យទៅរដ្ឋបាលថ្នាក់ក្រោមជាតិ ដែលនៅ កៀកជិត ប្រជា ពល រដ្ឋក្នុងការ ទទួលខុសត្រូវលើ ការគ្រប់ គ្រង ការចាត់ចែង និងការប្រើប្រាស់សិទ្ធិ អំណាច និងធនធានទាំងនោះសម្រាប់ការផ្តល់សេវា និងការអភិវឌ្ឍ មូលដ្ឋាន ឆ្លើយតបទៅនឹងតម្រូវការ របស់ប្រជាពលរដ្ឋប្រកបដោយ ប្រសិទ្ធ ភាព តម្លាភាព គណនេយ្យភាព បរិយាប័ន្ន និងសមធម៌សង្គម។
ព័ត៌មានជាតិ ថ្មីៗ
លោក ពៅ ពិសិដ្ឋ មានប្រសាសន៍បន្ថែមថា ផ្អែកតាមរបាយការណ៍របស់លោកអភិបាលស្រុកស្វាយលើបានបង្ហាញឲ្យឃើញថា ក្រុមប្រឹក្សា ស្រុកស្វាយលើ អាណត្តិទី៣ គណៈអភិបាលស្រុកស្វាយលើ មន្រ្តីរាជការ គ្រប់លំដាប់ថ្នាក់ កងកម្លាំងមាន សមត្ថកិច្ច និង ប្រជាពលរដ្ឋទូទាំងស្រុកស្វាយលើ បានរួមសាមគ្គីសហការគ្នា ខិតខំប្រឹងប្រែង យ៉ាងស កម្ម ក្នុង ការ ដឹកនាំ គ្រប់គ្រង និងអភិវឌ្ឍមូលដ្ឋាន ឲ្យមានការរីកចម្រើនលើ គ្រប់វិស័យ រួមមាន ការផ្តល់ សេវា សាធារណៈ ការ អភិវឌ្ឍ មូលដ្ឋាន ការជួយសង្គ្រោះប្រជាពលរដ្ឋពីគ្រោះធម្មជាតិនានា ការ ថែ រ ក្សា សន្តិសុខ សណ្តាប់ធ្នាប់ សាធារណៈ និងសុវត្ថិភាពជូនប្រជាពលរដ្ឋក្នុងមូលដ្ឋានរបស់ខ្លួន ហើយតាមរយៈសមិទ្ធផល និងស្នាដៃដែលសម្រេចបាននាពេលកន្លងមក ពិតជា បានរួម ចំណែ ក យ៉ាងសំខាន់ក្នុងការពង្រឹងសន្តិភាព ស្ថិរភាព នយោបាយ និងការអភិវឌ្ឍសេដ្ឋកិ ច្ច សង្គម ឱ្យមាន ការរីក ចម្រើន យ៉ាងឆាប់រហ័ស ដោយបានធ្វើឱ្យកម្ពុជាយើងសម្រេច បាន កំណើនសេដ្ឋកិច្ច ខ្ពស់ ជាមធ្យ ម ក្នុ ង រង្វង់ ៧ភាគរយ ជា រៀងរាល់ ឆ្នាំ ក្នុងរយៈពេលជាងពីរទសវត្សន៍ចុង ក្រោយនេះ ។
លោកអភិបាលរងខេត្តសៀមរាប មានប្រសាសន៍បន្ថែមទៀតថា ក្នុងបរិបទប្រទេសកម្ពុជាា ការអនុវត្តគោលនយោបាយវិមជ្ឈការ និងវិសហមជ្ឈការ មានគោលបំណង សំខាន់ៗចំនួន៣ រួមមាន៖
ទីមួយ៖ ដើម្បីពង្រឹង និង ពង្រីក លទ្ធិប្រជាធិបតេយ្យ សេរី ពហុបក្ស ឱ្យចាក់គ្រឹះរហូតដល់មូលដ្ឋាន តាមរយៈការបោះឆ្នោតបង្កើតក្រុមប្រឹក្សារាជធានី ខេត្ត ក្រុង ស្រុក ខណ្ឌ ឃុំ សង្កាត់ ដែលជាតំណាង សាធា រ ណៈ របស់ប្រជាពលរដ្ឋ និងជាតួអង្គ ដ៏សំខាន់ ក្នុងការដឹកនាំ គ្រប់គ្រងរដ្ឋបាលមូលដ្ឋានតាម គោល កា រ ណ៍ អភិបាលកិច្ចតាមបែបប្រជាធិបតេយ្យ នៅក្នុងដែនសមត្ថកិច្ចរបស់ខ្លួន។
ទីពីរ៖ ដើម្បីលើកកម្ពស់គុណភាព និង ប្រសិទ្ធភាព នៃ ការផ្តល់ សេវាសាធារណៈ និង ការអភិវឌ្ឍ មូល ដ្ឋាន តាមរយៈការនាំមកនូវការផ្លាស់ប្តូរប្រព័ន្ធ និងរចនាសម្ព័ន្ធគ្រប់គ្រងរដ្ឋបាលនៅថ្នាក់មូលដ្ឋាន ស្របតាម គោល នយោបាយកំណែទម្រង់វិមជ្ឈការ និងវិសហមជ្ឈការ សំដៅផ្ទេរសិទ្ធិអំណាច មុខងារ និងធនធានទៅ ឱ្យ រដ្ឋ បា ល ថ្នាក់ក្រោម ជាតិ ដែលនៅកៀកជិតប្រជាពលរដ្ឋ មានលទ្ធភាព មានភាពម្ចាស់ការ និងការ ទទួល ខុស ត្រូ វ ច្បាស់ លា ស់ក្នុងការផ្តល់សេវាសាធារណៈ និងការអភិវឌ្ឍមូលដ្ឋាន ដើម្បីឆ្លើយតប ទៅនឹង តម្រូវការ និង ដោះ ស្រា យ នូវបញ្ហាប្រឈមជាក់ស្តែងនានារបស់ប្រជាពលរដ្ឋនៅតាមមូលដ្ឋាននីមួយៗ ឱ្យបានទាន់ពេល វេលា ប្រកប ដោយ ប្រសិទ្ធភាព តម្លាភាព គណ នេយ្យភាព បរិយាប័ន្ន និងសមធម៌សង្គម។
ទីបី៖លើកកម្ពស់ការចូលរួម និងភាពជាម្ចាស់របស់ប្រជាពលរដ្ឋនៅមូលដ្ឋានក្នុងការធ្វើសេចក្តី ស ម្រេ ច ពាក់ព័ន្ធនឹងការគ្រប់គ្រង ដឹកនាំ និងអភិវឌ្ឍមូលដ្ឋានរបស់ខ្លួន សំដៅចូលរួមកាត់បន្ថយភាព ក្រីក្រ និងលើក កម្ពស់គុណភាពជីវិតរបស់ប្រជាពលរដ្ឋ។
លោក ពៅ ពិសិដ្ឋ បានបញ្ជាក់ទៀតថា មន្ត្រីរាជការត្រូវតែបម្រើការពារ និងថែរក្សាអ្វីដែលប្រជាពលរដ្ឋចង់បាន ត្រូវការចាំបាច់ ឲ្យស័ក្តិសមនូវអ្វីដែលពួកគាត់ បានផ្តល់ឲ្យយើង និងគាំទ្រធ្វើជាតំណាងរបស់ពួកគាត់គ្រប់កាលៈទេសៈ ពិសេសត្រូវលើកកម្ពស់គុណភាព ប្រសិទ្ធភាពការផ្តល់សេវាសាធារណៈ និងការអភិវឌ្ឍមូលដ្ឋាន ទប់ស្កាត់រាល់បទល្មើសនានា ស្របតាមគោលនយោបាយកំណែទម្រង់វិមជ្ឈការ និងវិសហមជ្ឈការ ដោះស្រាយបញ្ហាប្រឈមនានារបស់ប្រជាពលរដ្ឋតាមមូលដ្ឋាននីមួយៗ ដោយប្រសិទ្ធភាព តម្លាភាព គណនេយ្យភាព បរិយាប័ន្ន និងសមធម៌សង្គម ៕
អត្ថបទ និង រូបថត : លោក លីវ សាន្ដ
