Wednesday, March 3, 2021
ទូរទស្សន៍ជាតិខេត្តសៀមរាប
  • ទំព័រដើម
  • ព័ត៌មានជាតិ​
  • ព័ត៌មានអន្តរជាតិ
No Result
View All Result
  • ទំព័រដើម
  • ព័ត៌មានជាតិ​
  • ព័ត៌មានអន្តរជាតិ
No Result
View All Result
ទូរទស្សន៍ជាតិខេត្តសៀមរាប

ចុចទីនេះព័ត៌មានសំខាន់

No Result
View All Result
ទំព័រដើម ព័ត៌មានជាតិ នយោបាយ និង ការអភិវឌ្ឍន៍

 រដ្ឋបាលខេត្តសៀមរាប រៀបចំទិវាជាតិលើកទី៥ ស្តីពីទិវាជាតិបង្ការ និងពន្លត់អគ្គិភ័យ

ដោយ Pothe Thun
22/02/2020
នៅក្នុង នយោបាយ និង ការអភិវឌ្ឍន៍, ព័ត៌មានជាតិ
 រដ្ឋបាលខេត្តសៀមរាប រៀបចំទិវាជាតិលើកទី៥ ស្តីពីទិវាជាតិបង្ការ និងពន្លត់អគ្គិភ័យ
27
ចំនួនអ្នកមើល
ចែករំលែកលើ Facebook

នាព្រឹកថ្ងៃទី២២ ខែកុម្ភៈ ឆ្នាំ២០២០ព្រឹកមិញនេះ រដ្ឋបាលខេត្តសៀមរាប បានរៀបចំទិវាជាតិបង្ការនិងពន្លត់អគ្គិភ័យ ក្រោមអធិបតីភាពលោក ពិន ប្រាកដ អភិបាលរងខេត្ត ជាតំណាងដ៏ខ្ពង់ខ្ពស់ឯកឧត្ដម ទៀ សីហា អភិបាល នៃគណៈអភិបាលខេត្តសៀមរាប និង ឯកឧត្តម ប្រាក់ ចាន់ធឿន សមាជិកក្រុមប្រឹក្សាខេត្ត ដោយមានការចូលរួមពីសំណាក់លោក លោកស្រី ជាថ្នាក់ដឹកនាំ និងមន្ត្រីរាជការនៃមន្ទីរ អង្គភាពនានាក្នុងខេត្ត , អាជ្ញាធរក្រុង ស្រុក , កងកម្លាំងប្រដាប់អាវុធទាំង៣ , ចៅសង្កាត់ក្នុងក្រុងសៀមរាប , គរុសិស្ស , និសិ្សត , សិស្សានុសិស្ស និង ប្រជាពលរដ្ឋក្នុងក្រុងសៀមរាបជាច្រើននាក់ ក្នុងគោលបំណងជំរុញដល់ប្រជាពលរដ្ឋ ឲ្យមានការប្រុងប្រយ័ត្នខ្ពស់ ចំពោះឧបទ្ទវហេតុ នៃគ្រោះថ្នាក់អគ្គិភ័យ ដែលអាចនឹងកើតមានឡើងជាយថាហេតុនេះ ។

លោកឧត្តមសេនីយ៍ត្រី ភឹង សម្បត្តិ ស្នងការរងនគរបាលខេត្ត ទទួល ការិយាល័យអគ្គិភ័យ បានបញ្ជាក់ថា ក្នុងឆ្នាំ២០១៩កន្លងមកនេះ គ្រោះថ្នាក់អគ្គិភ័យដែលបណ្តាលមកពីការឆេះធុងហ្គាស , ដុតធូកទៀនចោល និង ឆ្លងចរន្តអគ្គិសនី និងមហន្តរាយដែលបង្កឲ្យនៅទូទាំងខេត្តសៀមរាប មានចំនួន៦៩ករណី តិចជាងឆ្នាំ ២០១៨ ចំនួន៣០ករណី ក្នុងនោះឆេះផ្ទះចំនួន ៣៦ខ្នង បណ្ដាលឲ្យស្លាប់មនុស្សម្នាក់ និង រងរបួសមនុស្សចំនួន១១នាក់ ហើយ ក្នុង ករណីគ្រោះថ្នាក់អគ្គិភ័យចំនួនទាំង៦៩ករណីនេះ បានប្រើប្រាស់ទឹកអស់៩៦រថយន្ត និង បំពង់ពន្លត់អគ្គិភ័យអស់ ចំនួន ១២បំពង់ ។

មានប្រសាសន៍ក្នុងឱកាសនោះ លោក ពិន ប្រាកដ អភិបាលរងខេត្តសៀមរាប បានសម្ដែងនូវការកោតសរសើរដល់កងកម្លាំងនគរបាលពន្លត់អគ្គិភ័យ នៃស្នងការដ្ឋាននគរបាលខេត្ត , កងរាជអាវុធហត្ថខេត្ត , អាជ្ញាធរអប្សរា , អាកាសយានដ្ឋានអន្តរជាតិសៀមរាប និងអង្គភាពមួយចំនួន រួមទាំងវិស័យឯកជន ដែលបានសហការគ្នាល្អ ក្នុងការខិតខំយកចិត្តទុកដាក់ ចូលរួមជួយប្រជាពលរដ្ឋ ដែលរងគ្រោះដោយគ្រោះអគ្គិភ័យ បានទាន់ពេលវេលានៅខេត្តសៀមរាប ដូច្នេះ ទិវាជាតិបង្ការ និង ពន្លត់អគ្គិភ័យ នាថ្ងៃទី២២ ថ្ងៃនេះ គឺជាព្រឹត្តិការណ៍មួយដ៏មានអត្ថន័យ និង មានសារៈសំខាន់ ក្នុងគោលបំណងបំផុសការចូលរួមពីគ្រប់បណ្តាស្ថាប័ន អង្គការសង្គមស៊ីវិល សមាគម ផ្នែកឯកជន សំខាន់បងប្អូនប្រជាពលរដ្ឋ ឲ្យបានយល់ដឹង គាំទ្រ និង ចូលរួមយ៉ាងសស្រាក់សស្រាំជាមួយកងកម្លាំងសមត្ថកិច្ច ប្រកបដោយការបេ្តជ្ញាយ៉ាងមុតមាំ ដើមី្បកាត់បន្ថយគ្រោះថ្នាក់ ដែលបណ្តាលមកពីបញ្ហាអគ្គីភ័យ ។

ព័ត៌មានជាតិ ថ្មីៗ

រដ្ឋបាលខេត្តសៀមរាប បន្តរៀបចំវេទិកាសាធារណ: គោលដៅទី៥ស្រុកស្វាយលើ និងស្រុកជីក្រែង

រដ្ឋបាលខេត្តសៀមរាប បន្តរៀបចំវេទិកាសាធារណ: គោលដៅទី៥ស្រុកស្វាយលើ និងស្រុកជីក្រែង

02/03/2021
អាជ្ញាធរខេត្តសៀមរាប បង្កើតក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ-១៩ ក្នុងការអនុវត្តវិធានការទប់ស្កាត់ការរីករាលដាលជំងឺកូវីដ-១៩

អាជ្ញាធរខេត្តសៀមរាប បង្កើតក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ-១៩ ក្នុងការអនុវត្តវិធានការទប់ស្កាត់ការរីករាលដាលជំងឺកូវីដ-១៩

02/03/2021

លោក ពិន ប្រាកដ បានបញ្ជាក់បន្ថែមថា ការបង្ការ ពន្លត់អគ្គិភ័យ គឺជាករណីកិច្ចគ្រប់មន្ទីរ អង្គភាព ផ្នែកឯកជន និង ប្រជាពលរដ្ឋ ត្រូវមានស្មារតីប្រុងប្រយ័ត្នខ្ពស់ ចំពោះគ្រោះអគ្គិភ័យ និង ត្រូវតែចូលរួមពន្លត់អគ្គិភ័យនៅពេលមានគ្រោះអគ្គិភ័យនេះកើតមានឡើង និង ត្រូវបង្កើនការផ្សព្វផ្សាយច្បាប់ស្តីពីបង្ការ និង ពន្លត់អគ្គិភ័យ និង លិខិតបទដ្ឋានគតិយុត្តនានា ពិសេសអង្គភាពជំនាញ ត្រូវធ្វើការអប់រំណែនាំដល់ប្រជាពលរដ្ឋ ក្នុងគោលដៅមានហានិភ័យខ្ពស់ ឲ្យបានយល់ដឹងអំពីវិធានការបច្ចេកទេសបង្ការ និង ពន្លត់អគ្គិភ័យ នៅគ្រប់សណ្ឋាគារ ផ្ទះសំណាក់ ភោជនីយដ្ឋាន ក្រុមហ៊ុន ក្លឹបកម្សាន្ត តាមទីផ្សារ និង អាជីវកម្មនានា ហើយត្រូវបំពាក់ប្រព័ន្ធសុវត្ថិភាព បង្ការពន្លត់អគ្គិភ័យ ឲ្យបានត្រឹមត្រូវទៅតាមបច្ចេកទេស ។

លោកអភិបាលរងខេត្តសៀមរាប បានមានប្រសាសន៍បន្ថែមទៀតថា ដោយឡែកចំពោះបណ្ដាស្ថានីយប្រេងឥន្ធនៈ និង ឧស្ម័ន ដែលមានទាំងអស់នៅក្នុងខេត្ត សូមឲ្យមន្ត្រីគ្រប់ជំនាញពាក់ព័ន្ធ ត្រូវធ្វើការពិនិត្យឲ្យបានត្រឹមត្រូវ និងហ្មត់ចត់ ទៅតាមស្តង់ដាបច្ចេកទេស រួមទាំងការបំពាក់ប្រព័ន្ធសុវត្ថិភាព ដើមី្បបង្ការកុំឲ្យមានហានិភ័យ ពីករណីគ្រោះថ្នាក់ដោយសារអគ្គិភ័យនេះ ដូច្នេះយើងត្រូវខិតខំប្រឹងប្រែងបន្តទៀត ដើម្បីឲ្យសម្រេចបាននូវគោលបំណងចំនួនពីរ គឺ ៖ ទី១. រក្សាឲ្យបានសន្តិសុខ សុវត្ថិភាព អាយុជីវិត ទ្រព្យសម្បត្តិរដ្ឋ និង ឯកជន អំពីគ្រោះថ្នាក់បណ្តាមកពីអគ្គភ័យ និង ទី២. ធ្វើឲ្យប្រជាពលរដ្ឋ និង ភ្ញៀវទេសចរណ៍ រួមទាំងអ្នកវិនិយោគ គ្មានការព្រួយបារម្ភអំពីគ្រោះអគ្គិភ័យ និង ស្ម័គ្រចិត្តចូលរួមយ៉ាងសកម្ម ជាមួយកងកម្លាំងមានសមត្ថកិច្ច ក្នុងការបង្ការ ទប់ស្កាត់ និងពន្លត់អគ្គិភ័យនេះ ។

គួររំលឹកថា ក្នុងឱកាសនៃទិវាជាតិលើកទី៥ ស្តីពីទិវាជាតិបង្ការ និងពន្លត់អគ្គិភ័យនៅក្នុងខេត្តសៀមរាបនេះ មានការបង្ហាត់បង្ហាញ អំពីសកម្មភាពស្តីពីការប្រើប្រាស់ឧបករណ៍ពន្លត់អគ្គិភ័យ ដោយក្រុមពន្លត់អគ្គិភ័យ នៃស្នងការដ្ឋាននគរបាលខេត្តសៀមរាប ព្រមទាំងធ្វើសមយុទ្ធក្នុងការពន្លត់អគ្គិភ័យ ជូនដល់អង្គពិធីទាំងមូលបានទស្សនា និង សិក្សាស្វែងយល់បន្ថែម ៕

អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត

Tags: ទិវាជាតិបង្ការនិងពន្លត់អគ្គិភ័យរដ្ឋបាល​ខេត្ត​សៀមរាប
Pothe Thun

Pothe Thun

អត្ថបទបន្ទាប់
ខេត្តសៀមរាបទទួលបានជ័យលាភីលេខ១ ក្នុងការប្រកួតកីឡាទូកប្រពៃណីខ្នាតអន្តរជាតិ ពានរង្វាន់សម្តេចក្រឡាហោម ស ខេង លើកទី២ ឆ្នាំ២០២០

ខេត្តសៀមរាបទទួលបានជ័យលាភីលេខ១ ក្នុងការប្រកួតកីឡាទូកប្រពៃណីខ្នាតអន្តរជាតិ ពានរង្វាន់សម្តេចក្រឡាហោម ស ខេង លើកទី២ ឆ្នាំ២០២០

ប្រកួតកីឡាទូកប្រពៃណីខ្នាតអន្តរជាតិទូកនាគ ទូកកានូ-កាយ៉ាក់ និង ទូករ៉ូអ៊ីង ជ្រើសរើសជើងឯកភូមិភាគបឹងទន្លេសាប ពានរង្វាន់សម្តេចក្រឡាហោម ស ខេង លើកទី២ ឆ្នាំ២០២០ ត្រូវបានបិទបញ្ចប់ហើយ កាលពីល្ងាចថ្ងៃទី២២ ម្សិលមិញ

ប្រកួតកីឡាទូកប្រពៃណីខ្នាតអន្តរជាតិទូកនាគ ទូកកានូ-កាយ៉ាក់ និង ទូករ៉ូអ៊ីង ជ្រើសរើសជើងឯកភូមិភាគបឹងទន្លេសាប ពានរង្វាន់សម្តេចក្រឡាហោម ស ខេង លើកទី២ ឆ្នាំ២០២០ ត្រូវបានបិទបញ្ចប់ហើយ កាលពីល្ងាចថ្ងៃទី២២ ម្សិលមិញ

ការបណ្ដុះបណ្ដាលផ្នែកអានព័ត៌មាន អត្ថាធិប្បាយព័ត៌មាន និង ពិធីករ សម្រាប់មន្ត្រីនៃមន្ទីរព័ត៌មានខេត្តសៀមរាប ត្រូវបានបញ្ចប់ដោយទទួលបានលទ្ធផលគួរជាទីមោទនៈ

ការបណ្ដុះបណ្ដាលផ្នែកអានព័ត៌មាន អត្ថាធិប្បាយព័ត៌មាន និង ពិធីករ សម្រាប់មន្ត្រីនៃមន្ទីរព័ត៌មានខេត្តសៀមរាប ត្រូវបានបញ្ចប់ដោយទទួលបានលទ្ធផលគួរជាទីមោទនៈ

វីដេអូ បទយកការណ៍

Currently Playing

ព្រឹត្តិការណ៍អន្តរជាតិថ្មីៗ

ភ្នំភ្លើង  ព្រួសផេះឡើងលើផ្ទៃអាកាសកម្ពស់ ៥គីឡូម៉ែត្រ

ភ្នំភ្លើង  ព្រួសផេះឡើងលើផ្ទៃអាកាសកម្ពស់ ៥គីឡូម៉ែត្រ

02/03/2021
ប្រទេសចិននឹងផ្តល់វ៉ាក់សាំងដល់ ប្រទេសប៉ូឡូញ ស្របទៅតាមតម្រូវការ

ប្រទេសចិននឹងផ្តល់វ៉ាក់សាំងដល់ ប្រទេសប៉ូឡូញ ស្របទៅតាមតម្រូវការ

02/03/2021
ថៃរកឃើញករណីឆ្លងថ្មីៗនៃកូវីដ-១៩ ចំនួន៨០នាក់ នៅថ្ងៃចន្ទនេះ

ថៃរកឃើញករណីឆ្លងថ្មីៗនៃកូវីដ-១៩ ចំនួន៨០នាក់ នៅថ្ងៃចន្ទនេះ

01/03/2021

ព័ត៌មានទូទៅ

  • កម្មវិធី យើងធ្វើបាន (16)
  • កម្មវិធី រួមគ្នាដើម្បីសង្គម (40)
  • កម្មវិធី សន្ទនាមតិ (103)
  • កម្មវិធី សំឡេងយុវវ័យ (16)
  • កម្មវិធីផ្សាយផ្ទាល់ប្រចាំថ្ងៃ (175)
  • ​គ្រោះធម្មជាតិ (60)
  • ចំណេះដឹង និង ការអប់រំ (268)
  • នយោបាយ និង ការអភិវឌ្ឍន៍ (1,185)
  • ព័ត៌មានកីឡា (22)
  • ព័ត៌មានជាតិ (2,943)
  • ព័ត៌មានជាតិទូទៅ (70)
  • ព័ត៌មានអន្តរជាតិ (473)
  • ព្យាករណ៍អាកាសធាតុ (63)
  • វប្បធម៌ និង ទេសចរណ៍ (356)
  • សណ្ឋាគារខេត្តសៀមរាប (1)
  • សន្តិសុខ និង សង្គម (610)
  • សាសនា និង មនុស្សធម៌ (448)
  • សេដ្ឋកិច្ច និង កសិកម្ម (121)
  • អាកាសធាតុ (4)
© ២០១៩ ទូរទស្សន៍ជាតិខេត្តសៀមរាប

រក្សាសិទ្ធ និងគ្រប់គ្រងដោយ
មន្ទីរព័ត៌មានខេត្តសៀមរាប
Siem Reap Provincial Department of Information

No Result
View All Result
  • Home

© 2020 ទូរទស្សន៍ជាតិខេត្តសៀមរាប រក្សាសិទ្ធ និងគ្រប់គ្រងដោយ មន្ទីរព័ត៌មានខេត្តសៀមរាប - Provincial Department of Information Siem Reap.