នៅព្រឹកថ្ងៃទី២៧ ខែកុម្ភៈ ឆ្នាំ ២០២០នេះ លោក លីវ សុខុន ប្រធានមន្ទីរព័ត៌មានខេត្តសៀមរាប បានដឹកនាំមន្ត្រីរាជការក្រោមឱវាទចំនួន០៨នាក់ បានចូលរួមបរិច្ចាគឈាមដោយ ស្ម័គ្រចិត្ត នៅក្រសួងព័ត៌មាន តបតាមការអំពាវនាវរបស់ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ។
ការបរិច្ចាគឈាមដោយស្ម័គ្រចិត្តនេះ ក្នុងគោលបំណងផ្សារភ្ជាប់សកម្មភាពរបស់ថ្នាក់ដឹកនាំ មន្ត្រីរាជការក្នុងវិស័យមនុស្សធម៌ និង ការងារសង្គម សហភាពសហព័ន្ធយុវជនកម្ពុជាវិស័យព័ត៌មាន បានសហការជាមួយមជ្ឈមណ្ឌលជាតិផ្ដល់ឈាម បានរៀបចំកម្មវិធីបរិច្ចាគឈាម ក្រោមប្រធានបទ ផ្ដល់ឈាម ផ្ដល់ក្ដីស្រឡាញ់ ។
ក្នុងឱកាសនៃការបរិច្ចាគឈាមដោយស្ម័គ្រចិត្តនេះដែរ ក្រៅពីការស្ម័គ្រចិត្តរបស់ថ្នាក់ដឹកនាំ និងមន្ត្រីរាជការនៃមន្ទីរព័ត៌មានខេត្តសៀមរាប ក៏មានការចូលរួមស្ម័គ្រចិត្ត ពីសំណាក់ថ្នាក់ដឹកនាំ និងមន្ត្រីរាជការនៃអគ្គនាយកដ្ឋានទាំងអស់ ចំណុះក្រសួងព័ត៌មាន ៕
ព័ត៌មានជាតិ ថ្មីៗ
