នាព្រឹកថ្ងៃទី០២ ខែមីនា ឆ្នាំ២០២០នេះ ឯកឧត្តម ទៀ សីហា អភិ បាល នៃគណ:អភិបាលខេត្តសៀមរាប រួមជាមួយនឹងថ្នាក់ដឹកនាំមន្ទីរ អង្គភាពពាក់ព័ន្ធមួយចំនួនក្នុងខេត្ត សរុបចំនួនជិត៤០រូប បានជួបប្រជុំជាមួយក្រុមប្រតិភូ នៃទីភ្នាក់ងារសហប្រតិបត្តិការអន្តរជាតិជប៉ុន ដែលហៅកាត់ថា JICA សរុបចំនួន១៤ រូប ដឹកនាំដោយលោកស្រី Tsuboike Asuka នាយកក្រុមហ៊ុនអភិវឌ្ឍទីក្រុង និងតំបន់ នៃនាយកដ្ឋានហេដ្ឋារចនាសម្ព័ន្ធ និងការកសាងសន្តិភាព JICA នៅសាលប្រជុំសាលាខេត្តសៀមរាប ។
ក្នុងកិច្ចប្រជុំនោះ បានពិនិត្យពិភាក្សាការចាប់ផ្តើមសិក្សា លើ គម្រោង ទីក្រុងវៃឆ្លាត ( Smart City in Siem Reap ) ដែលជាគោលដៅអភិវឌ្ឍន៍ក្រុងសៀមរាប ឱ្យក្លាយជាទីក្រុងទំនើប ដើម្បីមានសមត្ថភាពប្រកួតប្រជែងជាមួយទីក្រុងនានា ទាំងនៅក្នុងតំបន់ និងនៅលើសកលលោក ។
ក្រុមការងារទាំងពីរនឹងបន្តជួបគ្នា ដើម្បីសិក្សាលើគម្រោងនេះ ឲ្យបានស៊ីជម្រៅបន្ថែមទៀត និងប្រកបដោយការទទួលខុសត្រូវ ក្នុងការសម្រេចឱ្យបាននូវការអភិវឌ្ឍមួយដែលមានគុណភាព និងប្រសិទ្ធភាពខ្ពស់ ៕
ព័ត៌មានជាតិ ថ្មីៗ
អត្តបទនិងរូបភាព៖មន្ទីរព័ត៌មានខេត្តសៀមរាប
