សមត្ថកិច្ចខេត្តសៀមរាប បានឲ្យដឹងថា នៅវេលាម៉ោង៣ទៀបភ្លឺ ថ្ងៃទី២៧ ខែវិច្ឆិកា ឆ្នាំ២០១៨នេះ មានករណីធ្វើអត្តឃាត ដោយចង-ក សម្លាប់ខ្លួន ស្ថិតនៅក្រុមទី០៧ ភូមិភ្ញាជ័យ សង្កាត់ស្វាយដង្គំ ក្រុងសៀមរាប ដែលជនរងគ្រោះមានឈ្មោះ សុត ហែម ភេទស្រី អាយុ២៣ឆ្នាំ ស្នាក់នៅបន្ទប់ជួលក្នុងសង្កាត់ស្វាយដង្គំ ។
សមត្ថកិច្ចខេត្តសៀមរាប បានឲ្យដឹងថា បានឲ្យដឹងទៀតថា តាមការសាកសួរ និងស្រាវជ្រាវនោះ មូលហេតុដែលនាំឲ្យជនរងគ្រោះសម្រេចចិត្តធ្វើអត្តឃាត ដោយចង-ក សម្លាប់ខ្លួននេះ គឺដោយសារមានវិបត្តិផ្លូវចិត្ត ជាករណីប្រចណ្ឌ ហើយសាកសពជនរងគ្រោះ ត្រូវបានសមត្ថកិច្ច ប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
