ក្នុងឱកាសជួបពិភាក្សាការងាររវាងរដ្ឋបាលខេត្តសៀមរាប ជាមួយលោក Frederic Valletoux អភិបាលក្រុង Fontaine Bleau សាធារណៈរដ្ឋបារាំង នៅសាលាខេត្តសៀមរាប នារសៀល ថ្ងៃទី២៧ ខែវិច្ឆិកា ឆ្នាំ២០១៨នេះ លោក ពៅ ពិសិដ្ឋ អភិបាលរងខេត្តសៀមរាប បានសំណូមពរដល់ប្រតិភូក្រុង Fontaine Bleau នៃសាធារណរដ្ឋបារាំង ជួយពង្រឹងដល់វិស័យសុខាភិបាល , វិស័យអប់រំយុវជននិងកីឡា , វិស័យវប្បធម៌និងវិចិត្រសិល្បៈ និង វិស័យទេសចរណ៍ ព្រមទាំងជួយធ្វើការអភិវឌ្ឍក្រុងសៀមរាប ដើម្បីឲ្យភ្ញៀវទេសចរណ៍ និងអ្នកវិនិយោគ មកទស្សនៈកិច្ចនៅប្រទេសកម្ពុជា ជាពិសេសខេត្តសៀមរាប ឲ្យមានកំណើនឡើងច្រើនថែមទៀត។
ជាការឆ្លើយតប លោក Frederic Valletoux អភិបាលក្រុង Fontaine Bleau បានសន្យាថា នឹងជំរុញមានកិច្ចសហការល្អ និងជួយជំរុញអ្នកវិនិយោគ និងអ្នកទេសចរណ៍ទាំងអស់ មកប្រទេសកម្ពុជា ជាពិសេសគឺខេត្តសៀមរាប ឲ្យមានកំណើនឡើងជាបន្តបន្ទាប់ ៕
អត្ថបទ និង រូបថត ៖ លោក អ៊ិន សីហរិទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប