នៅរសៀលថ្ងៃទី១៦ ខែមីនា ឆ្នាំ២០២០នេះ សាខាកាកបាទក្រហមកម្ពុជាខេត្តសៀមរាប ដឹកនាំដោយលោក ចៅ ម៉ៅមុន្នី សមាជិកគណៈកម្មាធិការសាខានិងសហការី បាននាំយកអំណោយមនុស្សធម៌ជូនដល់គ្រួសារចំនួន០៦គ្រួសារ មកពីឃុំស្រែណូយចំនួន ៣គ្រួសារ និងឃុំល្វាក្រាំងចំនួន ៣គ្រួសារ ក្នុងស្រុកវ៉ារិន ដែលលំនៅដ្ឋានបានរងគ្រោះដោយខ្យល់កន្រ្តាក់ ក្នុងនោះរលំផ្ទះ១ខ្នង និងរបើកដំបូលចំនួន៥ខ្នង កាលពីថ្ងៃទី១៤ ខែមីនា ឆ្នាំ២០២០ ។
អំណោយមនុស្សធម៌ដែលបានផ្ដល់ជូននាពេលនោះ គឺគ្រួសាររលំផ្ទះ ទទួលបានមុង១ , ភួយ១ , សារុង១ , ក្រមា ១ អាវយឺត២ , កន្ទេល១ , មី១កេស , ត្រីខ១យួរ , អង្ករ៣០គីឡូក្រាម , ស័ង្កសី១៦សន្លឹក និង ថវិកា២០ម៉ឺនរៀល ហើយសម្រាប់គ្រួសាររបើកដំបូល ក្នុងមួយគ្រួសារទទួលបាន មុង១ , ភួយ១ , សារុង១ , ក្រមា ១ , អាវយឺត២ , កន្ទេល១ , មី១កេស , ត្រីខ១យួរ , អង្ករ៣០គីឡូក្រាម , ស័ង្កសី១០សន្លឹក និង ថវិកា១០ម៉ឺនរៀល ៕
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក លីវ សាន្ត
