កាលពីថ្ងៃទី២៨ ខែវិច្ឆិកា ឆ្នាំ២០១៨នេះ កងកម្លាំងនៃអធិការដ្ឋាននគរបាលស្រុកសូទ្រនិគម ដឹកនាំដោយលោកវរៈសេនីយ៍ឯក ណុប សារៈ អធិការនគរបាលស្រុក រួមសហការជាមួយកម្លាំងចម្រុះស្រុកសូទ្រនិគម ដែលមានមន្ត្រីសាលាស្រុក កម្លាំងកងរាជអាវុធហត្ថស្រុក រួមទាំងកម្លាំងខ័ណ្ឌរដ្ឋបាលជលផលសៀមរាប ដឹកនាំដោយលោក ធិន សុធី ដែលមានកម្លាំងសរុបចំនួន១៨នាក់ បានបើកកិច្ចប្រតិបត្តិការចុះបង្ក្រាបបទល្មើសនេសាទខុសច្បាប់ នៅចំណុចអន្លង់អាចម៍ស្វា ស្ថិតលើផ្ទៃបឹងទន្លេសាប ក្នុងភូមិសាស្ត្រឃុំកំពង់ឃ្លាំង ស្រុកសូទ្រនិគម។
ដោយបានកាប់បំផ្លាញចោលនៅនឹងកន្លែង នូវក្បាលបរចំនួន១២ក្បាល , របាំងសាច់រ៉ាវប្រវែង ១.៥០០ម៉ែត្រ , ចម្រឹងចំនួន ៧០០ដើម និងចាក់ព្រលែងកូនត្រីចម្រុះចំនួន ២០គីឡូក្រាម ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
