ក្នុងឱកាសដឹកនាំក្រុមការងារទូរទស្សន៍ អនឡាញ ខេមររដ្ឋ HOT NEWS 10 និង សមាគមវិចត្រសិល្បៈ ចូលជួបសម្ដែងការគួរសមជាមួយ ឯកឧត្តម ខៀវ កាញារីទ្ធ រដ្ឋមន្រ្តី ក្រសួង ព័ត៌មាន នៅព្រឹកថ្ងៃទី២៤ ខែមីនា ឆ្នាំ២០២០ អ្នកស្រី ញ៉ សុខឃីម នាយិកាប្រតិបត្តិ អង្គការសកល និងជាអ្នកបណ្តុះពូជផ្កាអរគីដេ ១០ ពណ៌ បានគោរពស្នើសុំការគាំទ្រពី ឯកឧត្តម រដ្ឋមន្រ្តី ក្នុងការរៀបចំ កម្មវិធី បេះដូងវប្បធម៌ ដែលនឹងប្រព្រឹត្តទៅនៅថ្ងៃទី១៤ ខែឧសភា ឆ្នាំ២០២០ នាមជ្ឍមណ្ឌលវប្បធម៏រុស្ស៊ី ស្ថិតតាមបណ្តោយផ្លូវ ព្រះនរោត្តម ខណ្ឌដូនពេញ រាជធានី ភ្នំពេញ ។
កម្មវិធី បេះដូងវប្បធម៏ នឹងត្រូវលើកយកនូវផ្ទាំងទស្សនីយ៏ភាព លោ្ខនបាសាក់ រឿង ព្រះទេវង្សកុមារ សំដែងដោយក្រុមល្ខោនបាសាក់ អោ សំអាង ហើយតាមរយៈកម្មវិធីនេះដែរ អ្នករៀបចំ បានគោរពអញ្ជើញ ឯកឧត្តម រដ្ឋមន្រ្តី ខៀវ កាញារីទ្ធ ធ្វើជាគណៈអធិបតី។
ជាការឆ្លើយតប ឯកឧត្តម រដ្ឋមន្រ្តី ខៀវ កាញារីទ្ធ បានសម្ដែងនូវការគាំទ្រ និងបានចូលរួមឧបត្តម្ភ ដំណើរការរៀបចំកម្មវិធី បេះដូងវប្បធម៏ ចំនួន ២លានរៀល ។
អ្នកស្រី ញ៉ សុខឃីម បានជម្រាបជូនថា សម្រាប់កម្មវីធី បេះដូងវប្បធម៏ ដែលត្រូវប្រារព្ធ ធ្វើនៅពេលខាងមុខនេះ គឺមានកិច្ចសហការគ្នា ជាមួយ ទូរទស្សន៍ អនឡាញ ខេមររដ្ឋ HOT NEWS 10 និងសមាគមវិចិត្រសិល្បៈ ក្នុងគោលបំណងលើកស្ទួយវិស័យវប្បធម៏ និង សិល្បៈ ខ្មែរ ឲ្យបានគង់វង្ស និងរីកចម្រើន បន្ថែមទៀត ។ ឆ្លៀតក្នុងឱកាសនោះដែរ តំណាង អង្គភាពទាំង ៣ បានសម្ដែងនូវការអរគុណយ៉ាងជ្រាលជ្រៅចំពោះ ឯកឧត្តម ខៀវ កាញារីទ្ធ ដែល បានគាំទ្រ ទាំងស្មារតី និងថវិកា សម្រាប់ដំណើរការរៀបចំកម្មវិធី បេះដូងវប្បធម៏ ហើយសង្ឍឹមថា ដំណើរការរៀបចំនឹងទទួលបានការគាំទ្រច្រើនពីបងប្អូនប្រជាពលរដ្ឋខ្មែរ ដែលស្រលាញ់ចូលចិត្ត វិស័យសិល្បៈបុរាណខ្មែរ ពិសេសល្ខោនបាសាក់។
ជាការកត់សម្គាល់ កាលពីពេលថ្មីៗកន្លងមកនេះ អ្នកស្រី ញ៉ សុខឃីម នាយិកា អង្គការសកល បានគោរពស្នើសុំ ការគាំទ្រ និងបើកជា ព្រឹត្តបត្រសកល ពហុផ្សព្វផ្សាយ ដែលមានចក្ខុវិស័យ ធ្វើការផ្សាយ ពាក់ពន្ធ័បញ្ហាការអប់រំ បណ្តុះបណ្តាល ស្រ្តី និងកុមារី ឲ្យមានចំណេះ និងជំនាញ រួមទាំងការបណ្តុះនូវការអភិវឌ្ឃ មាតា ឲ្យចេះអប់រំកូនចៅ ប្រកប ដោយព្រហ្មវិហារធម៏ និងការយកចិត្តទុកដាក់ដល់ កុមារ មានវ័យអាយុ ១២ ឆ្នាំ ដែលជាវ័យ កំពុងមានការរីកចម្រើន។ ទន្ទឹននេះសម្រាប់ពហុផ្សព្វផ្សាយដែលត្រូវធ្វើ គឺមានរឿងអប់រំ សំណួរចម្លើយខ្លីៗ និង ល្បែងកំសាន្តខ្លីៗ ដែលទាក់ទាញឲ្យក្មេងៗ មានការចាប់អារម្មណ៏ រៀនសូត្រ ដើម្បីធ្វើការអភិវឌ្ឃខ្លួនទៅថ្ងៃអនាគតឲ្យបានល្អ ។ ការអប់រំនេះដែរ ក៏រួម បញ្ចូលការងារកសិកម្ម ដើម្បី ឲ្យក្មេងៗចេះស្រឡាញ់ រុក្ខជាតិ និង ថនិកសត្វ ផ្សេងៗថែមទៀតផង។
ទាក់ទងទៅនិងការស្នើសុំបើក ព្រឹត្តបត្រ័សកល ពហុផ្សព្វផ្សាយ ពីសំណាក់ អ្នកស្រី ញ៉ សុខឃីម នាយិកាប្រតិបត្តិ អង្គការសកល ឯកឧត្តម រដ្ឋមន្រ្តី ខៀវ កាញារីទ្ធ បានឯកភាព រួចមកហើយកាលពីពេលនោះ និង ជំរុញលើកទឹកចិត្ត ឲ្យដំណើរការងារនេះទទួល បានការ គាំទ្រច្រើន និងជោគេជ័យ៕
អត្ថបទ និងរូបភាព៖ ក្រសួងព័ត៌មាន
