នៅព្រឹកថ្ងៃទី២៥ខែមីនាឆ្នាំ២០២០នេះ ឯកឧត្តម ទៀ សីហា អភិបាលខេត្ដសៀមរាប លោក ពិន ប្រាកដ អភិបាលរងខេត្ត រួមនិងមន្ទីរអង្គភាពពាក់ព័ន្ធក្នុងខេត្ត បានចុះពិនិត្យទីតាំងអាគារស្នាក់នៅចំនួន ៤កន្លែង ក្នុងក្រុងសៀមរាប ដើម្បីត្រៀមបង្ការ សម្រាប់ដាក់អ្នកសង័្សយឆ្លងនូវជំងឺកូវិដ១៩។
ទីតាំងទាំង៤កន្លែងនេះ មានបន្ទប់សរុបចំនួន ១៤៣បន្ទប់ ស្មើនឹង ២៨៦គ្រែ ក្នុងនោះ សាលាគរុកោសល្យ និង វិក្រឹតការខេត្ត មាន ២៥បន្ទប់ ស្មើរនឹង ៥០គ្រែ អន្តេវាសិកដ្ឋានចំនួន ២៨បន្ទប់ ស្មើរនឹង៥៦គ្រែ ផ្ទះសំណាក់គ្រូបង្រៀនមាន ៣០បន្ទប់ ស្មើរនឹង៦០គ្រែ និងសណ្ឋាគារញូរីវើសាយ មាន ៦០បន្ទប់ ស្មើរនឹង ១២០គ្រែ។
ការត្រៀមបង្ការទីតាំងខាងលើនេះ អនុវត្តន៍តាមបទបញ្ជា ប្រកបដោយការយកចិត្តទុកដាក់ខ្ពស់ របស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន តាមរយៈវិធានការបន្ទាន់មួយ ដល់រដ្ឋបាលខេត្ត ត្រៀមបង្ការទុកជាមុន នូវបន្ទប់របស់សាលារៀនដែលកំពុងបិទជាបណ្ដោះអាសន្ន ដោយបំពាក់គ្រឿងបរិក្ខារ សម្រាប់ដាក់អ្នកសង្ស័យ ឬអ្នកឆ្លងនូវជំងឺកូវិដ១៩ ឲ្យនៅដាច់ដោយឡែក។
ព័ត៌មានជាតិ ថ្មីៗ
តាមការឲ្យដឹងពី លោកអភិបាលរងខេត្ត បង្ហាញថា ក្រៅទីតាំង៤កន្លែងនេះ រដ្ឋបាលខេត្ត ក៏បានសម្រេចជួលសណ្ឋាគារ ផាក និង ស្ពីងផាក ត្រៀមទុកបន្ថែម សម្រាប់ជួយដល់មន្ទីរពេទ្យបង្អែកខេត្ត ដែលបច្ចុប្បន្នមានបន្ទប់សម្រាកព្យាបាលសម្រាប់អ្នកសង្ស័យ ឬអ្នកឆ្លងជំងឺកូវីដ១៩ ប្រហែល៣០បន្ទប់ប៉ុណ្ណោះ។
លោកអភិបាលរងខេត្ត បញ្ជាក់ថា អាគារដែលបានត្រៀមទុកទាំង៤នេះ មានការបំពាក់សម្ភារៈបរិក្ខាពេទ្យ,បណ្តាញទឹក,ភ្លើង ឱ្យបានរួចរាល់ហើយ។
លោកអភិបាលរងខេត្ត បញ្ជាក់បន្ថែមថា ថា មកដល់ពេលនេះ ប្រជាពលរដ្ឋធ្វើចំណាកស្រុកពីប្រទេសថៃ ប្រទេសម៉ាឡេស៊ី មានចំនួនប្រមាណជាង៥២០០នាក់ ប៉ុន្ដែពួកគាត់មិនរកឃើញពលរដ្ឋណាម្នាក់ ថាមានឆ្លងជម្ងឺកូវិដ ១៩នេះនៅឡើយ ដោយពួកគាត់ត្រូវបានអោយក្រុមគ្រួសារដាក់ដោយឡែក១៤ថ្ងៃនៅតាមតំបន់ដែលពួកគាត់រស់នៅ។ ជាគ្នានោះអាជ្ញាធរខេត្ត បានធ្វើការណែនាំដល់អាជ្ញាធរមូលដ្ឋានគ្រប់លំដាប់ថ្នាក់ ទៅតាមអនុសាសន៍របស់ប្រមុខរាជរដ្ឋាភិបាលកម្ពុជា ក្នុងការ ណែនាំដល់ប្រជាពលរដ្ឋ ក៏ដូចបងប្អូលជាពលករដែលទើបវិលមកដល់មូលដ្ឋានវិញ ត្រូវអនុវត្តឲ្យខាងតែបាននូវការណែនាំរបស់ក្រសួងសុខាភិបាល។ ចំពោះការផ្សព្វផ្សាយនេះ ត្រូវបានអាជ្ញាធរមូលដ្ឋាន កងកម្លាំងសមត្ថកិច្ច បានធ្វើការផ្សព្វផ្សាយនូវសេចក្តីណែនាំតាមឧឃោសនស័ព្ទ តាមរថយន្ត រឺម៉ក់ជាដើមផងដែរ។លោកពិនប្រាកដ ក៍បានអំពាវនាវដល់ពលរដ្ឋអោយ អោយចូលធ្វើអនាម័យឲ្យបានជាប្រចាំថ្ងៃ ដើម្បីការពាររីករាលដាលនៃការឆ្លងមេរោគខូវី១៩នេះផងដែរ៕
អត្ថបទ និងរូបភាព៖ បូ សាវី
សម្រួលអត្ថបទ៖ សេង ផល្លី
