កញ្ញា ហ៊ីង ស្រីរ័ត្ន នៅខេត្ដសៀមរាប បានអោយដឹងនៅថ្ងៃទី០៨ខែមេសាឆ្នាំ២០២០នេះថា ពិធីចូលឆ្នាំថ្មីពិតជាមានសារៈសំខាន់សម្រាប់ពលរដ្ឋខ្មែរគ្រប់រូប ដោយពិធីបុណ្យជាតិនេះ បានជួបជុំសាច់តិការទាំងពីជិតឆ្ងាយ ដើម្បីរំលឹកនូវព្រឹលឹងដូនតាខ្មែរដែលបានស្លាប់បាត់បង់ជីវិតកន្លង ក៍ដូចជាបានជួបជុំគ្រួសារបង្កើតភាពសប្បាយរីករាយផងក្នុងពិធីនោះដែរ ព្រោះក្នុងមួយឆ្នាំមានតែម្ដង ប៉ុន្ដែកញ្ញាថា ការជួបជុំនេះមិនដឹងថា សាច់ញាតរបស់ពួកគាត់មកពីទីណានោះឡើយ ដែលអាចធ្វើអោយងាយស្រួលចម្លងមេរោគខូវីដ១៩ ពីមនុស្សម្នាក់ទៅម្នាក់ទៀត។ កញ្ញាបានគាំទ្រប្រសាសន៍សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ដែលមិនអោយមន្ដ្រីរាជការឈប់សម្រាកនេះ ព្រោះដើម្បីចូលរួមទប់ស្កាត់ការរីរាលដាលនៃការឆ្លងមេរោគខូវីដ១៩នេះ។កញ្ញបានបន្ថែមថា ពលរដ្ឋខ្មែរអាចបាត់មុខគ្នាមួយឆ្នាំ បាន ប៉ុន្ដែ កញ្ញាមិនមិនចង់អោយ ពួកគាត់បាត់មុខគ្នាមួយជីវិត ដោយសារឆ្លងជំងឺខូវីដ១៩ក្នុងពិធីជួបជុំគ្រួសារក្នុងឆ្នាំថ្មីនោះឡើយ ខណៈដែលជំងឺដ៍សាហាវនេះកំពុងរីករាលដាលនៅលើពិភពលោក។
ជាមួយគ្នានោះយុវជនពីររូបទៀត បានអោយដឹងដែរថា ពិធីចូលឆ្នាំថ្មីជាប្រពៃណីនិងទំនៀមទម្លាប់របស់ខ្មែរយ៉ាងសំខាន់ ប៉ុន្ដែបើប្រទេសជាតិមានបញ្ហារាតត្បាតដោយជំងឺ ពលរដ្ឋខ្មែរក៍ត្រូវអនុវត្ដតាមថ្នាក់ដឹកនាំប្រទេសជាតិដែរ ព្រោះពិធីបុណ្យចូលឆ្នាំថ្មីជាពិធីមួយដែលប្រជុំដោយញាតមិត្ដមកពីទីជិតឆ្ងាយ ដែលងាយនឹងឆ្លងមេរោគខូវីដ១៩ខ្លាំងបំផុត។ពួកគាត់បានបន្ដថា ពួកគាត់ក៍មានការសោកស្ដាយដែរ ដែលមានការផ្អាកចូលឆ្នាំខ្មែរ ប៉ុន្ដែក្នុងនាមជាយុវជននិងពលរដ្ឋម្ចាស់ប្រទេស ត្រូវធ្វើយ៉ាងណាចូលរួមជាមួយរាជរដ្ឋាភិបាល ដើម្បីទប់ស្កាត់និងប្រយុទ្ធនៃការឆ្លងជំងឺខូវីដ១៩នេះ។ពួកគាត់ក៍បានអំពាវនាវដល់យុវជន ក៍ដូចជាពលរដ្ឋខ្មែរគ្រប់រូប ចូលរួមទប់ស្កាត់ការឆ្លងជំងឺខូវីដ១៩ជាមួយរាជរដ្ឋាភិបាល ដោយត្រូវសំអាតអនាម័យ និងជៀសវាងការជួបជុំដោយមានគ្នាច្រើនជាដើម។
នៅក្នុងសន្និសីទសារព័ត៌មានស្តីពីស្ថានភាពជំងឺកូវីដ-១៩នៅកម្ពុជា កាលពីថ្ងៃទី៧ខែមេសា ឆ្នាំ២០២០ សម្តេចតេជោនាយករដ្ឋមន្រ្តី ហ៊ុន សែន បានប្រកាសពីការផ្អាកពិធីចូលឆ្នាំថ្មី ដើម្បីការពារកុំឲ្យរាលដាលជំងឺកូវីដ-១៩ ក្នុងអំឡុងចូលឆ្នាំខ្មែរ។ប្រមុខរដ្ឋាភិបាល ក៍អំពាវនាវឲ្យប្រជាជន កាត់បន្ថយការធ្វើដំណើរទៅស្រុកកំណើត ដែលជាមធ្យោបាយសំខាន់មួយ អាចកាត់បន្ថយការឆ្លងជំងឺកូវីដ-១៩ ដោយសម្ដេចតេជោបានថ្លែងថា បើទុកបណ្តោយឲ្យនៅដើរលេងសភាពការណ៍នេះក្រោយចូលឆ្នាំខ្មែររួចអាចមានហានិភ័យខ្ពស់បំផុត។ ទោះយ៉ាងណា សម្តេចនាយករដ្ឋមន្រ្តី ប្រកាសថា គ្រប់ស្ថាប័នរដ្ឋនិងគ្រប់ស្ថាប័នឯកជន ត្រូវធ្វើការធម្មតា ពោលគឺមិនអនុញ្ញាតឲ្យសម្រាកក្នុងអំឡុងចូលឆ្នាំនេះឡើយ ព្រោះថាកន្លែងសុវត្ថិភាពបំផុត គឺនៅតាមរោងចក្រ តាមក្រុមហ៊ុន និង តាមស្ថាប័ន៕
ព័ត៌មានជាតិ ថ្មីៗ
អត្ថបទ និង រូបភាព ប៊ូ សាវី
