សមត្ថកិច្ចនគរបាលខេត្តសៀមរាប បានឲ្យដឹងថា បុរសម្នាក់ឈ្មោះ ប៊ី ប៊ុន ភេទ ប្រុស អាយុ២៥ឆ្នាំ មិនដឹងមុខរបរ មានទីលំនៅបច្ចុប្បន្នភូមិត្រពុន ឃុំអំពិល ស្រុកប្រាសាទបាគង ត្រូវបានខ្សែភ្លើងឆក់ស្លាប់ កាលពីវេលាម៉ោងប្រមាណ១៧និង១០នាទី នៅថ្ងៃទី២៩ ខែវិច្ឆិកា ឆ្នាំ២០១៨ ម្សិលមិញនេះ ខណៈជននេះ បានចូលទៅលួចកាត់ខ្សែភ្លើង ដែលកំពុងមានចរន្តភ្លើង នៅការដ្ឋានកំពុងសាងសង់កន្លែងស្ទីមសូណា នៅក្នុងសណ្ឋាគារបាយ័នអេរ៉ា ស្ថិតតាមបណ្តោយផ្លូវជាតិលេខ៦ ស្ថិតក្នុងភូមិខ្នារ សង្កាត់ជ្រាវ ក្រុងសៀមរាប ។
សមត្ថកិច្ចនគរបាលជំនាញ បានឲ្យដឹងទៀតថា តាមការពិនិត្យសាកសព ឃើញមានស្នាមឆេះ ខ្លោចដើមដៃ កូនដៃនិងបាតដៃធ្ងន់ធ្ងរ ហើយដៃកំពុងកាន់កន្ត្រៃយ៍ផងដែរ ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#ប៉ូលីស
#ឆក់ខ្សែភ្លើង
