ក្នុងឱកាសអញ្ជើញចូលជួបសម្ដែងការគួរសម និងជូនសៀវភៅ មានចំណងជើងថា “ភាពជាអ្នកដឹកនាំស្រ្តីនៃកម្ពុជាចំនួន ២១ រូប” ជូនដល់ ឯកឧត្តម ខៀវ កាញារីទ្ធ រដ្ឋមន្រ្តី ក្រសួង ព័ត៌មាន នៅព្រឹកថ្ងៃទី២២ ខែមេសា ឆ្នាំ២០២០ កញ្ញា ទូច សុជាតិតា ប្រធានក្រុមហ៊ុន វ៉ូមិនធូម (Womentum) ប្រចាំនៅ ប្រទេសកម្ពុជា ក៏បានគោរពស្នើសុំការគាំទ្រ និងចង់ចូលរួមជាមួយ ក្រសួង ព័ត៌មាន នៅក្នងការប្រើប្រាស់ បច្ចេកវិទ្យាព័ត៌មាន ផ្សព្វផ្សាយ ព្រោះខាងក្រុមការងាររបស់ កញ្ញា ដើម្បីជួយលើកស្ទួយភាពជាសហគ្រិន និងការប្រើប្រាស់បច្ចេកវិទ្យា។
ដូច្នេះតាមរយៈនេះ កញ្ញា ទូច សុជាតិតា ចង់ឲ្យកម្មវិធីបណ្តុះបណ្តាល និងការផ្សព្វ ផ្សាយ របស់សហភាព ជាសហគ្រិន សម្រាប់ស្រ្តី ត្រូវបានផ្សាយតាមរយៈប្រពន្ធ័ផ្សាយនានា របស់ ក្រសួង ព័ត៌មាន ។ ក្នុងរយៈពេលកន្លងមកនេះ Womentun បានផ្សព្វផ្សាយពាក់ពន្ធ័និង ភាពជាសហគ្រិនរបស់ស្រ្តី ការប្រើប្រាស់បច្ចេកវិទ្យា សម្រាប់ស្វែងរកការងារធ្វើ ហើយក្នុង នោះដែរ ក្រុមហ៊ុន មានអ្នកជំនាញការនៅក្នុងប្រទេស សឹង្ហបុរី និង នៅប្រទេស បារាំងជួយលើ កិច្ចការងារនេះ ។
ឯកឧត្តម រដ្ឋមន្រ្តី ខៀវ កាញារីទ្ធ បានគាំទ្រចំពោះគម្រោងការងាររបស់ ក្រុមហ៊ុន Womentun ដែលចង់មកសហការជាមួយ ក្រសួង ព័ត៌មាន ដើម្បីផ្សព្វផ្សាយ កម្មវិធី នានា ដែលមានសារះសំខាន់ ក្នុងការជួយដល់ស្រ្តីកម្ពុជា សម្រាប់ការងារធ្វើ អាជីវកម្ម និងការប្រើ ប្រាស់ បច្ចេកវិទ្យា សម្រាប់ការងារសហគ្រិន។
ព័ត៌មានជាតិ ថ្មីៗ
ឯកឧត្តម រដ្ឋមន្រ្តី បានជម្រាបជូនថា នៅក្រសួង គឺមាន សមាគមនារីកម្ពុជាដើម្បី សន្តិភាព និងអភិវឌ្ឍ ក្រសួង ព័ត៌មាន ដែលជានិច្ចកាល បាន ជួយ ដល់ស្រ្តី ទាំងលើការងារបណ្តុះបណ្តាល ក៏ដូចជាជួយ នៅពេលអ្នកជួបបញ្ហាខាងផ្នែកជីវភាព រស់នៅជាដើម។ ជាមួយនេះ ទូរទស្សន៏ជាតិកម្ពុជា ក៏មានកម្មវិធីផ្សាយ ទាក់ទងការងាររបស់ ស្រ្តី ក្នុងវិស័យ នានា ដែលអាចឲ្យខាង Womentun ធ្វើការ សហការ គ្នាបាន ក្នុងការផ្សព្វ ផ្សាយ ហើយជាមួយនេះ ក៏មានថ្នាក់ដឹកនាំ ក្រសួង ព័ត៌មាន ជារដ្ឋលេខា ធិការ អនុរដ្ឋលេខា ធិការ ទទួលធ្វើកិច្ចការងារទាក់ទងនឹង ស្រ្តីផងដែរ ។
អត្ថបទ និង រូបភាព ៖ ក្រសួងព័ត៌មាន
