កិច្ចប្រជុំពិនិត្យកែលម្អចុងក្រោយលើសេចក្តីព្រាងច្បាប់ស្តីពីសិទ្ធិទទួលព័ត៌មាន ផ្នែក ទោសប្បញ្ញត្តិ បានធ្វើឡើងនៅព្រឹកថ្ងៃទី២៤ ខែមេសា ឆ្នាំ២០២០ ក្រោមអធិបតីភាព ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន ។
កិច្ចប្រជុំនាឱកាសនេះ បានធ្វើការស្តាប់នូវរបាយណ៍ អំពីការវិវត្តថ្មីៗ នៃសេចក្តីព្រាងច្បាប់ ស្តីពីសិទ្ធិទទួលព័ត៌មាន ដែលបានលើកឡើងដោយ ឯកឧត្តម មាស សុភ័ណ្ឌ អនុរដ្ឋលេខាធិការ ក្រសួងព័ត៌មាន ជាមួយនេះប្រធានអង្គប្រជុំ រួមជាមួយសមាជិក សមាជិកា ក៏បាន ធ្វើការពិនិត្យកែលម្អលើសេចក្តីព្រាងច្បាប់នេះ រួមជាមួយការពិភាក្សា និងកំណត់ចំណុចគន្លឹះ ដើម្បីដាក់ក្នុងសេចក្តីថ្លែងហេតុ រួមទាំងបញ្ហាផ្សេងៗទៀត ក៏ត្រូវបានលើកយកពិភាក្សាផងដែរ ។
សេចក្តីព្រាងច្បាប់ស្តីពីស្តីពីសិទ្ធិទទួលព័ត៌មាន ដែលក្រសួង ព័ត៌មាន ជាអ្នកធ្វើពង្រាង គឺមាន ១០ ជំពួក ចែកចេញជា ៣៦ មាត្រា ហើយច្បាប់នេះ មានគោលបំណងធានាឲ្យ សាធារណជនគ្រប់រូបនូវសិទ្ធិសេរីភាព ក្នុងការទទួលបានព័ត៌មាន ពីស្ថាប័នសាធារណះ ស្រប តាមរដ្ឋធម្មនុញ្ញ នៃព្រះរាជាណាចក្រកម្ពុជា។
ព័ត៌មានជាតិ ថ្មីៗ
ឯកឧត្តម រដ្ឋមន្រ្តី ខៀវ កាញារីទ្ធ មានប្រសាសន៏បញ្ជាក់ថា កិច្ចប្រជុំនេះគឺជាការពិនិត្យ ចុងក្រោយបង្អស់ នៃសេចក្តីព្រាងច្បាប់ស្តីពីសិទ្ធិទទួលព័ត៌មាន មុនបញ្ជូនទៅទីស្តីការគណះ រដ្ឋមន្រ្តី ពិនិត្យ និងសម្រេចជាផ្លូវការ ហើយបញ្ជូនទៅរដ្ឋសភា ធ្វើការអនុម័ត។
អត្ថបទ និង រូបថត ៖ ក្រសួងព័ត៌មាន
