កាលពីព្រឹកថ្ងៃទី០៣ ខែធ្នូ ឆ្នាំ២០១៨នេះ នៅស្នងការដ្ឋាននគរបាលខេត្តសៀមរាប មានបើកកិច្ចប្រជុំមួយ ស្ដីពីការផ្សព្វផ្សាយផែនការការពារ ធានាសន្តិសុខ សុវត្ថិភាព និងសណ្តាប់ធ្នាប់់ ក្នុងឱកាសប្រារព្ធខួប២៥ឆ្នាំ នៃការបង្កើតគណៈកម្មាធិការអន្ដរជាតិ ដើម្បីសម្របសម្រួលកិច្ចគាំពារនិងអភិវឌ្ឍន៍រមណីយដ្ឋានអង្គរ ហៅកាត់ថា អាយស៊ីស៊ី-អង្គរក្រោមអធិបតីភាពឯកឧត្តមនាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការនៃបញ្ជាការដ្ឋានអង្គរក្ស ដោយមានការចូលរួមពីសំណាក់ឯកឧត្ដម លោក លោកស្រី ជាអភិបាលរងខេត្ត មេបញ្ជាការ មេបញ្ជាការរង យោធភូមិភាគទី៤ តំបន់ប្រតិបត្តិការសឹករងខេត្ត ទីបញ្ជាការកងរាជអាវុធហត្ថខេត្ត ស្នងការ ស្នងការរងនគរបាលខេត្ត ថ្នាក់ដឹកនាំមន្ទីរ អង្គភាពពាក់ព័ន្ធ និង មន្ត្រីសំខាន់ៗជាច្រើនរូប នៃកងកម្លាំងប្រដាប់អាវុធទាំង៣ប្រភេទ ។
ឯកឧត្តមនាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង បានមានប្រសាសន៍ថា ការប្រារព្ធខួប២៥ឆ្នាំ នៃការបង្កើត អាយស៊ីស៊ី~អង្គរ នៅខេត្តសៀមរាបនាពេលនេះ គឺប្រព្រឹត្តទៅក្រោមព្រះរាជអធិបតីភាពដ៏ខ្ពង់ខ្ពស់របស់ ព្រះករុណាសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា , សម្ដេចតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកកម្ពុជា និងអគ្គនាយិកាអង្គការយូណេស្កូ រួមជាមួយអ្នកជំនាញអន្តរជាតិជាច្រើនរូបទៀតដូច្នេះដើម្បីធានាបាននូវសន្តិសុខ សុវត្ថិភាព និងសណ្តាប់ធ្នាប់់ល្អ ក្នុងការប្រារព្ធពិធីនេះ សូមឲ្យកម្លាំងយើងទាំងអស់ ត្រូវបង្កើនការយកចិត្តទុកដាក់ក្នុងការល្បាតត្រួតពិនិត្យ និងបង្ការទប់ស្កាត់បទល្មើស ពិសេសត្រូវវិភាគវាយតម្លៃ នូវរាល់សភាពការណ៍់ និងឧបាយកលនានា ដែលប៉ុនប៉ងបំផ្លិចបំផ្លាញ ឬការបង្កចលាចល ធ្វើឲ្យបាត់សណ្តាប់ ធ្នាប់ និងត្រូវមានវិធានការម្ចាស់ការ ដើម្បីទប់ស្កាត់និងដោះស្រាយឲ្យបានទាន់ពេលវេលា និងមានប្រសិទ្ធភាពខ្ពស់ ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#អាជ្ញាធរជាតិអប្សរា
#អាយស៊ីស៊ីអង្គរ
ព័ត៌មានជាតិ ថ្មីៗ
