កាលពីរសៀលម៉ោងប្រមាណ៤រសៀល ថ្ងៃទី០៤ ខែ ឧសភា ឆ្នាំ២០២០ កម្លាំងសន្តិសុខខេត្តសៀមរាប បានដកហូតកាំភ្លើងខុសច្បាប់ចំនួន៣ដើម ប្រភេទប្រើហ្គាស គ្រាប់ដែក និងគ្រាប់ជ័រ នៅក្នុងផ្ទះមួយ ដែលជាមុខសញ្ញាជួញដូរអាវុធ ស្ថិតក្នុងភូមិ ស្វាយដង្គំ សង្កាត់ស្វាយដង្គំ ក្រុងសៀមរាប ខេត្តសៀមរាប។
ប្រតិបត្តិការនេះ មានការចូលរួមពី កម្លាំងប៉ុស្តិ៍នគរបាលរដ្ឋបាលស្វាយដង្គំ សហការណ៍ជាមួយកម្លាំងសន្តិសុខខេត្តសៀមរាប ដឹកនាំដោយ លោកឧត្តមសេនីយ៍ត្រី ហួត សុធី ស្នងការរង នៃស្នងការដ្ឋាននគរបាលខេត្តសៀមរាប ទទួលផ្នែកសន្តិសុខ។
វត្ថុតាងដែលសមត្ថកិច្ចដកហូតបានរួមមាន៖
– កាំភ្លើងម៉ាក Glock19 ពណ៌ខ្មៅ មួយដើម លេខ DN16697 ជាប្រភេទប្រើហ្គាស គ្រាប់ជ័រ គ្រាប់ដែក រួមនិងងបង់ចំនួន ០១
– កាំភ្លើងម៉ាក Combat master ពណ៌ខ្មៅ ពីរដើម លេខ DN020580 និងលេខ DN00050 ជាប្រភេទប្រើហ្គាស គ្រាប់ជ័រ គ្រាប់ដែក រួមនិង បង់ចំនួន ០៤
– កំប៉ុងហ្គាសចំនួន ៤ កំប៉ុង
– គ្រាប់ជ័រចំនួន ៣ កញ្ចប់ គ្រាប់ដែកចំនួន ៨ ប្រអប់
– គ្រាប់ពិត ប្រើសម្រាប់ប្រភេទកាំភ្លើង វ៉ាងឌីឡុង ចំនួន ១០០គ្រាប់
– និងកុំព្យូទ័រយួរដៃ និងសម្ភារៈអេឡិចត្រនិចមួយចំនួន។
បច្ចុប្បន្ន សមត្ថកិច្ចជំនាញ កំពុងកសាងសំណុំរឿង ដើម្បីអនុវត្តតាមនីតិវិធី។
អត្ថបទ និង រូបថត ៖ ម៉ី សុខារិទ្ធ
កែសម្រួលអត្ថបទ ៖ សេង ផល្លី
