នៅព្រឹកថ្ងៃទី២១ ខែឧសភា ឆ្នាំ២០២០នេះ ឯកឧត្តម អែល សៀត សមាជិកក្រុមប្រឹក្សាខេត្ត និងជាអនុប្រធាន សាសនាឥស្លាមខេត្តសៀមរាប និងលោក ហ៊ា ហាវ ចៅសង្កាត់ស្វាយដង្គំ ព្រមទាំងគណៈគ្រប់គ្រងសាសនាឥស្លាមខេត្ត បាននាំយកកញ្ចប់អាហារ សម្រាប់ស្រាយបួសខែរ៉ាម៉ាឌនចំនួន ១៦០កញ្ចប់ ដែលជាអំណោយសប្បុរសជនម៉ាឡេស៊ី ចែកជូនដល់សាសនិកឥស្លាមក្រីក្រនៅក្រុងសៀមរាប។
ឯកឧត្តមសមាជិកក្រុមប្រឹក្សាខេត្ត លើកឡើងថា រាជរដ្ឋាភិបាលកម្ពុជា ក្រោមការដឹកនាំ របស់សម្តេចតេជោ កម្ពុជាទទួលបាននូវសន្តិភាព និងសិទ្ធិសេរីភាពពេញលេញ ខាងជំនឿសាសនា ធ្វើឲ្យមានសុខដុមនីយកម្មសាសនា ទន្ទឹមនោះអង្គការប្រតិបត្តិការឥស្លាម និងពិភពលោកទាំងមូលបានកោតសរសើរ អំពីការដឹកនាំរបស់សម្ដេចតេជោផងដែរ។
ឆ្លៀតក្នុងឱកាសនោះដែរ ឯកឧត្តមសមាជិកក្រុមប្រឹក្សាខេត្ត ក៏បានអំពាវនាវដល់ប្រជាពលរដ្ឋខ្មែរមូស្លីមទាំងអស់ សូមបន្តការពារខ្លួន ក្នុងការទប់ស្កាត់ការរីករាលដាលនៃមេរោគកូវីដ១៩ តាមរយៈការរក្សាអនាម័យ រស់នៅស្អាត ហូបស្អាត ផឹកស្អាត ពាក់ម៉ាសជាប្រចាំ តាមការណែនាំរបស់ក្រសួងសុខាភិបាល។
ព័ត៌មានជាតិ ថ្មីៗ
ឯកឧត្តមបានបញ្ជាក់ថា ក្រោមការយកចិត្តទុកដាក់ខ្ពស់ពីរាជរដ្ឋាភិបាលកម្ពុជា មកដល់ពេបច្ចុប្បន្នអ្នកដែលបានឆ្លងជំងឺកូវីដ១៩ ចំនួន១២២នាក់ បានជាសះស្បើយ១០០ភាគរយ ដោយពុំមានករណិស្លាប់ ឬឆ្លងបន្ថែមទៀតឡើយ។ ទោះជាលទ្ធផលល្អ យ៉ាងណាក៏ដោយ បទបញ្ជា ក៏ដូចជាវិធានការទប់ស្កាត់ ដើម្បីបង្ការការផ្ទុះឡើងវិញ នៃមេរោគកូវីដ១៩នៅកម្ពុជា នៅតែជាគោលដៅអាទិភាពរបស់រាជរដ្ឋាភិបាលកម្ពុជា រហូតទាល់តែ អង្គការសុខភាពពិភពលោក ប្រកាសថា មានថ្នាំឬវ៉ាក់សាំងជាផ្លូវការ ដែលអាចទប់ស្កាត់មេរោគនេះ។
អត្ថបទ និង រូបថត ៖ ទ្រា ពន្លឺ
កែសម្រួលអត្ថបទ ៖ សេង ផល្លី
