នៅព្រឹកថ្ងៃទី២២ ខែឧសភា ឆ្នាំ២០២០ សិក្ខាកាមពលទាហានថ្មី ក្របខណ្ឌកងទ័ពជើងគោកឆ្នាំ២០២០ ចំនួន៣៩៥នាក់ បានចាប់ផ្ដើមហ្វឹកហាត់បាញ់គ្រាប់ពិត នៅទីបញ្ជាការហ្នឹកហ្វឺនយោធភូមិភាគទី៤ អូរកូនតឹង ក្នុងស្រុកវ៉ារិន ខេត្តសៀមរាប ដើម្បីយល់ដឹងពីតួនាទីភារៈកិច្ច និងយុទ្ធសាស្ដ្រមួយចំនួន ក្នុងជួរកងកម្លាំងយោធា។
ឯកឧត្តម ឧត្ដមសេនីយឯក ពៅ ហេង មេបញ្ជាការយោធភូមិភាគទី៤ និងជាមេបញ្ជាការរងកងទ័ពជើងគោក បង្ហាញថា ការហ្វឹហាត់នេះ មានរយៈពេលពីរថ្ងៃ ចាប់ពីថ្ងៃទី២២ ដល់ទី២៣ ខែឧសភាឆ្នាំ២០២០ សិក្ខាកាមពលទាហានទាំង៣៩៥នាក់ ក្នុងនោះពលទាហានស្ដ្រីចំនួន១១នាក់។ ពួកគេ បានទទួលការហ្វឹកហ្វឺនរយៈពេលបីខែ នៅសាលាពលទាហានមិត្ដភាព កម្ពុជា-វៀតណាម ស្ថិតក្នុងស្រុកបន្ទាយស្រី ខេត្ដសៀមរាប។ ការហ្វឹកហាត់បាញ់គ្រាប់ពិតនាពេលនេះ ជាមេរៀនទី១ ដែលបានសិក្សារយៈពេលបីខែទាំងទ្រឹស្ដី និងអនុវត្តន៍ជាក់ស្ដែង។
ឯកឧត្តម បញ្ជាក់ថា ចំពោះលទ្ធផលបឋម នៃការបាញ់ស៊ីបគ្រាប់ពិត ដោយកាំភ្លើងអាកា៤៧ ចម្ងាយ ១០០ម៉ែត្រ និងចម្ងាយ ១៥០ម៉ែត្រ ក្នុងចំណោម សិក្ខាកាម១០០នាក់ ទទួលបានិទ្ទេស ល្អ ៨នាក់ ល្អបង្គួរ ៣២នាក់ មធ្យម ៥៥នាក់ និងធ្លាក់៥នាក់។
ព័ត៌មានជាតិ ថ្មីៗ
លោក ក៏បានអំពាវនាវ ដល់សិក្ខាកាមពលទាហានទាំងអស់ ត្រូវខិតខំហ្វឹកហាត់បាញ់គ្រាប់ពិត ដោយយកចិត្តទុកដាក់ ដើម្បីឈានទៅរកថ្វីដៃខ្លាំងពូកែ និងប្រសិទ្ធិភាព ដែលទាំងនេះជាការប្ដេជ្ញាការពារទឹកដី និង ជាតិមាតុភូមិរបស់យើងទាំងអស់គ្នា។
សិក្ខាកាមពលទាហានថ្មីជិត៤០០នាក់ ហ្វឹកហាត់បាញ់គ្រាប់ពិតក្នុងស្រុកវ៉ារិន ខេត្តសៀមរាប
សិក្ខាកាមពលទាហានថ្មីជិត៤០០នាក់ ហ្វឹកហាត់បាញ់គ្រាប់ពិតក្នុងស្រុកវ៉ារិន ខេត្តសៀមរាបកែតម្រូវ÷ សាលាពលទហាន មិត្ដភាព កម្ពុជា-វៀតណាម#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Friday, May 22, 2020
អត្ថបទ និង រូបថត ៖ លោក បូ សាវី
កែសម្រួលអត្ថបទ ៖ លោក សេង ផល្លី
