ថ្ងៃទី២៥ ខែឧសភា ឆ្នាំ២០២០ លោកជំទាវ ទាង អេង ទៀ សីហា អនុប្រធាន គណៈកម្មាធិការសាខាកាកបាទក្រហមកម្ពុជាខេត្ត បានដឹកនាំប្រតិភូ ចុះសួរសុខទុក្ខ និងប្រគល់សម្ភារៈប្រយុទ្ធប្រឆាំងនឹងមេរោគកូវីដ១៩ ដល់ក្រុមគ្រូពេទ្យ នៅមណ្ឌលសុខភាព ពពេល និង សំរោង ស្ថិតក្នុងស្រុកសូទ្រនិគម ព្រមទាំងជួបសួរសុខទុក្ខ អ្នកម្ដាយទើបសម្រាលកូននៅមណ្ឌលសុខភាពទាំងពីរនេះផងដែរ។
មានប្រសាសន៍សំណេះសំណាលជាមួយក្រុមគ្រូពេទ្យ នៃមណ្ឌលសុខភាពទាំងពីរ លោកជំទាវ ទាង អេង ទៀ សីហា បានធ្វើការវាយតម្លៃខ្ពស់ ពីការខិតខំរបស់ក្រុមគ្រូពេទ្យនៅទីនេះ ដែលបានយកចិត្តទុកដាក់ ផ្ដល់សេវាសុខភាព ជូនប្រជាពលរដ្ឋ និង ផ្ដល់ទំនុកចិត្តលើសេវាសុខាភិបាលនៅកម្ពុជា។
លោកជំទាវ គូសបញ្ជាក់ថា នេះជាលើកទី២ តាមការណែនាំ ប្រកបដោយការយកចិត្តទុកដាក់ខ្ពស់របស់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក្នុងការផ្សព្វផ្សាយ អំពីការប្រយុទ្ធប្រឆាំងបង្ការ ទប់ស្កាត់រលកទី២ នៃជម្ងឺកូវិដ១៩នៅកម្ពុជា ជូនដល់ប្រជាពលរដ្ឋ តាមរយៈក្រុមគ្រូពេទ្យ និង អាជ្ញាធរមូលដ្ឋាន។ ទោះបីកម្ពុជាយើងបានឆ្លងផុតដំណាក់កាលទី១ពិតមែន តែពេលថ្មីៗនេះក៏មានរលកទី២ នៃជម្ងឺកូវិដ១៩ ដែលនាំចូលមកពីក្រៅប្រទេសចំនួន២ករណីបន្ថែមទៀត។ ក្រោមការយកចិត្តទុកដាក់របស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ទើបសាខាកាកបាទក្រហមកម្ពុជាខេត្ត បាននាំមកនូវ សម្ភារៈប្រើប្រាស់មួយចំនួន មកផ្តល់ជូនដល់មណ្ឌលសុខភាពទាំងពីរ ដើមី្បប្រើប្រាស់ក្នុងការប្រយុទ្ធប្រឆាំង នឹងជម្ងឺឆ្លងកូវិដ១៩ នៃរលកទី២នេះ ។
ព័ត៌មានជាតិ ថ្មីៗ
ឆ្លៀតក្នុងដំណើរចុះបេសកកម្មនេះ លោកជំទាវក៏បាននាំយកម៉ាស់ ស្រោមដៃ អាល់កុល ក្រមានិង របាំងមុខ ទៅប្រគល់ជូនមណ្ឌលសុខភាព ពពេល និង សំរោង ក្នុងស្រុកសូទ្រនិគម ក្នុងការប្រយុទ្ធប្រឆាំង បង្ការ ទប់ស្កាត់រលកទី២ នៃជម្ងឺកូវិដ១៩ នៅកម្ពុជា ព្រមទាំងចុះសួរសុខទុក្ខ អ្នកម្ដាយទើបសម្រាលកូននៅមណ្ឌលសុខភាពទាំងនោះផងដែរ។
អំណោយដែលប្រគល់ជូនមណ្ឌលសុខភាពទាំងពីរនាពេលនោះ រួមមាន ម៉ាស់ ស្រោមដៃ អាល់កុល ក្រមានិង របាំងមុខ។ ដោយឡែក អ្នកម្ដាយទើបសម្រាលកូនតូច និង អ្នកជម្ងឺ សម្រាកនៅក្នុងមណ្ឌលសុខភាព ម្នាក់ៗ ទទួលបាន ឃីត ១កញ្ចប់ ពីសាខាកាកបាទក្រហមកម្ពុជាខេត្តផងដែរ ៕
ប្រតិភូសាខាកាកបាទក្រហមកម្ពុជាខេត្តសៀមរាប ចុះសួរសុខទុក្ខ
ប្រតិភូសាខាកាកបាទក្រហមកម្ពុជាខេត្តសៀមរាប ចុះសួរសុខទុក្ខ និងប្រគល់សម្ភារៈប្រយុទ្ធប្រឆាំងនឹងមេរោគកូវីដ១៩ ដល់ក្រុមគ្រូពេទ្យ នៅមណ្ឌលសុខភាព២កន្លែង ក្នុងស្រុកសូទ្រនិគម#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Monday, May 25, 2020
អត្ថបទ និង រូបថត ៖ លោក ម៉ី សុខារិទ្ធ
កែសម្រួលអត្ថបទ ៖ លោក សេង ផល្លី
