នៅព្រឹកថ្ងៃទី២៨ ខែឧសភា ឆ្នាំ២០២០ ឯកឧត្តម អ៊ុក ប្រាថ្នា រដ្ឋលេខាធិការប្រចាំការ ក្រសួងព័ត៌មាន និង ជាប្រធាន គណៈកម្មការតាមដាន ការផ្សព្វផ្សាយព័ត៌មាន ក្លែងក្លាយ បានបើកកិច្ចប្រជុំគណៈកម្មការ តាមដានការផ្សព្វផ្សាយព័ត៌មានក្លែងក្លាយ នៃក្រសួងព័ត៌មាន ជាមួយបណ្តាប្រធានមន្ទីរព័ត៌មាន ខេត្ត-រាជធានីតាមរយៈប្រព័ន្ធ Video Conference បានប្រារព្ធ ធ្វើឡើង ក្រោមអធិបតីភាព ឯកឧត្តម អ៊ុក ប្រាថ្នា រដ្ឋលេខា ធិការប្រចាំការ ក្រសួងព័ត៌មាន និង ជាប្រធាន គណៈកម្មការតាមដាន ការផ្សព្វផ្សាយព័ត៌មាន ក្លែងក្លាយ។
គណៈកម្មការនេះ មានភារកិច្ចតាមដានការផ្សាយព័ត៌មានក្លែងក្លាយ តាមប្រព័ន្ធផ្សព្វផ្សាយនានា និងដំណឹងមិនពិត តាម បណ្តាញទំនាក់ទំនងសង្គម។ ធ្វើការឆ្លើយតបជូន សាធារណជនអោយបានទាន់ពេលវេលា តាមគ្រប់មធ្យោបាយដែលមានស្រាប់ រាល់ការ ផ្សព្វផ្សាយ ព័ត៌មានមិនពិត និងព័ត៌មាននាំឱ្យមានការជ្រួលច្របល់ក្នុងសង្គម សហការជាមួយ ស្ថាប័នសារព័ត៌មាន និងប្រព័ន្ធផ្សព្វផ្សាយទាំងអស់ ធ្វើការឆ្លើយតបអោយបានទាន់ពេលវេលា រាល់ការផ្សាយព័ត៌មាន មិនពិតតាមគ្រប់មធ្យោបាយ។ សហការជាមួយក្រសួងស្ថាប័នពាក់ព័ន្ធ ឬក្រុមហ៊ុនបណ្តាញទំនាក់ទំនង សង្គម ដើម្បីរាំងខ្ទប់ (Block) គេហទំព័រ គណនី ឬទំព័រ(Page) ទាំងឡាយដែលផ្សព្វផ្សាយ ព័ត៌មានមិនពិត ក្លែងក្លាយ និងព័ត៌មាននាំ ឱ្យមាន ការជ្រួល ច្របល់ក្នុងសង្គមនិងស្នើសុំគោលការណ៏ដើម្បីអនុវត្តន៏ ចាត់វិធានការតាមផ្លូវច្បាប់។
នៅក្នុងឱកាសនោះ អស់លោក លោកស្រីជាប្រធានមន្ទីរព័ត៌មាន តាមបណ្តាខេត្ត នីមួយៗបានលើកឡើងពី ព័ត៌មានក្លែងក្លាយ មួយចំនួនដែលកើតមានឡើងនៅក្នុងខេត្តរបស់ ខ្លួនហើយបានលើកជាប្រធានការឆ្លើយតប និងស្នើសុំការណែនាំពី អាជ្ញាធរខេត្ត រាជធានី ពិសេស ថ្នាក់ដឹកនាំ ក្រសួងព័ត៌មាន ដើម្បីរួមគ្នាលុបបំបាត់ព័ត៌មានក្លែងក្លាយ ព័ត៌មានមិនពិត ដែលនាំអោយមានការយលច្រំឡំ។
ព័ត៌មានជាតិ ថ្មីៗ
ឯកឧត្តម អ៊ុក ប្រាថ្នា បានជម្រុញដល់អង្គភាពផ្សព្វផ្សាយរបស់រដ្ឋទាំងអស់ ពិសេសវិទ្យុ ទូរទស្សន៏ជាតិកម្ពុជា ទីភ្នាក់ងារសារព័ត៌មាន កម្ពុជា AKP ត្រូវឈានមុខគេក្នុងការផ្សាយព័ត៌ មានពិត ត្រឹមត្រូវ ច្បាស់លាស់ ទាន់ពេលវេលា ដើម្បីរួមគ្នាប្រឆាំង ឆ្លើយតបទាន់ពេលនូវ រាល់ ព័ត៌មាន ក្លែងក្លាយ ដែលកើតមានឡើងជាច្រើននាពេលបច្ចុប្បន្ន នេះ។ ជាងនេះទៅតក៏ ត្រូវមានវិធានការរដ្ឋបាលចំពោះអ្នក ដែលបានផ្សព្ធផ្សាយព័ត៌មានមិនពិត នាំអោយមានការ ប៉ះពាល់ដល់កិត្តិយស និងសេចក្តីថ្លៃថ្នូររបស់ថ្នាក់ដឹកនាំ ។ ឯកឧត្តម ប្រធាន មានការសង្ឃឹមជឿ ជាក់ថា ថ្នាក់ដឹកនាំ និងសមាជិកគណៈកម្មការតាមដានការផ្សព្វផ្សាយព័ត៌មានក្លែងក្លាយ នឹង បន្តរួមសហការគ្នាតាមដានរាល់ព័ត៌មានក្លែងក្លាយ មិនពិត ដើម្បីក្រុមការងារវាយបក ឆ្លើយ តបចំពោះអ្វីដែលមិនមែនជាការពិត។ ដូច្នេះកិច្ចការងារនេះ មិនមែនបញ្ចប់ត្រឹមនេះទេ គឺបន្ត ធ្វើជារៀងរាល់ថ្ងៃហើសម្រាប់ការប្រជុំគណៈកម្មការតាមដានការផ្សព្វផ្សាយព័ត៌មានក្លែងក្លាយ នឹងធ្វើឡើងជារៀងរាល់ ១ខែម្តង ដើម្បីពិនិត្យពីវឌ្ឍនភាពការងាររួមដែលសម្រេចអនុវត្តន៏បាន ក្នុងរយះពេលមកនេះ។
អត្ថបទ និងរូបភាព៖ ក្រសួងព័ត៌មាន
