នាព្រឹកថ្ងៃទី៣០ ខែឧសភា ឆ្នាំ២០២០នេះ ឯកឧត្តម ស ថាវី រដ្ឋលេខាធិការក្រសួងការពារជាតិ រួមជាមួយ ឯកឧត្តម ផៃ សុខខេង អនុប្រធានក្រុមការងាររាជរដ្ឋាភិបាល និង ក្រុមការងារចុះមូលដ្ឋាន បានអញ្ជើញជួបសំណេះសំណាលជាមួយបងប្អូនប្រជាពលរដ្ឋប្រមាណជាង១៣០នាក់ មកពីភូមិចំនួន៦ ក្នុងឃុំពាក់ស្នែង ស្រុកអង្គរធំ ខេត្តសៀមរាប ដើម្បីចុះផ្សព្វផ្សាយវិធានការ ពង្រឹងស្មារតីប្រជាពលរដ្ឋក្នុងសហគមន៍ បន្តប្រយុទ្ធប្រឆាំងការចម្លងជម្ងឺគូវិត.១៩ ស្ថិតនៅក្នុងសាលាបឋមសិក្សាពាក់ស្នែង ។
ក្នុងឪកាសនោះដែរ ឯកឧត្តម ស ថាវី មានប្រសាសន៍ថា នៅក្នុងសហគមន៍យើង ត្រូវបានប្រមុខនៃរាជរដ្ឋាភិបាលកម្ពុជា បានបន្តការអំពាវនាវ សូមឲ្យបងប្អូនប្រជាពលរដ្ឋចូលរួមគ្រប់ៗគ្នា ចូលរួមអនុវត្តតាមការណែនាំ និងវិធានការនានា ដែលបានដាក់ចេញដោយក្រសួងសុខាបាល ដែលជាផ្នែកមួយនៃសកម្មភាពឆ្លើយតបទៅនឹងបញ្ហានេះ ជាក់ស្តែងយើងឃើញថា មានបងប្អូនប្រជាពលរដ្ឋក្នុងសហគមន៍មូលដ្ឋានជនបទឃុំពាក់ស្នែង ស្រុកអង្គរធំ ខេត្តសៀមរាបប្រមាណជិត៦០០នាក់ បានទទួលនូវការអប់រំផ្សព្វផ្សាយវិធានការនានា ដើម្បីទប់ស្កាត់ការនាំចម្លងវារុសដ៏កាចសាហាវនេះ រយ:កាលកន្លងមក វាជាការកត់សំគាល់ផងដែរ ។
មានប្រសាសន៍ក្នុងឱកាសនោះដែរ ឯកឧត្តម ផៃ សុខខេង ក៏បានបញ្ជាក់ដែរថា បើទោះបីកម្ពុជា មានមោទនភាពក្នុងការគ្រប់គ្រងវិបត្តិកូវីត១៩ នៃតំណាក់កាលនាំចម្លងចូលដោយជនបរទេសយ៉ាងណាក៏ដោយ ក៏ប៉ុន្តែក្នុងពេលជាមួយគ្នានេះ ពិភពលោកមិនទាន់ឆ្លងផុតគ្រោះថ្នាក់នៃវិបត្តិរាតត្បាតដោយជម្ងឺកូវីត-១៩នៅឡើយនោះទេ ស្ថាប័នជំនាញជាតិនិងអន្តរជាតិ បានក្រើនរំលឹកឲ្យប្រជាពលរដ្ឋកម្ពុជា បន្តការយកចិត្តទុកដាក់អនុវត្តលើគ្រប់វិធានការទាំងឡាយ និងរួមគ្នាពង្រឹងបន្ថែមទៀតស្មារតីប្រយុទ្ធប្រឆាំងការចម្លងវារុសកូវីត-១៩ឲ្យខ្លាំងខ្លាបំផុត ។ ការធ្វេសប្រហែស ការប្រមាថភ្លេចខ្លួន វាគឺជាការបើកឱកាសឲ្យកូវីត.១៩ នាំយកការចម្លងវិលត្រឡប់មករកកម្ពុជាវិញ ពិសេសគឺក្នុងសហគមន៍ ដែលកំពុងមានហានីភ័យខ្ពស់ ដោយសារតែការវិលត្រឡប់មកពីប្រទេសជិតខាងនៃប្រជាពលរដ្ឋកម្ពុជាដែរ។
ព័ត៌មានជាតិ ថ្មីៗ
ជាមួយគ្នានោះ បន្ទាប់ពីជួបសំណេះសំណាល នឹង ផ្សព្វផ្សាយការអប់រំពីបញ្ហាជម្ងឺកូវីដ.១៩ ក្រុមកាងារក៏បានចែកជូននូវអំណោយមួយចំនួនជាស្បៀងអាហារ មានអង្ក ទឹកត្រី ទឹកស៊ីអ៊ីវ ។ ក្នុងឱកាសនោះ ក្រុមការងារក៏បានបន្តចុះសួរសុខទុក្ខ បងប្អូនប្រជាពលរដ្ឋដែល រងគ្រោះរលំផ្ទះដោយសារខ្យល់កន្ត្រាក់ចំនួន២គ្រួសារ ក្នុងឃុំពាក់ស្នែង និងបានប្រគល់ជូននូវអំណោុមួយចំនួន ដោយក្នុងមួយគ្រួសារទទួលអង្ក៤០ គីឡូក្រាម ទឹកត្រី ទឹកស៊ីអ៊ីវ និងថវិកាចំនួន២០ម៉ឺនរៀលផងដែរ ៕
អត្ថបទ និង រូបភាព៖ ខេង ឧត្តម
