ផលិតផលសូត្រខ្មែរក្នុងខេត្តសៀមរាប នឹងទទួលបានទីផ្សារកាន់តែច្រើន តាមរយៈគម្រោងជំរុញទីផ្សារសម្រាប់កសិកម្មខ្នាតតូច

កាលពីថ្ងៃទី៣០ ខែឧសភា ឆ្នាំ២០២០ នៅស្រុកបន្ទាយស្រី ខេត្តសៀមរាប មានរៀបចំពិធីចុះហត្ថលេខា លើអនុស្សរណៈនៃការយោគយល់គ្នាស្តីពីការអភិវឌ្ឍ ខ្សែសង្វាក់តម្លៃផលិតផលកសិ-ពាណិជ្ជកម្មសូត្រខ្មែរ រវាង គម្រោងជំរុញទីផ្សារសម្រាប់កសិកម្មខ្នាតតូច ហៅកាត់ថា អេម( AIMS ) ជាមួយក្រុមហ៊ុន ហ្គោលដិន ស៊ីល ភីច ខូអិលធីឌី (Golden Silk PHEACH.Co.,Ltd ) ដើម្បីជំរុញសង្វាក់ផលិតកម្ម និងទីផ្សារសម្រាប់សូត្រខ្មែរនៅក្នុងខេត្តសៀមរាប ឲ្យកាន់តែមានភាពល្អប្រសើរ។

លោក នាក់ ណេរ៉ុន អភិបាលរងខេត្តសៀមរាប កត់សម្គាល់ថា៖ នៅក្នុងខេត្តសៀមរាប រួមមានក្រុងសៀមរាប ស្រុកពួក និងស្រុកបន្ទាយស្រីប៉ុណ្ណោះ ដែលមានប្រជាពលរដ្ឋប្រកបមុខរបរដាំមន ចិញ្ចឹមដង្កូវនាង ស្រាវសរសៃសូត្រ និង តម្បាញហូល ផាមួង ចរបាប់។ រយៈពេលប៉ុន្មានឆ្នាំមុននេះ ផលិតផលកសិ-ពាណិជ្ជកម្មសូត្រ នៅក្នុងខេត្តសៀមរាប មានការបាត់បង់ច្រើន ដោយសារតែកត្តាប្រឈមមួយចំនួន ដូចជាបញ្ហាទីផ្សារមិនស្ថិតស្ថេរ ការប្រកួតប្រជែងជាមួយផលិតផលសូត្រពីក្រៅប្រទេស និងការធ្វើចំណាកស្រុកស្វែងរកការងារថ្មី ដែលអាចមានចំណូលច្រើនជាងការធ្វើសូត្រជាដើម។

លោកអភិបាលរងខេត្ត បង្ហាញថា បច្ចុប្បន្ននេះ អាស្រ័យដោយការដាក់ចេញនូវយុទ្ធសាស្រ្តរបស់រាជរដ្ឋាភិបាល និងមានក្រសួងពាណិជ្ជកម្មជាសេនាធិការ វិស័យសូត្រខ្មែរត្រូវបានស្តារពង្រឹងឡើងវិញ និងកំពុងបោះជំហ៊ានឆ្ពោះទៅការអភិវឌ្ឍ សម្រាប់បំពេញតម្រូវការទីផ្សារជាបណ្តើរៗហើយ។

ព័ត៌មានជាតិ ថ្មីៗ

សម្ដេចពិជ័យសនា ទៀ បាញ់ អញ្ជើញជាអធិបតីក្នុងពិធីបិទសន្និបាត បូកសរុបលទ្ធផលការងារ ឆ្នាំ ២០២២ និងលើកទិសដៅ ឆ្នាំ ២០២៣ របស់រដ្ឋបាលខេត្តសៀមរាប

28/03/2023

សម្តេចពិជ័យសេនា ជំរុញឲ្យអាជ្ញាធរខេត្តសៀមរាបត្រូវទប់ស្កាត់ការទន្ទ្រានដីគម្របព្រៃ និងដីតំបន់ការពារធនធានធម្មជាតិ

28/03/2023

អញ្ជើញជាអធិបតី ក្នុងពិធីចុះអនុស្សរណៈនេះ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម មានប្រសាសន៍ថា៖ ដើម្បីធ្វើឲ្យវិស័យសូត្រខ្មែរមានភាពរស់រវើកឡើងវិញ រាជរដ្ឋាភិបាលកម្ពុជាបានរៀបចំយុទ្ធសាស្រ្តសូត្រជាតិ២០១៦-២០២០ ដើម្បីលើកកម្ពស់ និងអភិវឌ្ឍន៍វិស័យសូត្រខ្មែរ គម្រោងជំរុញទីផ្សារសម្រាប់កសិកម្មខ្នាតតូច ដែលហៅកាត់ថា អេម ( AIMS ) គឺជាចំណុចចាប់ផ្តើមដំបូងនៃភាពជាដៃគូរវាងវិស័យឯកជន និងសាធារណៈទៅលើអាជីវកម្មសូត្រខ្មែរ។ ការចុះហត្ថលេខាលើអនុស្សរណៈក្នុងភាពជាដៃគូនេះ នឹងមានការរៀបចំផ្គត់ផ្គង់សំបុកកូននាង ជំរុញការដាំដើមមនមានគុណភាព សម្របសម្រួលឲ្យមានវេទិកា ពហុភាគីពាក់ព័ន្ធជាមួយតួអង្គខ្សែសង្វាក់តម្លៃសូត្រ ដើម្បីដោះស្រាយបញ្ហានានាដែលធ្លាប់កើតមាន និងអាចកើតមាននាពេលខាងមុខ ដូចជាបច្ចេកទេស ប្រព័ន្ធស្រោចស្រព ឥណទាន និងការធ្វើពពិធកម្មទីផ្សារជាដើម។ តាមរយៈសកម្មភាពនេះដែរ គម្រោងក៏មានការរំពឹងទុកដែរថា កសិករនឹងទទួលបានប្រាក់ចំណេញបន្ថែម ពីការផលិតសូត្រឆៅខ្នាតតូចនេះ និងរចនាជាផលិតផលសូត្រសម្រេចផងដែរ។

លោកស្រីនាយិកាក្រុមហ៊ុន ហ្គោលដិន ស៊ីល ភីច ខូអិលធីឌី មានប្រសាសន៍ថា អស់រយៈពេលជាង១៨ឆ្នាំកន្លងមកហើយ ដែលក្រុមហ៊ុនបានតស៊ូ ជំនះរាល់ការលំបាកទាំងឡាយ ជាមួយបុគ្កលិក កម្មករ សហការរី និងអ្នកជំនាញខាងវិស័យសូត្រនេះ ដើម្បីឈរយ៉ាងរឹងមាំនៅលើទីតាំងដូចពេលបច្ចប្បន្ននេះ ហើយការចុះហត្ថលេខាលើអនុស្សរណៈនៃការយោគយល់គ្នានេះ គឺជាការមកដល់ នៃការពិតមួយ បង្ហាញពីជោគជ័យរបស់ក្រុមហ៊ុន បន្ទាប់ពីបានឆ្លងកាត់ក្តីស្រមៃ ដោយការខិតខំប្រឹងអស់រយៈពេល១៨ឆ្នាំកន្លងមកនោះ៕