កាលពីថ្ងៃទី០៤ ខែមិថុនា ឆ្នាំ២០២០ នៅទីស្នាក់ការសាខាកាកបាទក្រហមកម្ពុជា ខេត្តសៀមរាប លោក ស៊ុ សំអន នាយកសាខា តំណាងឯកឧត្តម ទៀ សីហា ប្រធានគណៈកម្មាធិការសាខា បានជួបសំណេះសំណាល និងទទួលថវិកាអបអរខួបលើកទី១៥៧ ទិវាពិភពលោកកាកបាទក្រហម អឌ្ឍចន្ទក្រហម ឆ្នាំ២០២០ ពីសប្បុរសជន មន្ត្រីរាជការ មន្ទីរសាធារណការ និងដឹកជញ្ជូន ខេត្តសៀមរាប មន្ត្រីរាជការសាខាធនាគារជាតិ នៃកម្ពុជា ខេត្តសៀមរាប និងមន្ត្រីរាជការអង្គភាពនគរបាលការពាបេតិកភណ្ឌប្រចាំតំបន់អង្គរ។
ក្នុងឱកាសនោះដែរលោក ស៊ុ សំអន នាយកសាខាកាកបាទក្រហមកម្ពុជា ខេត្តសៀមរាប បានថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏សប្បុរសធម៌របស់ សប្បុរសជន មន្ត្រីរាជការណ មន្ទីរសាធារណការ និងដឹកជញ្ជូន ខេត្តសៀមរាប មន្ត្រីរាជការសាខាធនាគារជាតិ នៃកម្ពុជា ខេត្តសៀមរាប និងមន្ត្រីរាជការអង្គភាពនគរបាលការពាបេតិកភណ្ឌប្រចាំតំបន់អង្គរ ដែលបានយកចិត្តទុកដាក់ចូលរួមចំណែកក្នុងសកម្មភាពមនុស្សធម៌ គឺសបញ្ជាក់ពីទឹកចិត្តដ៏ប្បុរសធម៌ចំពោះបងប្អូនប្រជាពលរដ្ឋ រងគ្រោះ និងងាយរងគ្រោះបំផុត។ ក្នុងកាយវិកាដ៏មនុស្សធម៌នេះ គឺជាការចូលរួមរបស់សប្បុរសជនជាមួយសកម្មភាពមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន។
ក្នុងនាម ថ្នាក់ដឹកនាំ នៃសាខាកាកបាទក្រហមកម្ពុជា ខេត្តសៀមរាប លោកបានថ្លែងអំណរគុណ និងប្រើថវិកមនុស្សធម៌នេះ ស្របតាមគោលការណ៍គ្រឹះទាំង៧ប្រការរបស់ចលនាអន្តរជាតិកាកបាទក្រហម អឌ្ឍចន្ទក្រហម។
ថវិកាដែលមានទទួលបានពីសប្បុរសជនរួមមាន៖
– មន្ទីរសាធារណការ និងដឹកជញ្ជូន ខេត្តសៀមរាប ថវិកាចំនួន ១០,៦៩៥,០០០រៀល។
– សាខាធនាគារជាតិ នៃកម្ពុជា ខេត្តសៀមរាប ថវិកាចំនួន ១,២០០,០០០រៀល។
– និងអង្គភាពនគរបាលការពារបេតិកភណ្ឌប្រចាំតំបន់អង្គរ ថវិកាចំនួន ៣៦០,០០០រៀល។
អត្ថបទ និងរូបភាព៖ សាខាកាកបាទក្រហមខេត្តសៀមរាប
