ឯកអគ្គរដ្ឋទូតសាធារណរដ្ឋប្រជាធិបតេយ្យទីម័រខាងកើត ប្រចាំកម្ពុជា ស្នើដល់រដ្ឋមន្ត្រីក្រសួងព័ត៌មានកម្ពុជា រឹតចំណងមិត្តភាព និងកិច្ចសហការលើវិស័យព័ត៌មាននៃប្រទេស ទាំងពីរ

នាទីស្តីការ ក្រសួងព័ត៌មាន ព្រឹកថ្ងៃទី២៦ ខែមិថុនា ឆ្នាំ២០២០នេះ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន បានអនុញ្ញាតឲ្យ ឯកឧត្តម អឺមីនី ហ្គីដូ គូប៉ា ឡូប៉េស (Ermenegildo Kupa Lopes) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋ ប្រជាធិបតេយ្យទីម័រខាងកើត ប្រចាំព្រះរាជាណាចក្រកម្ពុជា ចូលជួបសម្តែងការគួរសម និង ពិភាក្សាការងារ ដើម្បីធ្វើការរឹតចំណងមិត្តភាព និងកិច្ចសហការលើវិស័យព័ត៌មាននៃប្រទេស ទាំងពីរ កម្ពុជា និង ទីម័រខាងកើត កាន់តែមានភាពរឹងមាំ ល្អ បន្តទៅថ្ងៃអនាគត។

តាមការបញ្ជាក់របស់ ឯកឧត្តម សុខ ប្រសិទ្ធិ រដ្ឋលេខាធិការ ក្រសួងព័ត៌មាន បង្ហាញថា ឯកឧត្តមឯកអគ្គរដ្ឋទូត សម្ដែងនូវការ រីករាយ ដែលបានមកបំពេញបេសកកម្មការងារ ការទូតនៅព្រះរាជាណាចក្រកម្ពុជា ឯកឧត្តម ក៏បានកោតសរសើរចំពោះ ឯកឧត្តម ខៀវ កាញារីទ្ធ ដែលបានចូលរួមយ៉ាងសកម្ម ក្នុងកិច្ចការងារសង្គម បម្រើដល់ប្រជាជន និងរាជរដ្ឋាភិបាល តាំងពីដើមរហូតមកដល់ពេល បច្ចុប្បន្ននេះ។

ឯកឧត្តម ឯកអគ្គរដ្ឋទូត បានជម្រាបជូនថា ប្រទេសទីម័រខាងកើត ជាប្រទេសតូចមួយ ដែលទើបនិងកកើតឡើង ហើយធ្លាប់បានជួបការឈឺចាប់ដូចប្រទេសកម្ពុជា កាលពីពេលកន្លងមក គឺសង្គ្រាមស៊ីវិល ឥតឈប់ឈរ។ នៅក្នុងជំនួបនេះដែរ ឯកឧត្តមបានបង្ហាញពី ការចង់ពង្រឹង និងពង្រីកកិច្ចសហការ ជាមួយក្រសួង ព័ត៌មាន ក្រោមការគាំទ្រពី សម្តេចតេជោហ៊ុន សែន ប្រមុខរាជរដ្ឋាភិបាលកម្ពុជា ។ តាមរយៈនៃកិច្ចសហការគ្នានេះ ឯកឧត្តម ក៏បានស្នើដល់ ស្ថាប័នសារព័ត៌មាន នៃប្រទេសទាំងពីរ ធ្វើការផ្លាស់ប្តូរដំណើរទស្សនកិច្ចទៅវិញទៅមក ដើម្បីផ្សព្វផ្សាយឲ្យប្រជាជន ទីម័រ និង ប្រជាជនកម្ពុជា បានស្គាល់គ្នាកាន់តែច្បាស់ជាងមុន។

ព័ត៌មានជាតិ ថ្មីៗ

ប្រជាពលរដ្ឋជាង២ពាន់គ្រួសារ ក្នុងស្រុកសូទ្រនិគម បានទទួលវិញ្ញាបនបត្រសម្គាល់ម្ចាស់អចលនវត្ថុស្របច្បាប់ពីអាជ្ញាធរខេត្តសៀមរាប

06/12/2021

អាជ្ញាធរខេត្ត ប្រាប់ឱ្យអ្នកទន្ទ្រានយកដីព្រៃលិចទឹកនៅខេត្ដសៀមរាប ចូលខ្លួនសារភាព និងប្រគល់ដីជូនរដ្ឋវិញ !

05/12/2021

ទាក់ទងនឹងកិច្ចការងារនេះ ឯកឧត្តម រដ្ឋមន្រ្តី ខៀវ កាញារីទ្ធ បានសម្ដែងការរីករាយ និង ស្វាគមន៍ចំពោះកិច្ចសហការគ្នារវាងប្រទេសទាំងទាំងពីរ ពិសេសលើវិស័យសារព័ត៌មាន ដោយក្នុងនោះ ឯកឧត្តម នឹងចាត់បញ្ជូន ថ្នាក់ដឹកនាំ និងអ្នកយកព័ត៌មាន ពីស្ថាប័ន ទូរទស្សន៍ជាតិ កម្ពុជា វិទ្យុជាតិកម្ពុជា និងទីភ្នាក់ងារសារព័ត៌មានកម្ពុជា AKP ទៅធ្វើទស្សនកិច្ច និងថតយកនូវទិដ្ឋភាព ជីវភាពរស់នៅរបស់ប្រជាជានទីម័រខាងកើត យកមកធ្វើការផ្សព្វផ្សាយ ឲ្យ ប្រជាជនកម្ពុជា បានឃើញ យល់ និងស្គាល់គ្នាកាន់តែជិតស្និតថែមទៀត។ ឆ្លៀតក្នុង ឱកាស នោះដែរ ឯកឧត្តម រដ្ឋមន្រ្តី ខៀវ កាញារីទ្ធ បានស្វាគមន៍ និងជូនពរដល់ ឯកឧត្តម ឯកឧត្តម អឺមីនី ហ្គីដូ គូប៉ា ឡូប៉េស (Ermenegildo Kupa Lopes) ទទួលបានជោគជ័យ ក្នុងអាណត្តិបេសកកម្មការការងារទូត នៅ កម្ពុជា៕

អត្ថបទ និង រូបថត ៖ ក្រសួងព័ត៌មាន
កែសម្រួលអត្ថបទ ៖ លោក សេង ផល្លី