ក្រុមការងាររាជរដ្ឋាភិបាលចុះមូលដ្ឋានខេត្តសៀមរាប នៅព្រឹកថ្ងៃទី១៩ ខែកក្កដា ឆ្នាំ២០២០ បានបើកិច្ចប្រជុំបូកសរុបលទ្ធផលការងារឆមាសទី១ និងលើកទិសដៅអុវត្ដបន្ដឆមាសទី២ឆ្នាំ២០២០ នៅសាលប្រជុំសាលាខេត្តសៀមរាប។កិច្ចប្រជុំនេះ ធ្វើឡើងក្រោមអធិបតីភាពដ៏ខ្ពង់ខ្ពស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តសៀមរាប រួមនឹងវត្តមាន ឯកឧត្តម ទៀ សីហា អភិបាល នៃគណ:អភិបាលខេត្តសៀមរាប និងជាអនុប្រធានអចិន្ត្រៃយ៍ឯកឧត្តម អ៊ឹង ហឿន ប្រធានក្រុមប្រឹក្សាខេត្ត ឯកឧត្តម លោកជំទាវអនុប្រធានក្រុមការងារ ឯកឧត្តម លោកជំទាវ លោក លោកស្រី សមាជិក សមាជិកាក្រុមការងាររាជរដ្ឋាភិបាលថ្នាក់ជាតិ ថ្នាក់ខេត្ត ថ្នាក់ស្រុក និងអ្នកពាក់ព័ន្ធប្រមាណជាង ២០០នាក់បានចូលរួម។
អង្គប្រជុំបានស្តាប់របាយការណ៍លទ្ធផលការងារដែលសម្រេចបានរយ:ពេល៦ខែកន្លងមក និងបទអន្តរាគមន៍របស់ប្រធាន ឬតំណាងក្រុមការងារក្រុង ស្រុកទាំងអស់ ដែលពាក់ព័ន្ធនឹងបញ្ហានានាក្នុងពេលចុះបំពេញការងាររបស់មូលដ្ឋាន រួមមានកិច្ចការដោះស្រាយរួចរាល់កិច្ចការដោះស្រាយមិនទាន់សម្រេចបាន បញ្ហាប្រឈម និងសំណូមពរ ព្រមទាំងលើកទិសដៅការងារអនុវត្តបន្តសម្រាប់ឆមាសទី២ ។
ក្នុងពិធីបើកកិច្ចប្រជុំនោះសម្ដេចពិជ័យសេនា ទៀ បាញ់ បានបញ្ជាក់ អំពីគោលបំណង នៃកិច្ចប្រជុំជូនដល់សមាជិកសមាជិកាអង្គប្រជុំទាំងមូល ដោយបានផ្តោតទៅលើការងារសំខាន់ៗមួយចំនួន ក្នុងការកំណែទម្រង់ស៊ីជម្រៅ សម្រេចឲ្យបានគោលដៅជាយុទ្ធសាស្ត្រ ការអភិវឌ្ឍន៍សេដ្ឋកិច្ចសង្គម ប្រកបដោយចក្ខុវិស័យ សំខាន់ដើមី្បបន្តពង្រឹងនូវយន្តការនានារបស់រាជ រដ្ឋាភិបាលកម្ពុជា ឲ្យធានាបាននូវកំណើនការងារ សមធម៌ និង ប្រសិទ្ធភាពពិតប្រាកដនៅកម្ពុជា ។ ក្នុងនោះសម្តេចពិជ័យសេនា សូមឲ្យកិច្ចប្រជុំក្រុមការងាររាជរដ្ឋាភិបាលទាំងអស់ ត្រូវផ្តោតសំខាន់ ទៅលើបញ្ហាថ្មីៗដែលកើតមានឡើង ។ ករណីសំខាន់នោះ នៅពេលដែលយើងជួបនូវវិបត្តិជម្ងឺកូវិដ១៩ បានធ្វើឲ្យប៉ះពាល់យ៉ាងខ្លាំងដល់សេដ្ឋកិច្ចជាតិ ពិសេសលើវិស័យទេសចរណ៍នៅខេត្តសៀមរាប និង គ្រប់សេវាកម្មផ្សេងៗក្នុងខេត្តទៀតផង ។ សម្តេចក៏បានលើកនូវវិធានការថ្មីៗរបស់រាជរដ្ឋាភិបាលកម្ពុជា ដើមី្បទ្រទ្រង់ក្នុងពេលជួបនូវវិបត្តិជម្ងឺកូវិដ១៩ ព្រមទាំអធ្វើការចែករំលែក និង គិតគូរធ្វើអត្តសញ្ញាណកម្មគ្រួសារ (ក្រ១.ក្រ២) ជូនដល់ប្រជាពលរដ្ឋដែលរងផលប៉ះពាល់នៃជម្ងឺកូវិដ ១៩នេះផងដែរ ។
ឯកឧត្តម ទៀ សីហា អភិបាលខេត្តបានធ្វើសេចក្តីរាយការណ៍អំពីសមិទ្ធផលរបស់រដ្ឋបាលខេត្ត និង សកម្មភាពរបស់ក្រុមការងាររាជរដ្ឋាភិបាល ចុះមូលដ្ឋានខេត្តសៀមរាបប្រចាំឆមាសទី១ឆ្នាំ២០២០ ដោយបានបញ្ជាក់ថា ក្នុងឆមាសទី១ ឆ្នាំ២០២០ រដ្ឋបាលមូលដ្ឋានគ្រប់លំដាប់ថ្នាក់ រក្សានូវសន្តិសុខសណ្តាប់ធ្នាប់ ការងារសេដ្ឋកិច្ចសង្គម ដោះស្រាយបញ្ហានៅតាមវេទិ ការបានរលូននិងចំបញ្ហាទៀតផង ។ រដ្ឋបាលខេត្តបានគ្រប់គ្រងស្ថានភាពនៃជម្ងឺកូវិដ១៩ បានល្អតាមការណែនាំរបស់រាជរដ្ឋាភិបាល និង ក្រសួងសុខាភិបាល និង បន្តរឹតបន្តឹង ពិនិត្យតាមដានជាប្រចាំ ប្រជាពលរដ្ឋមកពីក្រៅប្រទេស និង យកចិត្តទុកដាក់ប្រកបដោយស្មារតីទទួលខុសត្រូវខ្ពស់ និង អនុវត្តបទបញ្ជា សេចក្តីណែនាំ និង ផែនការសកម្មភាពរបស់រាជរដ្ឋាភិបាល ដោយមានកិច្ចសហការជា ប្រចាំរវាងក្រុមការងាររាជរដ្ឋាភិបាលចុះមូលដ្ឋានក្រុង ស្រុក ជាមួយរដ្ឋបាលមូលដ្ឋាន និង សមត្ថកិច្ចពាក់ព័ន្ធ ក្នុងរៀបចំវេទិកាសាធារណៈ ព្រមទាំងដោះស្រាយបានទាន់ពេលវេលា នូវរាល់ទុក្ខកង្វល់របស់ប្រជាពលរដ្ឋ ស្របតាមគោលដៅ ផែនការដាក់ចេញក្នុងឆ្នាំ២០១៩កន្លងមក ។
ក្នុងនោះឯកឧត្តមអភិបាលខេត្តក៏បានលើកផងដែរ នៅថ្ងៃឈប់សម្រាក់សងពេលចូលឆ្នាំនោះ នឹងមានរៀបចំធ្វើនូវ កម្មវិធីនៅខេត្តសៀមរាប ទៅតាមបែបសាសនា និង កីឡា ដោយមានកិច្ចសហការជាមួយក្រសួងសុខាភិបាល និងក្រសួងទេសចរណ៍ដែលមានរយៈពេល២ថ្ងៃ ក្នុងគោលដៅទាក់ទាញដល់ភ្ញៀវទេសចរណ៍ជាតិ អន្តរជាតិ បានចូលមកទស្សនាកម្សាន្ត ៕
