កីឡានាំមកនូវសុខភាព កាយសម្បទាមាំមួន មិត្តភាព សាមគ្គីភាព និងទំនាក់ទំនងល្អ ហើយ វិស័យកីឡានាពេល បច្ចុប្បន្ននេះនៅក្នុងប្រទេស កម្ពុជា បាននឹងកំពុងមានការរីកចម្រើនទាំងបច្ចេកទេស ធនធានមនុស្សនៅតាមគ្រឹះស្ថានសិក្សា មូលដ្ឋានក្រុង ស្រុកទៀតផងដែរ ។ ដោយកក្តានេះហើយទើបបានជាកាលពីរសៀលថ្ងៃទី២៣ ខែកក្កដា ឆ្នាំ២០២០ នេះនៅក្នុងកីឡាដ្ឋានសៀមរាបយូណាយធីតខេត្តសៀមរាប ក្រុមកីឡាបាល់ទាត់គ្រុឌមាស វ័យចំណាស់អាយុ៣៥ឡើងរបស់កងរាជអាវុធហត្ថខេត្ត បានធ្វើប្រគួតជាលក្ខណៈមិត្តភាព ជាមួយ និងក្រុមវ័យចំណាស់មហាជនទូទៅគឺក្រុមបាល់ទាត់គ្រុឌរាជ ក្នុងគោលដៅបំផុសដល់គ្រប់ស្រទាប់មហាជន សំខាន់យុវជន ចូលរួមលេងកីឡា ដើមី្បសុខភាព ធ្វើឲ្យកាយសម្បទារឹងមាំ និងធ្វើឲ្យយុវជនយើងចាកចេញឆ្ងាយពីគ្រឿងញៀនទៀតផងដែរ ។ តាមប្រសាសន៍របស់លោក ប្រធានក្រុមកីឡាបាល់ទាត់ គ្រុឌមាស បានមានប្រសាសន៍ថា ការប្រគួតពេលនៅពេលនេះគឺជាការប្រគួតដើម្បីដកស្រង់នូវបទពិសោធន៍រវាងក្រុមមួយទៅក្រុមមួយ ក្នុងវិស័យកីឡាតែប៉ុណ្ណោះហើយចំពោះការប្រកួតនេះ គឺជាការចូលរួមចំណែកមួយក្នុងការធ្វើឲ្យវិស័យកីឡារបស់កម្ពុជា មានការរីកចំរើន និងឈានឆ្ពោះទៅមុខជាលំដាប់ ស្របពេលដែលសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានធ្វើកំណែទម្រង់យ៉ាងស៊ីជម្រៅ របស់ក្រសួងអប់រំ យុវជន និងកីឡា គឺកំណែទម្រង់ការងារអប់រំកាយ និងកីឡា ដើម្បីលើកកម្ពស់សុខភាព សមត្ថភាពជំនាញ បច្ចេកទេស អប់រំកាយ កីឡារបស់សិស្ស និស្សិត យុវជន និងមហាជនប្រកបដោយគុណភាព និងប្រសិទ្ធភាពខ្ពស់ និងឈានឆ្ពោះទៅកាន់ការប្រកួតជាលក្ខណៈជាតិ និងអន្តរជាតិ ដូច្នេះយើងគ្រប់គ្នាត្រូវចូលរួមលើកស្ទួយនូវ វិស័យកីឡានៅកម្ពុជា ត្រូវជៀសឲ្យឆ្ងាយពីគ្រឿងញៀន ដែលគ្រឿងញៀន នាំមកសេចក្តីវិនាសដល់អនាគតខ្លួន សហគម និង សង្គមជាតិ ។ នៅក្នុងការប្រគួតមិត្តភាពនោះដែរ ជាលក្ខណ:បច្ចេកទេសគឺក្រុមគ្រុឌមាសរបស់កងរាជអាវុធហត្ថខេត្តសៀមរាប បានទទួលជ័យជំនះលើក្រុមគ្រុឌរាជរបស់មហាជនទូទៅក្នុង លទ្ធផល៦ ទល់៣ ៕
អត្ថបទ និងរូបភាព: លោកទ្រា ពន្លឺ
កែសម្រួលដោយ៖ លីវ សុខុន ។
