នាយកប្រតិបត្តិក្រុមហ៊ុន Google លោក Sundar Pichai បានសរសេរអ៊ីមែលទៅនិយោជិក Google កាលពីថ្ងៃច័ន្ទថាក្រុមហ៊ុនបានអនុញ្ញាតឲ្យក្រុមការងារស្ម័គ្រចិត្តជាសកលរបស់ខ្លួនឲ្យជម្រើសធ្វើការងារតាមផ្ទះ សម្រាប់តួនាទីដែលមិនចាំបាច់នៅក្នុងការិយាល័យ រហូតដល់ចុងខែមិថុនា ឆ្នាំ២០២១ ។
លោក Sundar Pichai បានលើកឡើងថា ការធ្វើបែបនេះនឹងផ្តល់នូវភាពបត់បែនដែលអ្នកត្រូវការដើម្បីរក្សាតុល្យភាពការងារជាមួយនឹងការថែរក្សាខ្លួនអ្នក និងមនុស្សជាទីស្រលាញ់របស់អ្នក។
យោងតាមការឲ្យដឹងរបស់ក្រុមហ៊ុនហ្គូហ្គោល( Google )ដែលមានបុគ្គលិកធ្វើការពេញម៉ោងចំនួន ១២៣.០០០ នាក់ និងបុគ្គលិកបណ្តោះអាសន្ន ១២២.០០០ នាក់ នៅក្នុងក្រុមហ៊ុន។
ហ្គូហ្គោលមិនបានបញ្ជាក់លម្អិតពីមូលហេតុដែលបណ្តាលឱ្យមានការពន្យារពេលដល់ឆ្នាំ ២០២១ នោះទេប៉ុន្តែការរីករាលដាលនៃវីរុសកូវីត-១៩ ឆ្លងនៅសហរដ្ឋអាមេរិកមានសភាពធ្ងន់ធ្ងរដោយប្រទេសនេះមានចំនួនច្រើនជាង ៤ លានករណីដែលត្រូវបានបញ្ជាក់កាលពីសប្តាហ៍មុន។
ប្រភពពី៖ youtube Arirang News
កែសម្រួល៖ ហាំ ម៉េងហួត
