កាលពីថ្ងៃទី២៧ ខែកក្កដា ឆ្នាំ២០២០ ២០២០ លោក ប្រធានមន្ទីរទេសចរណ៍ខេត្តបានដឹកនាំក្រុមការងារអធិការកិច្ចនៃមន្ទីរទេសចរណ៍ខេត្ត សហការជាមួយតំណាង រដ្ឋបាលក្រុងសៀមរាប និងអធិការដ្ឋានក្រុងសៀមរាប បានបន្តចុះផ្អាកសកម្មភាពទីតាំងមណ្ឌលកម្សាន្តទេសចរណ៍មនុស្សពេញវ័យ បៀរហ្គាឌិន (មានបន្ទប់ខារ៉ាអូខេ) ៣កន្លែង ដែលមានទីតាំងនៅភូមិសាលាកន្សែង សង្កាត់ស្វាយដង្គំ ក្រុងសៀមរាប។
តាមការឲ្យដឹងពីមន្ត្រីជំនាញ បង្ហាញថា ក្នុងចំណោមទីតាំងមណ្ឌលកម្សាន្តទាំង៣នោះ ០២កន្លែង មិនមានច្បាប់អនុ
និងមួយកន្លែងទៀត ហួសសុពលភាព និងលួចបើកអាជីវកម្មល្មើស បទបញ្ជារបស់រាជរដ្ឋាភិបាល និងសេចក្តីណែនាំរបស់រដ្ឋបាលខេត្តសៀមរាប ក្នុងដំណាក់កាល នៃការបង្ការ និងទប់ស្កាត់ការរីករាលដាលនៃជំងឺកូវី១៩។
ជាមួយនឹងការផ្អាកអាជីវកម្មនោះ ក្រុមការងារចម្រុះបានធ្វើកំណត់ហេតុ និងណែនាំដល់ម្ចាស់អាជីវកម្ម ត្រូវដាក់ពាក្យស្នើសុំច្បាប់នៅច្រកចេញចូលតែមួយ របស់រដ្ឋបាលខេត្ត និងអនុវត្តតាមវិធានសុវត្ថិភាពរបស់ក្រសួងសុខាភិបាល និងក្រសួងទេសចរណ៍ ដើម្បីប្ដូរពីមណ្ឌលកម្សាន្តរបស់មនុស្សពេញវ័យ ទៅជាភោជនីយដ្ឋានឲ្យបានត្រឹមត្រូវ ទើបអាចបើកដំណើរការអាជីវកម្មបានវិញ។
ក្នុងនោះដែរ រដ្ឋបាលខេត្ត ក៏បានជូនដំណឹងដល់ ម្ចាស់អាជីវកម្មបៀរហ្គាឌិន ក្នុងខេត្តសៀមរាបទាំងអស់ ត្រូវដាក់ពាក្យស្នើសុំច្បាប់បើកអាជីវកម្មនៅច្រកចេញចូលតែមួយរបស់រដ្ឋបាលខេត្ត និងអនុវត្តន៍ឲ្យបានខ្ជាប់ខ្ជួនតាមវិធានសុវត្ថិភាពរបស់ក្រសួងសុខាភិបាល និងក្រសួងទេសចរណ៍ និងប្រែក្លាយពីមណ្ឌលកម្សាន្តទេសចរណ៍មនុស្សពេញវ័យ ទៅជាភោជនីយដ្ឋាន៕
អត្ថបទ និង រូបថត ៖ លោក ម៉ី សុខារិទ្ធ
កែសម្រួលអត្ថបទ ៖ លោក សេង ផល្លី
