នៅព្រឹកថ្ងៃទី០៧ ខែកញ្ញា ឆ្នាំ២០២០នេះ ឯកឧត្ដម ផៃ សុខខេង នាយករងខុទ្ធកាល័យសម្ដេចពិជ័យសេនា ទៀ បាញ់ និងជាអនុប្រធានក្រុមការងារចុះជួយឃុំពាក់ស្នែង ស្រុកអង្គរធំ ខេត្ដសៀមរាប រួមនិងក្រុមការងារ បាននាំយកអំណោយសប្បុរសធម៌ ចែកជូនប្រជាពលរដ្ឋក្រីក្ររស់នៅក្នុងភូមិទាំង៨ នៃសង្កាត់គោកចក ក្រុងសៀមរាប ដើម្បីសម្រាលទុក្ខលំបាក អំឡុងវិបត្តិជំងឺកូវីដ១៩។
មានប្រសាសន៍ក្នុងឱកាស ឯកឧត្ដម ផៃ សុខខេង លើកឡើងថា ជំនួយនាំយកមមកចែកជូន នៅក្នុងមូលដ្ឋានសង្កាត់គោកចកនាពេលនេះ បានបង្ហាញពីការចូលរួម របស់សប្បុរស ជាមួយរាជរដ្ឋាភិបាល ខណៈវិបត្តិជំងឺកូវីដ១៩ នៅតែបន្តអូសបន្លាយ និងបង្កផលប៉ះពាល់ដល់ការប្រកបរបររកទទួលទាន របស់ប្រជាពលរដ្ឋ។
រៀបចំពិធីកាន់បិណ្ឌវេនទី៥ នៅវត្តសប្បុរិសារាម ហៅវត្តខ្នាចត្រាច ស្ថិតក្នុងឃុំពាក់ស្នែង ស្រុកអង្គរធំ ព្រមទាំងនាំយកអំណោយជាគ្រឿងឧបភោគបរិភោគ និងថវិកាមួយចំនួន ជូនដល់ប្រជាពលរដ្ឋក្រីក្រក្នុងមូលដ្ឋានផងដែរ។ ក្នុងគ្រាដែលប្រជាពលរដ្ឋ កំពុងជួបការខ្វះខាតនេះ រាជរដ្ឋាភិបាល ដឹកនាំដោយសម្ដេចតេជោ ហ៊ុន សែន បាននឹងកំពុងខិតជួយលើកស្ទួយជីវភាពតាមរយៈការឧបត្ថម្ភជាថវិកា គ្រឿងឧបភោគបរិភោគ និងបានគៀងគរអង្គការ ស្ថាប័នពាក់ព័ន្ធនានា ចូលរួមជួយដោយមិនទុកឲ្យ ប្រជាពលរដ្ឋដាច់ពោះស្លាប់នោះទេ ។
តាមការបញ្ជាក់ របស់សប្បុរសជនមួយរូប លោក ស្វាយ វង់ រស់នៅក្រុងសៀមរាប បង្ហាញថា អំណោយសប្បុរសធម៌នាពេលនេះ លោកបានបង្កើតជាកម្មវិធីបុណ្យសាមគ្គី ដើម្បីមនុស្សធម៌ ដែលមានសប្បុរសជនជាច្រើន រស់នៅសង្កាត់គោកគចក្រុងសៀមរាប ចូលរួមឧបត្ថម្ភ ដើម្បីចែករំលែកការលំបាករបស់ប្រជាពលរដ្ឋក្រីក្រក្នុងមូលដ្ឋាននេះផ្ទាល់។
ក្នុងថ្ងៃដដែលនោះ ឯកឧត្ដម ផៃ សុខខេង និងក្រុមការងារ ក៏បានអញ្ជើញកាន់បិណ្ឌវេនទី៥ នៅវត្តសប្បុរិសារាម ហៅវត្តខ្នាចត្រាច ស្ថិតក្នុងឃុំពាក់ស្នែង ស្រុកអង្គរធំ បុណ្យកាន់បិណ្ឌ និងភ្ជុំបិណ្ឌ ដើម្បីឧទ្ទិសកុសលផលបុណ្យ ជូនដល់ដួងវិញ្ញាណក្ខន្ធអ្នកមានគុណ ដែលបានចែកឋានទៅកាន់បរលោកខាងមុខ ព្រមទាំងឧទ្ទិសដល់វីរជនពលីជីវិត ក្នុងបុព្វហេតុការពារកសាង អភិវឌ្ឍន៍ជាតិមាតុភូមិកម្ពុជា មួយវិញទៀត ដើម្បីចូលរួមលើកស្ទួយវប្បធម៌ដូនតា និងព្រះពុទ្ធសាសនា ដែលជាសាសនារបស់រដ្ឋ។
អត្ថបទ និងរូបភាព: លោក បូ សាវី
កែសម្រួលដោយ: សេង ផល្លី
