មន្ទីរសង្គមកិច្ចខេត្ត និងអង្គការឡុតទុស វើល នាំយកអំណោយចែកជូនប្រជាពលរដ្ឋក្រ១ និងក្រ២ ៦០គ្រួសារ ក្នុងស្រុកសូទ្រនិគម

នៅព្រឹកថ្ងៃទី០៨ ខែកញ្ញា ឆ្នាំ២០២០ មន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តសៀមរាប សហការជាមួយអាជ្ញាធរឃុំពពេល ស្រុកសូទ្រនិគម ខេត្តសៀមរាប នាំយកអំណោយជាគ្រឿងឧបភោគបរិភោគ ដែលជាការឧបត្ថម្ភរបស់ទីភ្នាក់ងារសហប្រតិបត្តការអន្តរជាតិកូរ៉េ ហៅកាត់ថា កយ កា(Koica) តាមរយៈអង្គការឡុតទុស វើល (Lotus World)ខេត្តសៀមរាប ជូនដល់ប្រជាពលរដ្ឋក្រីក្រ កម្រិត ក្រ១ និងក្រ២ ចំនួន៦០គ្រួសារ។

តាមរបាយការណ៍លោក សោម អោម មេឃុំពពេល បញ្ជាក់ថា ក្នុងឃុំរបស់លោក មានភូមិសរុបចំនួន១៣ ប្រជាពលរដ្ឋដែលទទួលបានអំណោយនៅថ្ងៃនេះ សុទ្ធសឹងជាប្រជាពលរដ្ឋមានជីវភាពខ្វះខាត ចាស់ជរា ជាពិសេសរងផលប៉ះពាល់ដោយសារវិបត្តិកូវីដ១៩ ប្រជាពលរដ្ឋទាំង៦០គ្រួសារនេះ រួមមាន ក្រកម្រិត១ មានចំនួន ៤៩គ្រួសារ និងក្រកម្រិត២ មានចំនួន ១១គ្រួសារ។

ព័ត៌មានជាតិ ថ្មីៗ

សាខាកាកបាទក្រហមកម្ពុជា ខេត្តសៀមរាប នាំយកអំណោយផ្ដល់ជូនក្រុមគ្រួសារយុទ្ធជនពលី នៅស្រុកប្រាសាទបាគង

30/11/2025

រដ្ឋបាលខេត្តសៀមរាប រៀបចំវេទិកាផ្សព្វផ្សាយ និងពិគ្រោះយោបល់នៅស្រុកស្រីស្នំ ដើម្បីស្វែងរកបញ្ហាប្រឈម និងដំណោះស្រាយជូនប្រជាពលរដ្ឋ

20/11/2025

លើកឡើងក្នុងឱកាសនោះ ព្រះភិក្ខុនី សាន់ មូន ប្រធានអង្គការ ឡុតទុស វើល (Lotus World) ខេត្តសៀមរាប បង្ហាញថា តាមរយៈជំនួយរបស់ កយ កា(Koica) នឹងធ្វើការឧបត្ថម្ភជូនប្រជាពលរដ្ឋក្រីក្រ ក្នុងខេត្តសៀមរាប អំឡុងវិបត្តិនៃជំងឺកូវីដ១៩នេះ សរុបចំនួន ៥០០គ្រួសារ រយៈពេល៥ខែ គឺចាប់ពីខែសីហា ដល់ ខែធ្នូ ឆ្នាំ២០២០ ដោយក្នុងមួយខែម្ដង មួយគ្រួសារទទួលបាន អង្គរ ៣២គ.ក និងគ្រឿងឧបភោគបរិភោគមួយកញ្ចប់។

ព្រះអង្គ បញ្ជាក់ថា ដោយសារតែ ម្ចាស់គម្រោងបានសម្រេចផ្ដល់ជំនួយ នៅចុងខែសីហា ទើបការនាំយកអំណោយមកនាពេលនេះមានការយឺតយ៉ាវ។ ទោះជាយ៉ាងណាក៏ដោយ អង្គការបានធ្វើការចែក ជូនប្រជាពលរដ្ឋក្រីក្រសម្រាប់លើកទី១ ចំនួន២ខែតែម្ដង គឺសម្រាប់ខែសីហា និងខែតុលា។ ជាក់ស្ដែង ប្រជាពលរដ្ឋ៦០គ្រួសារនៅពេលនេះ ទទួលបាន អង្ករ ៦៤គ.ក និងគ្រឿងឧបភោគបរិភោគចំនួន ២កញ្ចប់។ អំណោយនេះដែរ ក្រុមការងារអង្គការ នឹងសហការជាមួយអាជ្ញាធរមូលដ្ឋាន នឹងបន្តចែកជូនប្រជាពលរដ្ឋនៅតាមឃុំសង្កាត់គោលដៅ ជាដំណាក់កាលបន្ថែមទៀត ដើម្បីបញ្ចៀសការជួបជុំ ស្របតាមសេចក្ដីណែនាំរបស់ក្រសួងសុខាភិបាល និងអាជ្ញាធរខេត្ត។

ជាមួយនោះ លោក អោ ម៉ៅ មន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តសៀមរាប លើកឡើងថា ដោយមានការយកចិត្តទុកខ្ពស់ពីសំណាក់រាជរដ្ឋាភិបាល ជាពិសេស ការដឹកនាំដ៏ឈ្លាសវៃ របស់សម្តេចតេជោ ហ៊ុន សែន នាយករដ្ឋមន្ត្រី បានធ្វើឲ្យប្រទេសកម្ពុជា ការពារ និងទប់ស្កាត់បាន ពីការបាត់ជីវិតប្រជាពលរដ្ឋពីជំងឺកូវីដ១៩។ លោកក៏បាន បានថ្លែងអំណរគុណ ដល់ កយ កា(Koica) និងអង្គការឡុតទុស វើល (Lotus World) ដែលតែងតែ មានកិច្ចសហការល្អជាមួយ អង្គភាពរបស់លោក រួមអាជ្ញាធរមូលដ្ឋាន ក្នុងផ្ដល់ជូននូវអំណោយសប្បុរសធម៌ជូនដល់ប្រជាពលរដ្ឋមានជីវភាពខ្វះខាត នាពេលកន្លងមក រហូតដល់បច្ចុប្បន្ន។
((សំឡេង លោក អោ ម៉ៅ ))

ទន្ទឹមនោះ លោកប្រធាមន្ទីរ ក៏បានអំពាវនាវដល់ប្រជាពលរដ្ឋទាំងអស់ បន្តមានការប្រុងប្រយ័ត្ន ធ្វើអនាម័យដៃឲ្យបានទៀងទាត់ ដោយលាងដៃនឹងសាប៊ូ អាកុល ឬជែល និងរក្សាគម្លាតសុវត្ថិភាពយ៉ាងហោចណាស់ ១ម៉ែត្រកន្លះ នៅពេលមានការជួបជុំ ព្រមទាំងពាក់ម៉ាសផងដែរ ដើម្បីការពារខ្លួនពីជំងឺកូវីដ១៩។

រូបភាព និងអត្ថបទ៖ មន្ទីរព័ត៌មានខេត្តសៀមរាប