កិច្ចប្រជុំពិនិត្យវឌ្ឍនភាពការងាររបស់គណ:កម្មការសម្របសម្រួលដោះស្រាយវិវាទអ្នកសារព័ត៌មាន ជាមួយក្រុមមេធាវីស្ម័គ្រចិត្តសម្តេចតេជោសែន បានធ្វើឡើងនៅព្រឹកថ្ងៃទី០៨ ខែ កញ្ញា ឆ្នាំ២០២០ ក្រោមអធិបតីភាព ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន និង វត្តមាន ឯកឧត្តម គី តិច ប្រធានក្រុមមេធាវីរាជរដ្ឋាភិបាល និងជាប្រធានក្រុមមេធាវីស្ម័គ្រចិត្ត សម្តេចតេជោសែន។
គណៈកម្មការសម្របសម្រួលដោះស្រាយវិវាទអ្នកសារព័ត៌មាន មាន ឯកឧត្តម រដ្ឋមន្ត្រី ខៀវ កាញារីទ្ធ ជាប្រធាន និងមាន អនុ ប្រធានចំនួន ៤ រូប ក្នុងនោះមាន អនុប្រធានអចិន្ត្រៃយ៍ ១ រូប គឺ ឯកឧត្តម ជា កែវចិន្តា ទីប្រឹក្សា ក្រសួង និងជា ប្រធាននាយកដ្ឋាននីតិកម្ម ក្រសួង ព័ត៌មាន។ ជាមួយនេះក៏មាន សមាជិកចំនួន ១៨ រូប ក្នុងនោះដែរក៏មានសមាជិក មកពីស្ថាប័ន សារព័ត៌មាន ចំនួន ៤ រួមមាន ក្លឹបអ្នក កាសែតកម្ពុជា,សហភាពសហពន្ធ័អ្នកកាសែតកម្ពុជា, សមាគមអ្នកសារព័ត៌មានកម្ពុជា ដើម្បី សេរីភាព,និងសមាគមកម្ពុជាការពារអ្នកកាសែត។
ឯកឧត្តម ជា កែវចិន្តា បានធ្វើរបាយការណ៏ជម្រាបជូនពី លទ្ធផលនៃការទទួលពាក្យបណ្តឹង ចាប់ថ្ងៃទី០៥ ខែកុម្ភៈ ឆ្នាំ២០២០ រហូតដល់បច្ចុប្បន្ន មានបណ្ដឹងជាលាយលក្ខអក្សរឆ្លងតាមក្រសួង-ស្ថាប័ន ចំនួន៥ករណី ក្នុងនោះ ដោះស្រាយរួចរាល់ ចំនួន៤ករណី ។
បណ្ដឹងជាលាយលក្ខ អក្សរ ឆ្លងតាម អង្គភាព ចំនួន៣ករណី ដោះស្រាយបណ្ដឹងដោយអាជ្ញាធរមូលដ្ឋាន និង សមត្ថកិច្ច គ្រប់លំដាប់រួចរាល់ ចំនួន១ករណី ដោយឡែកបណ្ដឹងផ្ទាល់មាត់ ចំនួន ៦ ករណី បានដោះស្រាយរួចរាល់ទាំងអស់។ ជាចុងក្រោយនេះ កាលពីថ្ងៃទី០១ ខែកញ្ញា ឯកឧត្តម ហ៊ុយ វណ្ណ: ប្រធានសហភាពសហពន្ធ័អ្នកសារព័ត៌មានកម្ពុជា បានដាក់ពាក្យមកក្រសួងព័ត៌មាន ដើម្បីស្នើសុំ ឯកឧត្តមរដ្ឋមន្រ្តី ពិនិត្យលើរបាយការណ៏ស្តីពីស្ថានភាពអ្នកកាសែតមួយនៅ ខេត្តកំពង់ឆ្នាំង ។ ករណីនេះ នាយកដ្ឋាននិតិកម្មកម្ពុជាបានទទួល និងពិនិត្យ។
ឯកឧត្តម គី តិច មានប្រសាសន៏លើកឡើងថា ចាប់តាំងពីការគណ:កម្មការសម្រប សម្រួលដោះស្រាយ វិវាទអ្នកសារព័ត៌មានបានបង្កើតឡើង កាលពីខែកុម្ភៈ ឆ្នាំ២០២០ រហូតមកដល់ពេលនេះ ក្រុមមេធាវីស្ម័គ្រចិត្តសម្តេចតេជោសែន មិនទាន់ទទួល ការការពារចំពោះ អ្នកសារព័ត៌មាន ដែលមានកំហុសនៅឡើយ ប៉ុន្តែគ្រាន់តែមានចំណុចខ្លះ បានធ្វើការ ផ្លាស់ប្តូរយោបល់ គ្នាជាមួយក្រុមការងារក្រសួងព័តមាន ពាក់ព័ន្ធទៅនឹងអ្នកសារព័ត៌មាន ដែលមានបញ្ហា ដោយមិនគោរព តាមក្រមសីលធម៏វិជ្ជាជីវៈបានត្រឹមត្រូវ។
ឯកឧត្តមរដ្ឋមន្ត្រី ខៀវ កាញារីទ្ធ លើកឡើងថា តាមរយៈកិច្ចប្រជុំធ្វើឡើងរយៈពេល ៦ ខែម្តងនេះ នឹងពិនិត្យ
ពាក្យបណ្តឹង ទាក់ទងនឹងអ្នកសារព័ត៌មាន ហើយរាល់ពាក្យបណ្តឹងទាំងអស់នោះ ខាងនាយកដ្ឋាន នីតិកម្មក្រសួងព័ត៌មាន នឹងធ្វើការពិនិត្យជាមុន ប្រសិនបើពិនិត្យឃើញថា កាសែតកំហុសរបស់អ្នកសារព័ត៌មាន រញ៉េរ រញ៉ៃ គឺមិនដាក់ជូនក្រុមមេធាវីស្ម័គ្រចិត្តសម្តេចតេជោសែន ធ្វើការដោះស្រាយ នោះទេ។ ដូច្នេះរាល់សំណើ ដែលក្រសួងពិនិត្យឃើញថា មានភាពសមស្រប ដើម្បីអោយមាន ការជួយពីមេធាវី ទើបក្រសួងបញ្ជូនទៅពិនិត្យ និងជួយដោះស្រាយការពារ អ្នកសារព័ត៌មាន ដែលធ្វើកិច្ចការងារ ប្រកបដោយវិជ្ជាជីវ: ត្រឹមត្រូវ។
ទាក់ទងទៅនិងចំណុចសំខាន់ៗនៃកិច្ចប្រជុំគណៈកម្មាធិការសម្របសម្រួលដោះស្រាយ វិវាទរបស់អ្នកសារព័ត៌មាន នេះដែរ ឯកឧត្តម គី តិច ប្រធានក្រុមមេធាវីរាជរដ្ឋាភិបាល និង ជាប្រធានក្រុមមេធាវីស្ម័គ្រចិត្ត សម្តេចតេជោសែន និង ឯកឧត្តម មាស សុភ័ណ្ឌ អនុរដ្ឋលេខា ធិការ និងជាអ្នកនាំពាក្យ ក្រសួង ព័ត៌មាន បានធ្វើការបញ្ជាក់បន្ថែមជាបន្តបន្ទាប់ថា
((សំឡេង))។
