នៅថ្ងៃទី០៧ ខែតុលា ឆ្នាំ២០២០នេះ សមត្ថកិច្ចខេត្តសៀមរាបបានបញ្ជូនខ្លួនជនសង្ស័យម្នាក់ជាប់ពាក់ព័ន្ធករណីប្រើប្រាស់ដោយខុសច្បាប់នៅសារធាតុញៀនទៅកាន់តុលាការ។ ជនសង្ស័យខាងលើមានឈ្មោះ សៀវ សុមិត្រា ភេទ ប្រុស អាយុ៣០ឆ្នាំ មុខរបរបុគ្គលិកនាយកដ្ឋានសណ្ដាប់ធ្នាប់ និងសហប្រតិបត្តិការ នៃអាជ្ញាធរអប្សារា រស់នៅភូមិណ្ឌល៣ សង្កាត់ស្លក្រាម ក្រុង/សៀមរាប។
សមត្ថកិច្ចបានឲ្យដឹងថា ជនសង្ស័យខាងលើត្រូវបានឃាត់ខ្លួនបានកាលយប់ថ្ងៃទី០៦ ខែតុលា ឆ្នាំ២០២០ម្សិលមិញ ខណៈសមត្ថកិច្ចកំពុងធ្វើការត្រួតពិនិត្យអាវុធជាតិផ្ទុះនៅត្រង់ចំណុច កែងអាវុធហត្ថក្រុងសៀមរាបចាស់ ស្ថិតនៅភូមិត្រពាំងសេះ សង្កាត់គោកចក ក្រុង/ខេត្តសៀមរាប ដោយកម្លាំងសមត្ថកិច្ចកបានឆែកឆេរម៉ូតូជនសង្ស័យខាងលើឃើញមានសម្ភារៈសម្រាប់ប្រើប្រាស់គួរឲ្យសង្ស័យមួយចំនួន។ ភ្លាមនោះសមត្ថកិច្ចក៏បានឃាត់ជនសង្ស័យយកមកសួរនាំនៅប៉ុស្តិ៍នគរបាលគោកចក ហើយជនសង្ស័យបានសារភាពថា ខ្លួនបានប្រើប្រាស់គ្រឿងញឿនពិតប្រាកដមែន ហើយតាមលទ្ធផលតេស្តទឹកនោមមានសញ្ញាវិជ្ជមានដែរ។
សមត្ថកិច្ច បន្ថែមទៀតថា បើតាមប្រភពពី ពលរដ្ឋនៅសង្កាត់គោកចក បានឲ្យដឹងថា ជនសង្ស័យខាងលើនេះតែងតែអាងអំណាចរបស់ខ្លួន ដើរធ្វើបាបពលរដ្ឋដែលជួសជុលផ្ទះបន្តិចបន្តួចនៅតំបន់២ជាញឹកញាប់។ ក្នុងនោះពលរដ្ឋស្នើឲ្យសមត្ថកិច្ចចាត់ការជនកំហូចប្រភេទនេះទៅតាមផ្លូវច្បាប់កុំឲ្យមានការអន្តរាគមន៍ ៕
ព័ត៌មានជាតិ ថ្មីៗ
អត្ថបទ និង រូបភាព : គឿន វ៉េត
កែសម្រួល: អ៊ុន ណារាជ្យ
