តាមរបាយការណ៍របស់រដ្ឋបាលស្រុកពួក បានឲ្យដឹងថា គិតត្រឹមរសៀលថ្ងៃទី១៨ ខែតុលា ឆ្នាំ២០២០នេះ គ្រោះមហន្តរាយដែល កើតឡើងដោយសារជំនន់ទឹកភ្លៀង ដែលហូរធ្លាក់ពីភាកខាងលើ ឆ្លងកាត់ស្រុកវ៉ារិន និងស្រុកអង្គរជុំ មកដល់ស្រុកពួក បានបង្កឱ្យមានការប៉ះពាល់ ដល់ផ្លូវថ្នល់ និងផ្ទះរបស់ប្រជាពលរដ្ឋនៅឃុំចំនួន០៧ រួមមាន ៖
១.ឃុំក្ដីរុន ៖ លិចផ្លូវក្រួសក្រហមនៅភូមិចំនួន៤ ចំនួន ៦កន្លែង មានប្រវែង១.១៦០ម៉ែត្រ , លិចទីធ្លាសាលាបឋមសិក្សាបង្កោង និង លិចក្រោមផ្ទះប្រជាពលរដ្ឋ ចំនួន១១៧ខ្នង , ២. យាង ៖ លិចទីធ្លាអនុវិទ្យាល័យ ទៀ បាញ់ យាង កើនកម្ពស់ ០,៣០ម៉ែត្រ , លិចផ្លូវក្រួសក្រហមនៅភូមិសួនសារ ចំនួន០៣កន្លែង ប្រវែង ៤០ម៉ែត្រ និង លិចក្រោមផ្ទះប្រជាពលរដ្ឋ ចំនួន ១៣៥ខ្នង , ៣. ឃុំព្រៃជ្រូក ៖ លិចផ្លូវក្រួសក្រហមនៅភូមិចំនួន៤ ប្រវែង ២.០៩៥ ម៉ែត្រ , ៤/.ឃុំត្រីញ័រ ៖ លិចផ្លូវក្នុងភូមិសាស្រ្តឃុំទាំងស្រុង , លិចក្រោមផ្ទះប្រជាពលរដ្ឋក្នុងឃុំ ស្មើនឹង៩០ភាគរយ រួមទាំងប៉ះពាល់ផលដំណាំជាច្រើន , ៥. ឃុំរើល ៖ លិចទីធ្លាសាលាបឋមសិក្សាគោកក្នាំង , សាលាបឋមសិក្សាទំរឹង , លិចទីធ្លាវត្តរើល
និង លិចទីធ្លា សាលាឃុំរើល , ៦. ឃុំល្វា ៖ លិចទីធ្លាសាលាបឋមសិក្សាល្វា , ប៉ះពាល់ស្រូវ ចំនួន ៣០ហិតា , លិចផ្លូវក្រួសក្រហមក្នុងភូមិល្វា ចំនួន ០២កន្លែង ប្រវែង ១.០៦១៥ម៉ែត្រ និង លិចក្រោមផ្ទះប្រជាពលរដ្ឋនៅភូមិចំនួន២ ចំនួន ២០ ខ្នង និង ៧. ឃុំសសស្តម្ភ ៖ មិនទាន់មានតួលេខបញ្ជាក់ ប៉ុន្តែភូមិមួយចំនួន ទឹកទើបតែចាប់ផ្តើមហូរចូលតាមមុខផ្ទះ និងក្រោមផ្ទះបងប្អូនប្រជាពលរដ្ឋបណ្តើរ ។
នៅពេលនេះ គណៈកម្មាធិការស្រុក បានចុះពិនិត្យតាមបណ្ដាទ្វារទឹក ប្រឡាយសំខាន់ៗ និងលូធំ តូច ដើម្បីបើកមុខទឹក ដកព្រួលឫស្សី ឬស្បៃ ដែលរាំងស្ទះទឹក កាយសំរាមតាមមុខលូ ប្រឡាយ ដើម្បីឱ្យទឹកហូរបានលឿន និងស្រកលឿន ព្រមទាំងបានណែនាំដល់ប្រជាពលរដ្ឋ ឱ្យមានការប្រុងប្រយ័ត្នខ្ពស់លើការការពារសុខភាព និងជាពិសេសគឺកូនៗតូចរបស់ពួកគាត់ ចៀសវាងមានហានីភ័យណាមួយកើតមានឡើង ៕
#មន្ទីរព័ត៌មានខេត្តសៀមរាប
