ក្រសួងពាណិជ្ជកម្ម រៀបចំសិក្ខាសាលាស្តីពីការផ្សព្វផ្សាយ និងការបញ្ជូនផលិតផលសក្តានុពលកម្ពុជា សម្រាប់ទីផ្សារក្នុង និងក្រៅប្រទេស
នៅព្រឹកថ្ងៃទី០៥ ខែវិច្ឆិកា ឆ្នាំ២០២០ នាយកដ្ឋានអភិវឌ្ឍន៍ទីផ្សារ អគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម សហកជាមួយមន្ទីរពាណិជ្ជកម្មខេត្តសៀមរាប បានរៀបចំសិក្ខាសាលាស្តីពី ការផ្សព្វផ្សាយ និងការបញ្ជូនផលិតផលសក្តានុពលកម្ពុជា សម្រាប់ទីផ្សារក្នុង និងក្រៅប្រទេស។ ពិធីនេះប្រព្រឹត្តិទៅក្រោមអធិបតីភាព លោក នាក់ ណេរ៉ុន អភិបាលរងនៃគណៈអភិបាលខេត្តសៀមរាប និងលោក អ៊ូច សាវិន ប្រធានយកដ្ឋានអភិវឌ្ឍន៍ទីផ្សារ អគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម ដោយមានចូលរួមពីវាគ្មិន មកពីតំណាងក្រសួងពាណិជ្ជកម្ម តំណាងសភាពាណិជ្ជកម្មកម្ពុជា តំណាងក្រុមហ៊ុន កូកា-កូឡា និងសមាសគមត្រសក់ផ្អែមសៀមរាបមានជ័យ ព្រមទាំងមានការចូលរួមពី វិស័យឯកជន ផលិតក អាជីវករ ពាណិជ្ជករ សហគ្រាសធុនតូចចំនួន ៧៨ នាក់។
បើតាមលោក អ៊ូច សារិន បានឲ្យដឹងថា អង្គសិក្ខាសាលានាពេលនេះ គឺក្នុងគោលបំណងធ្វើការផ្សព្វផ្សាយ និងការបញ្ជូនផលិតផលសក្តានុពលកម្ពុជាសម្រាប់ទីផ្សារក្នុង និងក្រៅប្រទេស។ សិក្ខាលានេះផងដែរ ជាឱកាសដ៍មានសារៈសំខាន់ក្នុងការជំរុញ និងបង្កើនការផលិត ការច្នៃប្រឌិត បង្កើតឱកាសការងារ បង្កើនប្រាក់ចំណូល ជូនដល់បងប្អូនកសិករ ផលិតករ អាជីវករ ពាណិជ្ជករ សមាគម សហគ្រិន ក្នុងមូលដ្ឋានតាមបណ្តាភូមិ-ឃុំ-ស្រុកនៃខេត្តសៀមរាបទាំងមូល។ លើសពីនេះ ជួយទប់ស្កាត់ការធ្វើចំណាកស្រុកខុសច្បាប់ និងរួមចំណែកការកាត់បន្ថយភាពក្រីក្រ ជំរុញសកម្មភាពពាណិជ្ជកម្មសំដៅធ្វើការនំាចេញនៅនឹងកន្លែង និងការនំាចេញទៅកាន់ទីផ្សារក្រៅប្រទេស បន្ទាប់ពីការរាតត្បាតនៃជំងឺកូវីត-១៩ នៅកម្ពុជា ក៍ដូចជានៅលើពិភពលោក បានជាសះស្បើយ នាពេលខាងមុខ។
………….លោក អ៊ូច សារិន ០១………
មានប្រសសន៍ក្នុងឱកាសនោះដែរលោក នាក់ ណេរ៉ុន ភិបាលរងខេត្ដសៀមរាប បានសង្កត់ធ្ងន់ថា សាលានេះ គឺបានផ្តល់ចំណេះដឹងខ្ពស់ទាក់ទងនឹងការពង្រឹងអាជីវកម្ម ការអភិវឌ្ឍន៍ចង្វាក់ផលិតកម្មរបស់សគ្រាសធុនតូប និងមធ្យម នៅក្នុងខេត្ត ផ្តល់ចំណេះដឹង គំនិតថ្មីៗ និងបទពិសោធន៍ជូនផលិតក អាជីវករ ពាណិជ្ជករ សហគ្រាសធុនតូច ដើម្បីស្វែងរកឱកាសពង្រីកអាជីវកម្មរបស់ខ្លួន ផ្តល់ជូននូវគំនិតថ្មីៗជូនផលិតក អាជីវករ ពាណិជ្ជករ សហគ្រាសធុនតូច ដើម្បីកែលម្អរផលិតកម្ម និងអាជីវកម្មដែលកំពុងរងផលប៉ះពាល់ក្នុងស្ថានភាពជំងឺកូវីត-១៩ ក្នុងពេលបច្ចុប្បន្ន ដើម្បីជំរុញការនាំចេញនៅនឹងកន្លែង និងទីផ្សារក្រៅប្រទេស។ លោកបានលើកទឹកចិត្ដនិងអំពាវនាវអោយពួកគាត់ អោយអាជីវករ ពាណិជករ ធ្វើផលិផលរបស់ពួកគាត់មានគុណភាពនិងអនាម័យល្អ ព្រមទាំងមិនត្រូវប្រើប្រាស់ថ្នាំដែលធ្វើអោយប៉ះពាល់ដល់សុខភាពមនុស្សផងដែរ៕
អត្ថបទ និង រូបភាព៖ ឈិត សាវី
