នៅរសៀលថ្ងៃទី០៧ វិច្ឆិកា ឆ្នាំ២០២០ ឯកឧត្តម ហុង សុខជា តំណាង ឯកឧត្តម ជា ចន្ទ័បរិបូរណ៍ រដ្ឋលេខាធិការ ក្រសួងព័ត៌មាន និងសហការី បាននាំយកថវិកាឧបត្ថម្ភលើកទី១១ ចំនួន ៤៤មុឺនរៀល ប្រគល់ជូនគ្រួសារ ស្រ្តីមេម៉ាយ ផ្ទុកមេរោគអេដស៍ និងពិការភ្នែក រស់នៅក្នុងសង្កាត់នគរធំ ក្រុងសៀមរាប។
ឯកឧត្តម ហុង សុខជា បានឲ្យដឹង ថាថវិកានេះ ជាមូលនិធិផ្ដួចផ្ដើមដោយ ឯកឧត្តម ជា ចន្ទ័បរិបូរណ៍ ថវិកានេះដែរ បានប្រគល់ជូនជារៀងរាល់ខែចាប់ពីខែមករាឆ្នាំ២០២០មកម្ល៉េះ ហើយនឹងត្រូវបញ្ចប់នៅខែធ្នូ ឆ្នាំ២០២០ខាងមុខ។ តែទោះជាមូនិធិនេះ មានកំណត់ យ៉ាងណាក៏ដោយ ក៏ឯកឧត្តម ជា ចន្ទ័បរិបូរណ៍ នឹងស្វែងរកសប្បុរសជន ជួយដល់គ្រួសារស្ត្រីទីទ័លក្ររូបនេះបន្ថែមទៀត។
គួរបញ្ជាក់ថា អ្នកស្រី ស.ណ គឺជាស្រ្តីមេម៉ាយ ផ្ទុកមេរោគអេសដ៍ និងពិការភ្នែក ដែលមានម្តាយចាស់ជរា សព្វថ្ងៃ ដោយសារ មូនិធិខាងលើ ទើបអ្នកស្រីមានលទ្ធភាព ជួលផ្ទះគេរស់នៅដែលមានទីតាំងនៅសង្កាត់នគរធំ ក្រុងសៀមរាប ខេត្តសៀមរាប។
