នៅព្រឹកថ្ងៃទី០៦ ខែធ្នូ ឆ្នាំ២០២០ មជ្ឈមណ្ឌលអភិវឌ្ឍន៍យោធិនពិការ សម្តេចតេជោហ៊ុនសែនគូលែន៣១៧សៀមរាប មានការប្រគល់ជូននិងទទួល ម៉ាសចំនួន១ម៉ឺនម៉ាស និងអាល់កុល ចំនួន៦០លីត្រ ពីលោក សឹង្ហ ក្រុមសមាគមការងារចលនាយុវជនកម្ពុជា(ក្រុម១៥៧) ខេត្តសៀមរាប តំណាងលោក ម៉ឹង ពន្លក ប្រធានសមាគម។
ឯកឧត្តមឧត្តមសេនីយ៍ឯក ពៅ ស៊ា នាយកមជ្ឈមណ្ឌលអភិវឌ្ឍន៍យោធិនពិការ សម្តេចតេជោហ៊ុនសែនគូលែន៣១៧សៀមរាប បានថ្លែងអំណរគុណ ចំពោះ សមាគមការងារចលនាយុវជនកម្ពុជា(ក្រុម១៥៧) សម្ភារៈការពារជំងឺឆ្លង ជាពិសេសទប់ស្កាត់ការរីករាលដាលជំងឺកូវីដ-១៩ ដល់មជ្ឈមណ្ឌលនាពេលនេះ។ ឯកឧត្តម បង្ហាញថានេះជាសកម្មភាពសប្បុរស របស់ក្រុមចលនាយុវជនកម្ពុជា(ក្រុម១៥៧) នាពេលកន្លងមករហូតមកដល់បច្ចុប្បន្ន គឺជាការសាបព្រោះគម្រូល្អដល់ប្រជាពលរដ្ឋ ក៏ដូចជាយុវជនក្នុងសង្គមកម្ពុជា។
គួរជម្រាបថា ចលនាយុវជនកម្ពុជា (ក្រុម១៥៧) ត្រូវបានបង្កើតឡើង ក្នុងគោលបំណង ដើម្បីចុះជួយប្រជាពលរដ្ឋក្រីក្រ នៅតាមសហគមន៍ និងចូលរួមជាមួយរាជរដ្ឋាភិបាលកម្ពុជា ជួយដល់ជនរងគ្រោះ និងងាយរងគ្រោះ តាមបណ្តាខេត្តរាជធានីនានា ទៅតាមលទ្ធភាពជាក់ស្តែង។
ព័ត៌មានជាតិ ថ្មីៗ
អត្ថបទ និងរូបភាព៖ លោក ខេង ឧត្តម
កែសម្រួលអត្ថបទ ៖ លោក សេង ផល្លី
