ក្នុងឆ្នាំ២០១៧ ប្រជាពលរដ្ឋកម្ពុជាបានកើតជំងឺគ្រុនចាញ់ សរុបចំនួន៤៥,៩៩១ករណី និងស្លាប់ម្នាក់ ចំនួនេះបានកើនឡើង៩៥% បើធៀបនឹងឆ្នាំ២០១៦ នៅត្រឹមតែ ២៣,៦២៧ករណីឈឺ និងស្លាប់ម្នាក់ដូចគ្នា នេះបើតាមប្រសាសន៍ ប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ ក្នុងសន្និបាតបូកសរុបលទ្ធផលការងារឆ្នាំ២០១៧ និងទិសដៅ ឆ្នាំ២០១៨ ទូទាំងប្រទេស។
ដើម្បីចូលរួមទប់ស្កាត់ និងកាត់បន្ថយការកើនឡើង នៃអ្នកជំងឺគ្រុនចាញ់នេះ ក្រុមការងារពិសេសថ្នាក់ខេត្តសៀមរាប សម្រាប់លុបបំបាត់ជម្ងឺគ្រុនចាញ់ បានបើកកិច្ចនៅថ្ងៃទី២៨ ខែធ្នូ ឆ្នាំ២០១៨ ក្នុងគោលបំណងសំខាន់ៗចំនួន៤៖
ធ្វើបច្ចុប្បន្នភាពពីស្ថានភាពជំងឺគ្រុនចាញ់ សមិទ្ធិផល បញ្ហាប្រឈម និងទិសដៅលើការអនុវត្តន៍ទៅរកការលុបបំបាត់ជំងឺគ្រុនចាញ់ក្នុងខេត្តសៀមរាប ,ពង្រឹងតួនាទី ក្រុមការងារពិសេសលុបបំបាត់គ្រុនចាញ់ថ្នាក់ខេត្ត និងអន្ដរាគមន៍ក្នុងការឆ្លើយតប និងជំងឺគ្រុនចាញ់។ធ្វើការពិភាក្សាលើបញ្ហាដែលបានលើកឡើងក្នុងពេលធ្វើបទបង្ហាញ និងការបង្កើតក្រុមការងារពិសេសលុបបំបាត់ជំងឺគ្រុនចាញ់ក្រុង ស្រុក ។ផ្ដល់ជាមតិចូលរួម និងទិសដៅជំហានបន្ទាប់ដើម្បីសំរេចគោលដៅលុបបំបាត់ជំងឺគ្រុនចាញ់។
ព័ត៌មានជាតិ ថ្មីៗ
ឯកឧត្ដមអភិបាលរងខេត្ត បានលើកឡើងថា ៖ បើទោះបីជា អត្រាជំងឺគ្រុនចាញ់ក្នុងខេត្តសៀមរាបមានការថយចុះក្តី លោកនឹងនៅតែជម្រុញឲ្យមន្ទីរសុខាភិបាលខេត្ត អ្នកពាក់ព័ន្ធ ពិសេសអាជ្ញាធរមូលដ្ឋាន ត្រូវធ្វើការតាមដានបន្ថែមទៀតលើការងារទាំងអស់នេះ ត្រូវចូលរួមផ្សព្វផ្សាយពីគ្រោះថ្នាក់នៃជំងឺគ្រុនចាញ់ ជម្រុញឲ្យប្រជាពលរដ្ឋ ដែលរស់នៅក្នុងតំបន់សង្ស័យថាមានជំងឺគ្រុនចាញ់ ឲ្យគាត់មកធ្វើការពិនិត្យឈាម បើក្នុងករណីសង្ស័យថាខ្លួនឯងមានជំងឺ ដើម្បីយើងព្យាបាលទាន់ពេលវេលា។ លើសពីនេះ ត្រូវសម្រាក តែនៅក្នុងមុងជ្រលក់ថ្នាំ អោយបានគ្រប់ពេលវេលា នៅពេលចូលក្នុងព្រៃ ឬតំបន់ដែរសង្ស័ថាមានជំងឺគ្រុនចាញ់ ៕
អត្ថបទ និង រូបថត : លោក អ៊ិន សីហរិទ្ធ
កែសម្រួលអត្ថបទ : លោក សេង ផល្លី
