ថ្លែងក្នុងឱកាសបើកសន្និបាតបូកសរុបលទ្ធផលការងារឆ្នាំ២០១៨ និងលើកទិសដៅការងារឆ្នាំ២០១៩ របស់មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តសៀមរាប កាលពីព្រឹកថ្ងៃទី១៤ ខែមករា ឆ្នាំ២០១៩ នេះ លោក លី សំរិទ្ធ អភិបាលរងខេត្តសៀមរាប បានក្រើនរំលឹកដល់ថ្នាក់ដឹកនាំនិងមន្ត្រីនៃមន្ទីរសុរិយោដីខេត្ត នូវការងារមួយចំនួនដូចជា :
១-សូមយកចិត្តទុកដាក់ក្នុងការដោះស្រាយបញ្ហាទំនាស់ដីធ្លី តាមរយៈការចុះបញ្ជីដី ដើម្បីអោយស្របតាមផែនការដែលក្រសួងបានកំណត់ ។
២-ជំរុញ និងពង្រឹងប្រសិទ្ធភាពសេវាសាធារណៈជូនប្រជាពលរដ្ឋ ប្រកបដោយតម្លាភាព និងគណនេយ្យភាព។
៣- ជំរុញការងាររៀបចំប្លង់គោលប្រើប្រាស់ដីធ្លីខេត្ត ។
៤-ពង្រឹងវិធានការអនុវត្តច្បាប់ពាក់ព័ន្ធនឹងវិស័យសំណង់ និងដែនដី ។
៥- ជំរុញការចុះបញ្ជីដីធ្លីជូនប្រជាពលរដ្ឋប្រកបដោយប្រសិទ្ធភាពខ្ពស់ ៕
អត្ថបទ និង រូបថត : លោក អ៊ិន សីហរិទ្ធ
កែសម្រួលអត្ថបទ : លោក លីវ សាន្ត