នៅព្រឹកថ្ងៃទី២៩ ខែមករា ឆ្នាំ២០២១ ឯកឧត្តម អាណាថូលី បូរូវីក ឯកអគ្គរដ្ឋទូតនៃសហព័ន្ធរុស្សី ប្រចាំកម្ពុជា បានអញ្ជើញចូលជួប សម្ដែងការគួរសម និងពិភាក្សាការងារជាមួយ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន នាទីស្តីការក្រសួងព័ត៌មាន។
ការអញ្ជើញមកបំពេញបេសកកម្ម ការងារការទូតជាថ្មីម្តងទៀតនៅកម្ពុជានេះ ឯកឧត្តម ឯកអគ្គរដ្ឋទូត បានបង្ហាញនូវទឹកចិត្តរីករាយ និងមើលឃើញថា ព្រះរាជាណាចក្រកម្ពុជា មានការរីកចម្រើនគួរឲ្យកត់សម្គាល់ ចាប់តាំងពីឯកឧត្តមបានមកតាំងពីឆ្នាំ១៩៨០។
ឯកឧត្តមក៏បាន លើកឡើងផងដែរថា កិច្ចសហប្រត្តិបត្តិការ រវាងប្រទេសទាំងពីរ រុស្សីនិងកម្ពុជា លើវិស័យព័ត៌មាន នៅតែល្អ រហូតមកដល់បច្ចុប្បន្ន និងបន្តជំរុញ មិត្តភាព និងកិច្ចសហការរវាងប្រទេសទាំងពីរ ដែលមានរយៈជាងកន្លះសតវត្សមកនេះ រឹតតែមានភាពរីកចម្រើនបន្តទៅមុខទៀត។
ជាមួយនោះ ឯកឧត្តម ឯកអគ្គរដ្ឋទូត បានកត់សម្គាល់ថា សារព័ត៌មាននៅកម្ពុជាមួយចំនួន បានដកស្រង់ព័ត៌មានពីបណ្ដាប្រទេសលោកខាងលិចតែម្ខាង ដែលផ្ទុយពីការពិត និងពុំបានឆ្លុះបញ្ចាំង ពីភាពត្រឹមត្រូវអំពីស្ថានភាពរបស់រុស្ស៊ី។ ឯកឧត្តម មានគោលបំណង ចង់ឲ្យប្រព័ន្ធផ្សព្វផ្សាយនៅកម្ពុជាទាំងនោះ ដកស្រង់ផ្អែកលើព័ត៌មានពិត ចេញពីប្រទេសផ្ទាល់ ដើម្បីឲ្យមានតុល្យភាព ក្នុងការផ្តល់ដំណឹង ។
ឯកឧត្តម រដ្ឋមន្រ្តីក្រសួងព័ត៌មាន បានបង្ហាញការរីករាយ និងស្វាគមន៍ចំពោះវត្តមានជាថ្មីរបស់ ឯកឧត្តមឯកអគ្គរដ្ឋទូតនៃសហព័ន្ធរុស្សី នៅកម្ពុជា។
ជាគោលការរបស់ក្រសួងព័ត៌មាន កម្ពុជា ឯកឧត្តមរដ្ឋមន្រ្តី បញ្ជាក់ថា ក្រសួង តែងតែមាន កិច្ចសហការជិតស្និតជាមួយបណ្តាញប្រព័ន្ធផ្សព្វផ្សាយនានា ក្នុងនោះ ទីភ្នាក់ងារសារព័ត៌មានរុស្សីមានដូចជា ITAS-TASS , SPUTNIK , ANO “Novosti” (The Russian Today TV) សុទ្ធតែត្រូវបាន ក្រសួងព័ត៌មាន ផ្អែកលើការ ផ្សាយដំណឹងទាំងអស់។ តែទោះជាយ៉ាងណាក៏ដោយ ក្រសួង នឹងបន្តខិតខំបន្ថែមទៀត ជាពិសេសស្នើដល់ស្ថានទូតរុស្សី សូមបញ្ជូន ការផ្សព្វ ផ្សាយពីដំណឹង ឬ សេចក្តីថ្លែងការនានា មកក្រសួងព័ត៌មានកម្ពុជា ចាត់ចែងផ្សព្វផ្សាយបន្ត ព្រោះនេះជាគោលការណ៍ របស់កម្ពុជា ជាមួយបណ្ដាប្រទេសមានទំនាក់ទំនងល្អ គឺតែងតែផ្អែកលើការផ្សាយរបស់ ស្ថានទូតប្រចាំនៅកម្ពុជាជាចំបង៕
បញ្ជាក់ថា ជាគោលការរបស់ក្រសួងព័ត៌មាន
កម្ពុជា តែងតែមានគោលការណ៏សហការ ជិតស្និតជាមួយបណ្តាញផ្សព្វផ្សាយនានា ក្នុងនោះជាមួយ ទីភ្នាក់ ងារសារ ព័ត៌មានរុស្សី ដែលសហការជាមួយក្រសួងព័ត៌មានរួមមាន ៖ – ITAS-TASS , SPUTNIK , ANO “Novosti” (The Russian Today TV” សុតតែជាបណ្តាព័ត៌មាន ដែលបាន ក្រសួងព័ត៌មាន ផ្អែកលេីការ ផ្សាយដំណឹង ទាំងអស់ តែទោះជាយ៉ាងណាក៏ ក្រសួងព័ត៌មាន នឹងបន្តខិតខំបន្ថែម ទៀត ដេីម្បីជម្រុញធ្វេី យ៉ាងណាអោយ មានការយល់គ្នា ជាពិសេសស្នេីដល់ស្ថានទូតរុស្សី នៅពេលការផ្សព្វ ផ្សាយពីដំណឹងនានា ឬ សេចក្តីថ្លែងការអ្វីមួយ សូមបញ្ជូនមកក្រសួងព័ត៌មានកម្ពុជា ចាត់ចែងផ្សព្វផ្សាយបន្ត ព្រោះជាគោលការណ៏ រាល់ បណ្តាប្រទេស ដែលមានទំនាក់ទំនងជាមួយកម្ពុជា គឺតែងតែផ្អែកលេីការផ្សាយរបស់ ស្ថានទូតនានាប្រចាំនៅ កម្ពុជា៕
អត្ថបទ និង រូបថត ៖ ក្រសួងព័ត៌មាន
