នៅវេលាម៉ោងប្រមាណ១២រសៀល ថ្ងៃទី០៤ ខែកុម្ភៈ ឆ្នាំ២០២១នេះ មានករណីអគ្គីភ័យមួយកើតឡើង នៅក្នុងភូមិខ្នារ សង្កាត់ជ្រាវ ក្រុងសៀមរាប បណ្ដាលឲ្យឆេះខូចខាតផ្ទះទាំងស្រុងចំនួន០៣ខ្នង។
តាមការឲ្យដឹងពីសមត្ថកិច្ចនៅកន្លែងកើតហេតុ បង្ហាញថា ផ្ទះដែលបានឆេះទាំង៣ខ្នងនោះ សង់ពីឈើប្រក់ស័ង្កសី រីឯទ្រព្យសម្បត្តិនៅក្នុងផ្ទះរួមមានគ្រឿងអលង្កា ប្រាក់រៀល និងដុល្លារ ព្រមទាំងសម្ភារៈជាច្រើនទៀត ក៏ត្រូវភ្លើងឆេះខូចខាតផងដែរ។ តាមការសន្និដ្ឋានរបស់សមត្ថកិច្ច ករណីអគ្គីភ័យនេះ កើតឡើងដោយសារឆ្លងចរន្តអគ្គិសនី។
ក្នុងប្រតិបត្តិការនោះ មានការអន្តរាគមន៍ពន្លត់ភ្លើងពី កងកម្លាំងពន្លត់អគ្គីភ័យ នៃស្នងការដ្ឋាននគរបាលខេត្ត និងអធិការដ្ឋានក្រុង ដោយប្រើប្រាស់រថយន្តពន្លត់អគ្គីភ័យចំនួន៣គ្រឿង និងពន្លត់ភ្លើងបានទាំងស្រុងនៅវេលាម៉ោង១:៣០នាទីរសៀលថ្ងៃដដែល។
អត្ថបទ និង រូបថត ៖ លោក ខេង ឧត្តម
កែសម្រួលអត្ថបទ ៖ លោក សេង ផល្លី
