ថ្លែងនៅក្នុងជំនួបពិភាក្សាការងារ និងចុះហត្ថលេខាលើកំណត់ហេតុស្តីពីកិច្ចសហប្រតិបត្តិការរវាងខេត្តសៀមរាប នៃប្រទេសកម្ពុជា និង ក្រុងស៊ីសុងបាណា ខេត្តយូណាន នៃប្រទេស កាលពីថ្ងៃទី១៦ ខែមករា ឆ្នាំ២០១៩ម្សិលមិញនេះលោក ឡ ហុងជាំង អភិបាលក្រុងស៊ីសុងបាណា បានបង្ហាញនូវគោលបំណងចង់ឲ្យមានការហោះហើរត្រង់ ពីខេត្តសៀមរាប ទៅកាន់ទីក្រុងស៊ីសុងបាណា ដែលជាការល្អបំផុតសម្រាប់ការជួយអភិវឌ្ឍន៍សេដ្ឋកិច្ចរបស់ប្រទេសទាំងពីរពិសេសក្រៅពីចង់ឲ្យមានជើងហោះហើរត្រង់រវាងក្រុងស៊ីសុងបាណា និងខេត្តសៀមរាប លោកក៏មានបំណងធ្វើកិច្ចសហប្រតិបត្តិការជាមួយខេត្តសៀមរាប លើផ្នែកកសិកម្ម និងការផ្លាស់ប្តូរនិស្សិតទៅសិក្សាទៅវិញទៅមកផងដែរ។
លោកឡ ហុងជាំង មានប្រសាសន៍ទៀតថា ក្រុងស៊ីសុងបាណា ជាទីក្រុងមួយដែលធំជាងគេនៅប្រទេសចិន ផ្នែកអភិរក្សសត្វព្រៃ ហើយក៏ជាទីក្រុងដ៏ធំផ្នែកកសិកម្ម មានដំណាំតែ និងចេក ខណៈដែលផលិតផលតែ និងចេកនេះ បាននាំឲ្យក្រុងស៊ីសុងបាណាទទួលបានអ្នកទេសចរប្រមាណ៤លាននាក់ក្នុងមួយឆ្នាំៗ ដូច្នេះការមានជើងហោះហើរត្រង់មកកាន់ខេត្តសៀមរាប ក៏ជាការជំរុញកំណើនអ្នកទេសចរចូលមកទស្សនាប្រទេសកម្ពុជា និងក៏ជាការជួយជំរុញឲ្យជីវភាពប្រជាពលរដ្ឋនៃប្រទេសទាំងពីរមានការរីកចម្រើនផងដែរ ។
ជាការឆ្លើយតប ឯកឧត្តម ទៀ សីហា អភិបាលខេត្តសៀមរាប បានយល់ស្របចំពោះការលើកឡើងរបស់លោកអភិបាលក្រុងស៊ីសុងបាណា ហើយឯកឧត្តម បានសន្យានឹងខិតខំធ្វើយ៉ាងណា ជំរុញកិច្ចការទាំងនេះឲ្យបានឆាប់រហ័ស ៕
អត្ថបទ និង រូបថត ៖ លោក ជា ស្រស់
កែសម្រួលអត្ថបទ ៖ លោក លីវ សាន្ត
