បើតាមលោក ម៉ុង ប៊ុនលីម នាយខណ្ឌរដ្ឋបាលព្រៃឈើសៀមរាប បានឲ្យដឹងថា នៅថ្ងៃទី០៦ ខែមេសា ឆ្នាំ២០២១នេះ សង្កាត់រដ្ឋបាលព្រៃឈើកន្ទួតខ្នារក្រៅ សហការជាមួយកម្លាំង យោធាភូមិភាគ៤ បានធ្វើការចាប់ឃាត់រថយន្តម៉ាកទូរីស ដឹកឈើខុសច្បាប់១គ្រឿងពាក់ស្លាកលេខកំពង់ស្ពឺ 2A 3058 បើកបរដោយឈ្មោះ យ៉ាង យ៉ុម ភេទប្រុស ដឹកឈើអារប្រភេទលេខ១(ឈើផ្ចឹក)ចំនួន៣៦ដុំស្មើ និង១,០៥៥ម៉ែត្រគូ ដោយគ្មានលិខិតអនុញ្ញាតពីរដ្ឋបាលព្រៃឈើ។
លោក ម៉ុង ប៊ុនលីម បានឲ្យដឹងទៀតថា ការបង្រ្គាបនេះបានធ្វើឡើងស្ថិតនៅត្រង់ចំណុច ភូមិរុងរឿង ឃុំកន្ទួត ស្រុកស្វាយលើ ខេត្តសៀមរាប។ ចំពោះវត្ថុតាងបទល្មើសបច្ចុប្បន្នត្រូវបានកម្លាំងជំនាញយកមករក្សាទុកនៅសង្កាត់រដ្ឋបាលព្រៃឈើសង្កាត់កន្ទួតខ្នាក្រៅ ដើម្បីរៀបចំសុំណុំរឿងតាមនិតិវិធីច្បាប់ស្តីពីព្រៃឈើ ៕
អត្ថបទ និង រូបភាព៖ ខេង ឧត្តម
