ស្ត្រីម្នាក់ដែរត្រូវបានគេស្គាល់ថាជាអ្នកលក់ដូរនៅផ្សារលើធំថ្មីបានរងរបួសធ្ងន់ដោយសារបុរសម្នាក់បានយកកូនកាំបិទចាក់ ដោយហេតុការនេះបានកើតឡើងកាលពីថ្ងៃទី០៦ ខែមេសា ឆ្នាំ២០២១ ស្ថិតនៅត្រង់ចំណុចខាងមុខផ្សារលើធំថ្មី ស្ថិតក្នុងភូមិដកពោធិ៍ សង្កាត់ស្លក្រាម ក្រុង/ខេត្តសៀមរាប។
បើតាមស្រ្តីរងគ្រោះបានឲ្យដឹងថា ជនបង្កមានឈ្មោះ តាំង លាប ភេទប្រុស អាយុ៣៧ឆ្នាំ មានទីលំនៅក្នុងភូមិខ្នារ សង្កាត់ជ្រាវ ក្រុង/ខេត្តសៀមរាប ដោយរូបគេបានធ្វើសកម្មភាពយកកូនកាំបិទចាក់ទៅលើស្រ្តីម្នាក់មានឈ្មោះ លាន ប៊ុនណាត ភេទស្រី អាយុ៣៥ឆ្នាំ មុខរបរលក់ដូរ មានទីលំនៅ មានទីលំនៅក្នុងភូមិឃុំជាមួយគ្នា ចំឆ្អឹងជំនីខាងស្ដាំបណ្ដាលឲ្យរងរបួសធ្ងន់។ ក្រោយមករូបគេរបានយកម៉ូតូរបស់ប្រជាការពារភូមិជិះទៅផ្ទះបាត់ ហើយបានយករថយន្តមួយគ្រឿងមានផ្លាកលេខសៀមរាប 2C 7173 ជិះគេចខ្លួនបន្តទៀត។ ហើយមូលហេតុដែលបង្កឲ្យកើតមានករណីនេះ ដោយសារជនបង្ករ និងជនរងគ្រោះធ្លាប់ជាប្តីប្រពន្ធហើយបានលែងលះគ្នារួចហើយ តែជនបង្ករសុំត្រូវគ្នាវិញតែជនរងគ្រោះមិនយល់ព្រម។ បច្ចុប្បន្ន ជនរងគ្រោះកំពុងសម្រាកព្យាបាលនៅមន្ទីរពេទ្យ ស៊ឹង រឹទ្ធីរ៉េត ដោយឡែកជនបង្ករសមត្ថកិច្ចកំពុងស្រាវជ្រាវដើម្បីឃាត់ខ្លួនផ្ដន្ទាទោសតាមច្បាប់៕
អត្ថបទ និង រូបភាព៖ ខេង ឧត្តម
