នៅព្រឹកថ្ងៃទី២៦ ខែមេសា ឆ្នាំ២០២១នេះ ឯកឧត្តម គុជ លីណា សមាជិកក្រុមប្រឹក្សាខេត្តសៀមរាប និងលោកជំទាវ តំណាងឯកឧត្តម សេង ទៀង ជំនួយការសម្ដេចតេជោ ហ៊ុន សែន នាយករដ្ឋមន្ត្រី បាននាំយកអំណោយអំណោយពី សម្ដេចតេជោ ហ៊ុន សែន និង សម្តេចគិតិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់ចៅភ្លោះប្រុស-ស្រី ៦នាក់ ចំនួន ២គ្រួសារ សម្រាលដោយសុវត្ថិភាព នៅមន្ទីរពេទ្យគន្ធបុប្ផាខេត្តសៀមរាប។
គ្រួសារទី១ ឪពុកឈ្មោះ ប៉ុញ ដក់ អាយុ៣៣ឆ្នាំ និងម្តាយឈ្មោះ ហៀប សារី អាយុ៣០ឆ្នាំ អ្នកទាំងពីរមានស្រុកកំណើតនៅភូមិស្រែណូយ ឃុំស្រែណូយ ស្រុកវ៉ារិន ខេត្តសៀមរាប និងមានកូនក្នុងបន្ទុកម្នាក់ សម្រាលបានកូនភ្លោះប្រុសចំនួន ៣នាក់ កាលពីថ្ងៃទី០៨ ខែមីនា ឆ្នាំ២០២១។
គ្រួសារទី២ ឪពុកឈ្មោះ នួន សីលា អាយុ២៤ឆ្នាំ និងម្តាយឈ្មោះ ជុំ ម៉ាលីនដា អាយុ២៤ឆ្នាំ អ្នកទាំងពីរមានស្រុកកំណើតនៅភូមិ គោកច្រេះ សង្កាត់សំរោង សំរោងសំរោង ខេត្តឧត្ថរមានជ័យ សម្រាលបានកូនភ្លោះស្រីចំនួន ៣នាក់ កាលពីថ្ងៃទី២៣ ខែមេសា ឆ្នាំ២០២១។
អំណោយរបស់សម្តេចតេជោ និងសម្តេចគិតិព្រឹទ្ធបណ្ឌិត ដែលបានប្រគល់ជូនគ្រួសារទាំងពីរនេះ រួមមាន៖ អង្ករ៥០គីឡូក្រាម ទឹកដោះគោ២កេស ស្ករស ៥គីឡូក្រោម ក្រម៉ា០២ សារ៉ុង០២ និងថវិកា៥លានរៀល ។
ក្នុងឱកាសនោះ ឯកឧត្តម គុជ លីណា មានប្រសាសន៍ថា ជានិច្ចកាលសម្តេចទាំងពីរ តែងតែយកចិត្តទុកដាក់ ដលល់ប្រជាពលរដ្ឋនៅគ្រប់ទីកន្លែង ជាពិសេសចំពោះគ្រួសារ សម្រាលបានកូនភ្លោះ ៣នាក់ ដោយបានចាត់ទុកជាចៅរបស់សម្តេច និងទទួលបានអំណោយដូចៗគ្នា ដោយពុំមានប្រកាន់ពូជសាសន៍ ឬនិន្នាការនយោបាយឡើយ ។
អត្ថបទ និង រូបភាព៖ លោក ទ្រា ពន្លឺ
កែសម្រួល៖ លោក សេង ផល្លី
