នៅព្រឹកថ្ងៃទី០៦ ខែឧសភា ឆ្នាំ២០២១ សាខាកាកបាទក្រហមកម្ពុជាខេត្តសៀមរាប បានបន្តទទួលអំណោយពីសាខាគយ និងរដ្ឋាករ ខេត្តសៀមរាប ,ព្រះវិហារ ធានលីមីឡឹ ,ធនាគារ វឌ្ឍនៈ សាខាសៀមរាប ,មន្ទីរពាណិជ្ជកម្ម ខេត្តសៀមរាប ,មន្ទីររ៉ែ និងថាមពល ខេត្តសៀមរាប , ធនាគារ ពាណិជ្ជទី១ សាខារងសៀមរាប ,ធនាគារ កម្ពុជាសាធារណៈ សាខាសៀមរាប ផ្សារកណ្ដាល ដើម្បីចូលរួមអបអរសាទរខួបលើកទី១៥៨ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ២០២១ ។
មានប្រសាសន៍ក្នុងឱកាសនោះ លោក ស៊ុ សំអន នាយកប្រតិបត្តិសាខា និង ជាតំណាងឯកឧត្តម ទៀ សីហា ប្រធានគណៈកម្មាធិការសាខាកាកបាទកម្ពុជាខេត្តសៀមរាប បានថ្លែងអំណរគុណយ៉ាងជ្រាលជ្រៅបំផុតចំពោះ ថ្នាក់ដឹកនាំ និងមន្ត្រីរាជការទាំងអស់នៃមន្ទីរ និងអង្គភាពជុំវិញខេត្តសៀមរាបទាំងអស់ ដែលបានឧបត្ថម្ភថវិកាដល់ សាខាកាកបាទក្រហមកម្ពុជា ខេត្តសៀមរាប ក្នុងឱកាសខួបទី១៥៨ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២១ ក្រោមប្រធានបទ «ទាំងអស់គ្នារួមជាមួយកាកបាទក្រហមកម្ពុជា ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ»។
ចំពោះអំណោយទាំងនេះ វាគឺជាការចូលរួមរបស់សប្បុរសជនជាមួយសកម្មភាពមនុស្សធម៌ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ហើយចំពោះអំណោយទាំងនេះ សាខាកាកបាទក្រហមកម្ពុជាខេត្តសៀមរាប នឹងយកចិត្តទុកដាក់ខ្ពស់បំផុតក្នុងការប្រើប្រាស់អំណោយដ៏ថ្លៃថ្លាទាំងនេះ ដើម្បីបម្រើការងារមនុស្សធម៌ ជួយដល់ប្រជាពលរដ្ឋដែលជួបការលំបាកដោយគ្រោះធម្មជាតិ គ្រោះមហន្តរាយផ្សេងៗ និងប្រជាពលរដ្ឋដែលកំបុងជួបការលំបាកដោយសារជំងឺកូវីដ-១៩ ដោយមិនប្រកាន់ ពូជសាសន៍ ពណ៌សម្បុរ និងនិន្នាការនយោបាយណាមួយឡើយ ស្របតាមគោលការណ៍គ្រឹះទាំង៧ប្រការ របស់ចលនាអន្តរជាតិកាកបាទក្រហមអឌ្ឍចន្ទក្រហម។
ថវិកាដែលមានទទួលបានពីសប្បុរសជនរួមមាន៖
-សាខាគយ និងរដ្ឋាករ ខេត្តសៀមរាប ថវិកាចំនួន ៥,០០០,០០០រៀល
-ព្រះវិហារ ធានលីមីឡឹ អង្ករ ៣០០គីឡូក្រាម និងទឹកសស៊ីអ៊ីវ ១០យួរ
-ធនាគារ វឌ្ឍនៈ សាខាសៀមរាប ថវិកាចំនួន ៤០០,០០០រៀល
-មន្ទីរពាណិជ្ជកម្ម ខេត្តសៀមរាប ថវិកាចំនួន ១,០៨៥,០០០រៀល
-មន្ទីររ៉ែ និងថាមពល ខេត្តសៀមរាប ថវិកាចំនួន ៧,៤០០,០០០រៀល និង១,៨០០ដុល្លារ
-ធនាគារ ពាណិជ្ជទី១ សាខារងសៀមរាប ថវិកាចំនួន ១០០ដុល្លារ
-ធនាគារ កម្ពុជាសាធារណៈ សាខាសៀមរាប (ផ្សារកណ្ដាល) ថវិកាចំនួន ១០០ដុល្លារ ៕
អត្ថបទ និងរូបភាព៖ សាខាកាកបាទក្រហមកម្ពុជាខេត្តសៀមរាប
កែសម្រួល៖ អ៊ុន ណារាជ្យ
