កាលពីថ្ងៃ១៤ ខែឧសភា ឆ្នាំ២០២១ម្សិលមិញនេះ ឯកឧត្តម ពៅ ស៊ា ប្រធានក្រុមការងារចុះជួយឃុំប្រាសាទ ក្នុងស្រុកវ៉ារិន បាននាំយកអំណោយនិងថវិកា ជូនដល់ស្រ្តីដែលទើបនឹងសម្រាលកូន ចំនួន៣៦នាក់ នៅក្នុងឃុំប្រាសាទ ដែលក្នុងម្នាក់ៗទទួលបានថវិកាចំនួន១០ម៉ឺនរៀល និងមុងចំនួន០១ , គ្រួសារអ្នកស្លាប់ដោយសារជំងឺចំនួន១៣នាក់ ក្នុងមួយគ្រួសារទទួលបានថវិកាចំនួន២០ម៉ឺនរៀល និង គ្រួសារអ្នកស្លាប់ដោយសាររន្ទៈបាញ់ចំនួន១នាក់ទៀត ទទួលបានថវិកាចំនួន ៥០ម៉ឺនរៀល ហើយក្រុមការងារស្រុក ឃុំ ភូមិ ស្មៀនឃុំ បានឧបត្ថម្ភជាថវិកាដល់គ្រួសារអ្នកស្លាប់ទាំង១៤នាក់ សរុបចំនួន១.៧៧០.០០០រៀល ខណៈអនុសាខាកាកបាទក្រហមកម្ពុជាស្រុកវ៉ារិន បានឧបត្ថម្ភជាថវិកា ១០ម៉ឺនរៀល និង អង្ករ ចំនួន៤០ គីឡូក្រាម សម្រាប់គ្រួសារអ្នកស្លាប់ដោយសាររន្ទៈបាញ់ ។
ជាមួយគ្នានេះដែរ ឯកឧត្តម ពៅ ស៊ា ក៏បានឧបត្ថមដល់ក្រុមការងារឃុំ ជាថវិកាចំនួន ២០ម៉ឺនរៀល , ប៉ុស្តិ៍នគរបាលរដ្ឋបាលឃុំ ថវិកាចំនួន ១០ម៉ឺនរៀល និង ក្រុមការងារដែលមើលថែរការពារបងប្អូនកំពុងធ្វើចត្តាឡីស័កក្នុងឃុំ ថវិកាចំនួន ៤០ម៉ឺនរៀល ។
មានប្រសាសន៍ក្នុងឱកាសនោះ ឯកឧត្តម ពៅ ស៊ា បានឲ្យដឹងថា ស្ត្រីជាមាតាពិភពលោក» ដែលមានគុណតម្លៃដ៏ថ្លៃថ្លាមិនអាចកាត់ថ្លៃបាន ហើយសូមមើលថែកូនៗ ឲ្យមានសុខភាពល្អ មានអនាម័យ ក្នុងការរស់នៅ ព្រមទាំងត្រូវថែរទាំសុខភាពទាំងអស់គ្នា ការពារឲ្យបានដាច់ខាតជំងឺ Covid-19 ត្រូវអនុវត្តឲ្យបានជាប្រចាំ តាមការណែនាំរបស់ ក្រសួងសុខាភិបាល និង វិធានការរបស់រាជរដ្ឋាភិបាល គឺ ៣កុំ ៣ការពារ ជាពិសេសសូមនាំបុត្រាបុត្រី ទៅចុះបញ្ជីអត្រានុកូលដ្ឋានឲ្យបានគ្រប់ៗគ្នា ព្រោះវាមានសារៈសំខាន់ណាស់សម្រាប់កូនៗរបស់យើងទៅថ្ងៃអនាគត ៕
អត្ថបទ និង រូបថត ៖ លោក ខេង ឧត្ដម
កែសម្រួលអត្ថបទ ៖ លោក លីវ សាន្ត
